TayThink/ Gadget Stuff --- 港視開網台大塞車，其自救法的反思

Tech Save your life!?

琴晚 (2014.11.19)港視開台大塞車，佢地就用左 UStream 黎自救 (我用佢地個App, 試左15分鐘都睇唔到，最後放棄左。) 吸引左廿萬人喺 UStream度
觀看，大台嘅收視就唔知啦！

不過，就令我諗返以前嘅工作上嘅小插曲，同埋有關同勇氣、保守、創新、求變、成功…

起碼都有 5/ 6 年前，睇到有關 NHK (日本電視台)嘅 R&D，佢地已經提及網路視頻串流，大眾由 YouTube 轉去 UStream (當時，YouTube 未有 Live Streaming，而且 Live Streaming 係一件唔易嘅事) ，人人都可以做電視台，你只要喺自己部 SmartPhone，裝個App，就可以用電話嘅鏡頭串流所擇嘅畫面向全世界實時播放 (不過，免費用戶只限10個連接)。

而幾年前，喺一個有份參與嘅 Project上， 都提議過用 UStream，不過，最後畀Ban 鳥~~~

當然，都唔知點解會畀 Ban，大該都係「技術太新，隱定性受成疑…等等」。(其實，Ban你洗乜畀理由你!)
(◣_◢)

當時，畀 Ban後為左自己心理上平衡啲，決定開台畀同事睇，Live Stream 自己公司枱頭嘅擺設，流量 5個都冇，哈哈!

(￣▽￣)ノ

冇耐一間响日本賣叉電池嘅公司，搞左個用叉電池機械人行日本國內東海道五十三次(驛)嘅 Campaign，一共行左 500公里 (即係由東京行去京都)，由當年 9月尾行到11月中，全程都用 UStream 直播 (嗰次 仲打破左世界紀錄)！！

呢次，無論 UStream 同嗰啲叉電嘅隱定性都應該唔會受成疑啦呱！！

(¬_¬)

講左咁耐，其實我想講世界不停喺度變，互聯網會令呢個世界某啲領域越黎越平。


你可以瞻小咁玩你嘅壟斷，固步自封咁玩你嘅金融、地產，毫不務實咁講如何推動本土創新工業，繼續簡單地同大財團打造本地經濟，唔難想像 10年後嘅香港會變成點，因為，最近大家好熱熾期待嘅滬港通已經畀左個答案你，仲咩人民幣離岸中心，大白象大橋 …


諗返當時自己就係唔夠大瞻，如果唔係嗰個 Project 可能已經喺香港成為 Live Streaming 嘅先驅!

失敗中嘅失敗！！
o(╥﹏╥)o


最後，NHK 喺 UStream 嘅 Channel，已經停播，改用自家串流技術，我地仲唔追，仲要做幾耐井底之蛙！？

ヾ( ･`⌓´･)ﾉﾞ

"完全に一致" 嘅 iPad 2 Smart Cover [ Fun / Gadget Stuff]

前日「阿美利加嘅生果檔」推出 iPad2，又令全球哄動！！

除左大賣佢地部机外，佢地嘅另一個新設計嘅配件 – Smart Cover都係大賣之一，我睇完都大讚：「好設計！」

iPad 2's Smart Cover

可以保護個 "芒" 嘅同時又實用，打字時可以做 keyboard stand，睇片時又可以做 video stand！

真係方便又好用！

日人常用嘅浴缸墊 vs iPad 2's Smart Cover

但响世界另一邊嘅日本，竟然大鬧一句 ：「完全に一致！！」

原因係日人見到呢個設計就話：「點解同我沖涼房用緊果塊浴缸墊一樣嘅！！」

我睇完 (左圖) 都笑左出黎！！
XD

唔埋 iPad 2 喺日本賣唔賣得，但係發現原來架仔都好鐘情呢種笑料~

除左物件同物件，又有人同動物，動物同物件…

又真係幾似同幾好笑o架喎~

你想睇多啲可以响 google 圖片搜尋度，打 “完全に一致” ！


依家揀左少少畀你睇住先~ 哈哈！
o^_______^o

Start from 2006 ...

