TayThink --- 生招牌!?

該是一個月前寫的blog, 現在才發出~~ 唉...


最近去o左一個Mega Sale, D野比出面都差不多平一半! 如C記布鞋, B記拖同N記Tee!
行行o下見到有一個檔賣D軍裝及行山用品,走去瞄瞄! 見到之前想買o既西維氏指南針啊! 又見到一批類似自己用緊o既鎖匙包! 羅上手老細就一輪咀介紹有幾好用, 點樣單手用呢個鎖匙包! 又有乜不同o既英軍徵章! 又咩全真皮!

當佢講到興高彩烈之際, 我就係褲袋中扲o左自己用緊o既鎖匙包!

個老細當堂呆o左, "嘩! 你呢個咪係第一代囉! 你果時一定同我買! 嘩! 起碼10年啦!"
呢句話令我停o左, 諗一諗! 究竟我幾時買呢個鎖匙包呢?
跟著我答老細: "嘩!廿年都有啦!"(因為我記起係黃金海岸小攤檔買的, 那時黃金海岸剛開幕! 同事最後話知應該有13、14年)

興奮o既老細重high到指著我, 大叫! "嘩! 各位你地睇o下呢個鎖匙包幾好用! 呢位先生用o左10幾廿年啦!"
-_____-"
我心諗老細冇野呀! 你可以當我生招牌, 但唔冼咁大聲同全世界暴露我o既年齡呀!
(本來想幫襯, 跟著d梗係閃o左啦!)

不過, 諗諗o下都幾驚訝! 自己可以用一樣野十幾、廿年!

究竟係長情、枯寒定係懶惰呢?

其實, 今時今日是但一樣都幾恐佈!
:P


Start from 2006 ...