故事一 --- 髮夾店
有日同朋友A行街, 經過髮夾店。這間是朋友A最愛逛的店, 在店內朋支A不亦樂乎地選著我覺得全是一樣的髮夾! 當中個Sales姐姐就不停話"可以隨便試o架!", 我即刻諗起林海鋒隻"是但嗡發花癲"DVDo既內容, GeiGei聲咁笑o左出o黎! 朋支A就話我傻o左啊你! 最後購物狂的她又揀到兩隻心儀的髮夾, 一隻是有碎石閃爍爍的, 一隻是幾朵玫瑰花仔,係咪呢我都話一樣o架啦! 拿到Cashier櫃枱, o個收銀姐姐(另一個Sales姐姐)就話, 睇o下有冇問題啦! 我同朋友A就你眼望我眼咁! o下!o個問題咁深o既! 點睇啊!? 停頓一陣之後, 啊! 我諗到啦! 我拿起閃爍爍o個隻髮夾, 倒轉佢, 大力搖大力搖! o個收銀姐姐就大大聲咁笑o左出o黎!
我話冇問題, d石冇甩出o黎! o個收銀姐姐同朋友A重大聲d咁不停係度笑! 我話唔係點試呀? 跟著o個收銀姐姐就話, 十四日內有問題可以攞番呢免費維修! 跟著我話咁我頭先就唔洗試得咁認真啦! 大家又不停係度笑! 朋友A離開店舖後就話我白痴o架搞到D Sales姐姐咁開心! :p
買o野! 最緊要開心o麻!
故事二 --- 買香蕉
o個同我媽經過超市, 睇到 D 香蕉又平又靚! 咁就買o左一梳同其他日用品, 去櫃枱俾錢! 我把梳蕉係o個磅度, 收銀嬸嬸(今次唔係姐姐, 懂得人情世故o個隻)唔覺意把盒餅撞o左落梳蕉度, 佢就不停講對唔住! (我諗佢以為撞到我隻手) 我就話唔洗對唔住, 梳蕉唔會痛o架! o個嬸嬸就望著我, 等一等, 再望著我媽再同我媽講:"啊!佢好曳呀!" 跟著就哈哈大笑!! @_@ 吓!?!?!?!? 我同我媽也打個凸! 心諗o個嬸嬸做乜野啊!? 當我仲未意會到係乜事o既時候, 醒目阿媽就知咩事了! 阿嬸嬸以為我話"條"蕉唔痛! (你地都諗度係咩意思啦!) 我媽就順利成章同嬸嬸講"你又聽得明o既!咁聰明o既!" 今次真係冇端端整"笑"人, 重要俾人屈講衰o野tim! 見佢地咁開心, 我都廢事解釋! 跟著我媽同嬸嬸就傾個不停! 俾完錢嬸嬸仲話有印花蓋, 蓋o左十個俾我地!!
買o野! 最緊要開心!
有時, please 唔一定係得一個方向!
售貨員 please 顧客、 雇員 please 雇主、 父母 please 子女、男/女朋友 please 女/男朋友
開心源於自己, 要使人開心就先讓自己開心!
但使人開心也可令自己開心, 不要小看自己令人開心的力量啊~~~
:D
Start from 2006 ...
沒有留言:
發佈留言