呢架遙控車太貴了！[Tech / Fun / Mobile / Gadget Stuff]

唔知點解大多數嘅男仔，無論幾大，始終對遙控玩具都係愛不釋手！

之前喺香港全球首賣、用「愛瘋」控制嘅 AR.Drone 遙控飛機，真係有啲衝動買黎玩 ！

今日响網上睇到呢部遙控車，都真係超想玩！

不過，要玩就先要換左我部「愛瘋」，再要買架「寶馬」！
肯定老婆、阿媽同外母都會話：「你傻呀！咁貴！！」

1:1寶馬智能手機遙控車！XD




Start from 2006 ...

一個簡單裝置令你部"愛瘋"變成 3D 電影院！[Fun / Mobile / Gadget Stuff]

Plam Top Theater
img: designwork-s.com

有冇諗過可以喺自己部手機可以睇 3D 電影！？仲要唔洗帶住 3D眼鏡添！！


依家有個簡單裝置就可以做到啦！ (令我諗返以前玩 Gameboy 嗰個瑩幕放大鏡，XD)


雖然做到 3D嘅效果，但係其實只係玩緊分層，而且只係分咗 3個 Layer！


如果你之前睇過《3D愛麗絲夢遊仙境 (Alice in Wonderland)》同《阿凡達 (Avatar)》，佢只可以做到《愛麗絲》嗰隻 3D效果，有人會稱佢為假3D，而唔係《阿凡達》嗰隻真3D效果，不過已經係一大進步！

因為最緊要唔洗帶 3D眼鏡同隨時有得睇！哈哈！

o^________^o

影片介紹：



Start from 2006 ...

限時免費軟件 – "愛瘋"電話硬碟 (Phone Disk) [Apps / Mobile / Gadget Stuff]

時下興 限時優惠 / 免費，今日都介紹一個限時免費軟件畀用緊"愛瘋"嘅朋友。

用"愛瘋"嘅朋友，有時對佢真係「又愛又恨」，因為好多野同 Apps 都好好用，但係，有啲野就諸多限制！！
>____<

其中一樣我最憎嘅就係攞番自己影嘅相或者短片段都好麻煩，你用Windows 你只可以用「掃描器和相機精靈」去攞落埋或者 用 email 或其他 Apps upload 去其他地方度，好似 facebook咁！ 當然，你 JailBreak左就另計。

問題係點解我唔可以直接攞落部腦機度，做 backup或者 edit先！？

Phone Disk
img: macroplant.com

依家終於有一個有個唔洗 JailBreak 嘅軟件，唔理你用緊 Mac定 Win, 佢都可以畀你真接將部"愛瘋"當成隻 USB手指用啦！

:O

呢個軟件叫 Phone Disk (我譯做 "電話硬碟" XD )！


佢係限時免費軟件，「唔洗 $$ 到 12月1號咋！！快啲去 download啦！

你安裝完都只係試版，你要入個 registration code，喺個網頁上面有o架，自己搵下啦！



更多資料：
1. FAQ for Mac
2. FAQ for Win
3. How to use for Win


Start from 2006 ...

午飯後的暇想…公司個Mon. Upgrade 左，變左3D Mon.！？[Fun, Mobile, Gadget Stuff]

最近咁啱成日都提一間日本電子巨企「PAN乸爽力」，之前提到佢地小機械人Evolta，今日就提下佢地有關嘅 3D立體電視 ，但係又同另一個機械人 – 高達有少少關係！

事源我之前提到「ガンダムAR」(高達 [機動戰士] AR)嘅 "愛瘋" App ，朋友話喺佢嘅 "愛瘋士"行都唔係好似真嘅A.R.(擴增實境, Augmented Reality)！！

因為，正常玩嘅 A.R. 係你一影到佢對應嘅AR Code，佢就立即响個 Code响上面 form個 3D model 或者你叫立體公仔，你個鏡頭郁，果個立體公仔就會跟住郁！

不過，高達果App就唔係咁，你個鏡頭要先對準個 Code，跟住你禁佢地嘅掣︿個高達先 form出黎，你一郁下個高達就會 form到亂晒龍！

咁就勾起我條引，搵下係咪所有嘅 "愛瘋"A.R. App都係咁！

終於，搵到一個「PAN乸爽力」之前為左推廣佢地3D立體電視出嘅 《AR Greeting》"愛瘋" App ！

裝完先知原來iOS4行唔到！
>__<

《午飯後的暇想…公司個Mon. Upgrade 左，變左3D Mon.！？》

因為今日要返工，一個人好快就食完晏，update下自己部"愛瘋"App，發現佢地果個App Update左！寫住 → (iOS 4.0 Tested)！！

咁就即係裝左，將佢個A.R. Code擺响我枱頭個Mon.！

我個Mon. 立即變左 3D Mon. 啦！老虎 出場，哈哈！！

呢啲就真係叫「午飯後的暇想」！！

你用你隻手指 fing一fing，唔同嘅立體動物會出現响你個畫面前，好似乳牛、鯊魚、大象…

仲有鯊魚
img: itunes.apple.com

同乳牛
img: itunes.apple.com

佢地仲會郁頭、游水、仲會向住你咆哮添！！

"愛瘋士"人士有興趣可以裝黎玩下，免費o架！不過，要用日本"愛豚"account！


更多資料：
1. 如何申請日本"愛豚"account
2. 「PAN乸爽力」–《AR Greeting》@ "愛store"

Start from 2006 ...

TayThink / Info / Gadget Stuff --- 未來能量趨勢， 將會是"能量磚"嗎！？

家下乜都話用電，試諗下如果你部電話或者部腦冇電，或者你屋企又冇交電費，用唔到電熱水爐或者煮食爐，可以點算？

而且，依家啲私家車甚至巴士都話開始係電動！

你可以想像下，如果，依家停電一個鐘，呢個世界會點！？

你地可能會話因為依家科技進步左，啲公司先可以出去啲比較環保，又低碳排放嘅電子產品同電動車 (EV)~

我之前都咁諗，不過，依家我會話呢個講法啱唔晒！

之前一間嘅日人汽車公司，”生零”就喺2009 年 (05年已經展出) 推出左第一部零碳排放電動車 i-MiEV 俾市場！我地香港依家話喺研究階段 (我地香港"你大"有 MyCar, 我見到"宗電"都買左 i-MiEV 做公司車)，人地日人都係喺研究階段，不過，人地已經研究點樣用响公共交通度用電動車，喺新潟県柏崎市試行緊電動同混能的士！

関西電力測試 i-MiEV
img: shigahochi.co.jp

講下呢部 i-MiEV先，佢嘅設計其實真係好唔錯，四人座位，啱晒一家大細，行車時零碳排放，最高速可以去到每小時 130公里，可以行到160公里，啱啱可以由屯門市中心走一轉去中環 IFC都有剩 (110公里 G記Map話嘅！)，而且，用快速叉電，叉半粒鐘時就有八成電，响屋企叉都得，不過要叉 8個鐘先叉滿！

”生零”令其他日本嘅汽車業再次投入電動車嘅發展！你會問點解叫再次！？ 呢個亦係我話「啱唔晒」嘅原因！

因為，其實日本早喺 63年前已經有電動車，呢架車叫做「たま(Ta Ma)電気自動車」 (同和歌山果架 「たま貓火車」同名！會响我嘅第 6日關西、中部遊記 度出現)。當時1947年，全東京已經有800台「たま電動車」，都唔講得笑！

「たま(Ta Ma)電気自動車」

你會話日人真係有遠見同愛環保，咁就錯啦！佢地生產呢架車全因錢作怪！

喺第二次世界大戰後，因為石油供應唔穩定，油價高企，佢地研發左呢架「たま電気自動車」，為左慳錢就真！

當然，呢架「たま電気自動車」冇冷氣，又只可以用時速 35公里行走，仲要車身係木框加鐵板！不過，冇幾耐就俾淘汰，佢地研究嘅公司「日橙」今個夏天就將佢重生！！

當然，佢地唔係將佢重新推出市場，因為以佢嘅速度，一定搞到交通癱瘓！XD

佢只係幫間公司做宣傳，因為間公司會有兩架電能車推出市場！

たま電気自動車再生ヒストリー


たま電気自動車試乗


咁你會話電動車未得，呢啲車都唔夠快！

テスラ・ロードスター（Tesla Roadster）
img: wiki

咁又未必喎！因為另一日人汽車公司已經响 08年推出左一架電動跑車 テスラ・ロードスター (Tesla Roadster) ！你又可能懷疑啲電動跑車都係Gimmick野o者！同歐洲啲名跑車邊有得比呀！？但原來日人有間大學，慶応大学喺07年已經將自己研發嘅電動車同架「波子」比一比！你可以睇下面條片嘅賽果。

慶応大学・エリーカの実力 | 電気自動車 VS「波子」



咁你會話啲電動野唔夠耐力嘅，唔都啱嘅，因為，冇一架電動車可以行足兩日都唔洗叉電！

不過，當我睇到一篇報導話一間日人嘅電子公司喺 9月23日(即係今日呀！！) 想用佢地嘅電芯+機械人EVOLTA 想試下破世界紀錄，行日本東海道五十三次（とうかいどうごじゅうさんつぎ）！

Evolta 小機械人
img: panasonic.jp

乜係東海道五十三次！？ 其實「次」即係驛道 / 宿場，係日本江戶代嘅車站，東海道五十三次即係有53個驛站，由東京嘅日本橋到京都嘅三条大橋！！ 一共500公里！！


佢地直播緊，小機械人依家(15:09)已經行左8公里啦！


:O


所以，由電動車到電芯機械人，我相信唔洗好耐，持久力都唔會係電動機械嘅一個問題啦！

咁樣令到我有一個奇想，就係將來好可能真係會好似動畫「變形金剛」嘅橋段，會有「能量磚」(All-Spark Cube) 嘅出見！！

哈哈！

大家不妨一齊見證下，睇下會唔會見到啦！ XD

「能量磚」(All-Spark Cube) 好快會出現！？
img: poptranshumanism.com

電芯機械人喺09年已經响法國嘅 Le Mans 賽道行足左 24小時破左健力士世界紀錄架啦！勁！！

Start from 2006 ...

Gundam 30週年別注電話 [Comic + Anime / Fun / Gadget Stuff]

img from gundam.info

日人真係唔會放過 Gundam 30週年呢個盛事，繼之前嘅航空業同互聯網公司都推出同高達有關嘅產品同宣傳，今日 (9月10日) 連日本嘅流動電話業都要一齊參加埋一份！

軟庫 X Gundam

RG 1/144 Gundam + Gundam-theme 電話 + 跟埋個同時係charge座又係Gundam座嘅電話座！

插住部電話黎 charge電 仲可以 play 埋預載左嘅高達經典短片，真係攞左粉絲條命咩！

唔知係咪叫好彩，聽問日本限制左國外人出機，所以，港人粉絲今次可以保命，哈哈！！ ^____^"

img from gundam.info

官網資料請按這裏








Start from 2006 ...

Gadget Stuff / News / Movie --- 世界首部家庭式 3D Cam 今個月發售！

img from tv-asahi.co.jp

今個暑假3D潮熱爆全城！

世界杯又話3D，暑假過半嘅戲都係3D，就連黎緊上畫嗰套，講跳舞嘅都話係3D！！

O_____O"



不過，好快連我地拍家庭生活片都可以拍到3D啦！

因為，日本"P"記會响八月下旬發售，全世界第一部家庭式 3D-Cam！(3D 轉換裝置 + 3D 對應；即係2D CAM) Wow!!

不過，承惠 17万円  (成萬五蚊港紙) 喎！！
 :O

産品網站: P記網頁 [日文]

News from Tv-asahi.co.jp


世界初登場　3D家庭用デジタルビデオカメラ (28/7/2010)


Start from 2006 ...

Gadget Stuff / Game / News --- 以後玩 Wii ，手掣唔洗換電芯啦！

img from techon.nikkeibp.co.jp

啱啱睇左一篇報導，响日本嘅一個科技展 (Technology Frontier 2010)，日本B記公司研發左一種環保電芯。


呢種電芯唔係好似我地用開要义電果隻，而係好似食 shake shake 薯條咁，你 shake 幾下佢地就有電！

Concept 同手動電筒一樣，唔係啲乜新鮮野，但係因為佢地係 AA 同 AAA Size, 完全可以用番喺我地依家屋企啲低秏電量電子產品度，好似電視遙控之類咁！

佢地叫佢做 ──  振動発電池！

如果，間公司加以改善佢地嘅 "儲電" 及 "供電持續性"，咁以後玩 Wii 都唔洗驚冇電！ 因為，一面玩就等於一面义電！ 

唔洗再幫個手掣換電芯啦！ Yeah！ ！ 

o^_____^o

網上短片：詳細訪問研究員及產品示範

Start from 2006 ...

Gadget Stuff / Fun / Info --- 愛瘋4恩物：兩本書、一把鉸剪、膠紙 + 馬桶揼！？

唔知有幾多朋友仔見到愛瘋 4〞推出時，有我同樣嘅情緒變化呢？
一知道佢出，就已經想買，但係當知道佢有一個咁"naive"嘅天線設計錯誤，就即刻卻步！

漫畫《死亡筆記》中主角〝L〞揸手機法
[ img from ifan.178 ]

好啦！大家唯有開始研究自己揸手機嘅手法，會唔會適合到呢部新嘅愛瘋。

有啲雜誌或網頁仲列出揸呢部機嘅新手法，當中仲建議大家用漫畫《死亡筆記》中主角〝L〞咁樣揸法，不過，我就包你用左冇耐就會因為〝網球手〞要去睇醫生！XD


生果網為自己補鑊出左一系列唔同顏色嘅 bumpers ，話會可以改善接收問題。


咁又好多廠商紛紛跟隨，推出類似 bumpers 嘅 case。但係，佢地又製造左另一個問題，就係如果要用 dock 嘅配置時就好唔方便，你要次次用之前除左個 bumpers 先至可以插落！:{


聰明嘅生意人又點會咁容易放過搵$$嘅機會呢！佢地又諗到另外一個方法，只係用一張貼紙，就解決左以上兩個嘅問題！仲要平啲 (差唔多 平過 bumper 2 / 3 )，又有更多顏色 (應該話無限咁多顏色同款式，印乜都得！) 嘅選擇添！

呢個 product 叫做 iColor Wrap, 佢地去出埋條短片，教人點樣可以用一把鉸剪、兩本書黎貼呢條貼紙！

如果，佢真係幫到手改善接收問題，我諗我出愛瘋4 時都一定買佢！

[ img from perpetualkid ]

另一個我好可能會買嘅，就係呢個迷你馬桶揼 iPlunge，又搞笑又方便又實用，哈哈！




超正啊！
















Start from 2006 ...

Fun / Gadget Stuff / TayMade --- 只係Click幾下就可以幫你個blog換新裝!

[Facebook朋支, 請click Here 或 "查看原文" 睇片或俾意見/反應同評分呢個post啦，謝謝!]

Blogger 推出 Blogger Template Designer由不同既設計師提供樣板(Template)，你只要Click幾下就可以幫你個blog換新裝!

我呢個裝ok嗎? 請隨便俾下意見啦! :D



Blogger Template Designer 既介紹短片



更多資料請click呢度

Start from 2006 ...

Fun / Gadget Stuff / Mobile --- 香港行街街出左啦! iPhone 都玩得! 正呀!!!

[Facebook朋支, 請click Here 或 "查看原文"]

3號先post左個blog提議G記先黎香港製作三輪車版同申佢地冇港版行街街!
點知佢地今日就知道佢地推出左，聽聞星期五佢地仲會舉行一個大型活動。

除左網上版仲有iPhone版添，等我都整番份"How-to"俾大家參考下點玩啦~ :)


先選定地方，之後同平時一樣，click右下角打開Menu。


再Click "Drop Pin"，粒紫色大頭釘就會吉落你地圖既中間位置。


見到粒紫色大頭釘後，當G記地圖認到條路，你會見到標籤上有個"紅底白人仔"會Activate左 (由灰變紅)!
你Click個 "紅底白人仔" ...


登 ... 登 ... 登 ... 登 ... !!!
等左成年幾既港版行街街就出見係你既iPhone畫面啦!!
你Click個箭咀就可以行街啦~~~ XD


Load唔切會出現既畫面 :\


不過，有時行行會過左對面線 :{


ENJOY~~ o^______^o
Start from 2006 ...

Fun / Gadget Stuff / News / MM / Travel --- 路，還是人走出來的

[Facebook朋支, 請click Here 或 "查看原文" 睇文中既3段Moive啦!]

自從G記推出行街街(StreetView)，我都一直覺得實用又好玩，plan旅行行程一流!

記得近排，有朋友去東京旅行時，仲教佢點樣去喺佢住既酒店附近既一間較平藥店買藥!! XD

對鍾意去旅行但又唔可以成日去既我，簡直係史上偉大發明及恩物!

不過，有時唯一覺得唔爽既係當你虛擬咁行緊行，想轉入去啲橫街窄巷時，就俾佢截停左，行唔到入去!! >______< 原因我諗大家都知， 1. 根本果度未影到相 2. 因為佢地係用一架私家車裝有特製既360度鏡頭黎影相，呢架車有啲地方去唔到，而呢啲橫街窄巷就更加駛唔入!!

不過，G記就活用左我國名作家---鲁迅先生所講既名句:“路，是人走出來的!” (原句出於吶喊中: 「世界上本没有路，走的人多了，就成了路。」(1921))

今次，佢地不但係今年既加拿大冬季奧運會用滑雪電單車製作冬季奧運會行街街版，更用更細既人力三輪車(Trike)製作。

經過投票定出24個會優先製作既地點，令大家可以"行下"橫街窄巷之外，仲可以行下公園、校園同商場(可以行三藩市著名既Pier39!! :D)，仲有動物園! 當然，冇香港份啦! 全部都喺美國!! 因為香港連基本既行街街版都遲遲未推出! :(

不過，我建議G記其實真係要快啲試下香港同澳門先，因為我地有豐富經驗既三輪車司機，不過大部份人家都快退休啦!!! :p

我諗鲁迅先生估都估唔到近百年後佢既說話都可以應用喺虛擬既網絡世界! :p

路，還是人走出來的! 辛苦晒! G記仝工啦!! :p

[Movie 1: G記行街街三輪車版]



[Movie 2: 製作剛完既冬季奧運會行街街版]



[Movie 3: 有趣既Behind the Scenes]



Start from 2006 ...

News / Fun / Gadget Stuff --- G記新OS既有趣官方廣告

自己都幾鐘意睇G記既廣告, 因為都好有創意~

縱然, 佢地今次個廣告賣佢地既Broswer多過個OS (因為,佢地地都係靠網上廣告糊口的!! XD 而個OS最大既賣點係開機快! 到LOGIN畫面既時間只需7秒!!! o____O"), 但係呢個用上精密、有趣同用心的拍攝技巧, 真的不得不讚!!

O^______^O

[Video Here]


[Facebook朋支, 如果睇唔到請 click Here or "View Original Post" | "查看原文", 也可在我個blog上俾comment]

More Info about Chrome OS
Start from 2006 ...

TayThink / Fun / Info / Gadget Stuff / Green --- 超"天然"既空氣淨化機

[IMG from andreaair.com]

又係盆栽, 又係空氣淨化機!? (其實，我都有諗過類似既合成產品)

唔洗換filter, 你又可以任意栽種唔同既植物去襯番你間屋或o者office

結合植物既生長循環同科技, 將細細個既熱帶雨林帶佢番屋企!!

一個得獎既產品, 集美觀+環保+高效+和諧+可持續既超"天然"既空氣淨化機!!

哩D咪係好既設計O羅!


讚呀!!! o^_____^o

有興趣既話, 可以去佢地既網站揾到更多既資料.

Start from 2006 ...

News / Gadget Stuff --- 綠壩, 殺晒!!!

Start from 2006 ...

Fun / Gadget Stuff --- 懶人今次發達啦! 你諗Asimo幫你做!! XD

H記係多年前製造o左Asimo, 一個好聰明既機械人! 你可以叫佢做乜就做乜~
H記繼續研究, 今次研究出一個叫BMI(Brain Machine Interface)既介面, 即係透過腦電波控制Asimo, 好似之前係toy fair 出既Force Trainer(Mind-Control Toy)咁, 再簡單D即係你諗乜佢做乜, 真係又一懶人恩物, XD!!!



Start from 2006 ...

Green / Gadget Stuff / TayThink / Info --- Greener Life

"潮"流興環保, 今日香港有二千間o既店舖推行「日日無膠袋日」, 我亦為哩個blog加上一個Green o既label! :D

而美國o既New York也係剛過了o既禮拜五搞完一個Greener Gadgets o既Design Competition!

今年o既Greener Gadgets 2009, 有4個Winners, 而最後13強係:
1. Wattblocks
2. Bware Water Meter
3. Fastonauts
4. Indoor Drying Rack
5. Tweet-a-Watt
6. Social Environmental Station (Environmental Traffic Light)
7. Power-Hog
8. Thermal Torch
9. Standby Monsters
10.RITI Printer
11.Recompute
12.Blight
13.Laundry POD

我就鍾意Wattblocks, Fastonauts, Power-Hog, RITI Printer同Laundry POD!!!

雖然有D根本唔算係gadget(而且有D係唔係新o既idea), 但係又真係好有趣喎!
o^______^o
Check it out here!

而最後50強可以click哩度!, 我最鍾意係ubicycle Public Bicycle Service System啦!

Start from 2006 ...