Travel / Fun --- 哆啦A夢(叮噹)博物館(ミュージアム)下年開幕!

前兩個星期喺呢度先講起哆啦A夢(叮噹)今年大電影同宣傳，生果手機既免費Apps。

前幾日喺日本又有佢既消息啦!! 喺下年2011年既9月3日，哆啦A夢(叮噹)迷又有多個地方要去朝聖啦!! 點解!?

因為，哆啦A夢(叮噹)作者既藤子 不二雄先生定於喺日本既川崎市(Kawasaki)開設哆啦A夢(叮噹)博物館(ミュージアム)!

而博物館(ミュージアム)開幕日正正就係哆啦A夢(叮噹)既生日! :D

博物館既地點應該會喺神奈川県川崎市多摩区長尾二丁目1271番1

博物館共3層:

第一層係展覽廳展出不二雄先生既原創作品!

第二層係兒童遊樂場，除左玩之外仲可以喺度睇漫畫!!

第三層係屋頂廣場大細朋友都可以係度同不同既哆啦A夢(叮噹)模型影相!!!

幾十年前，人地話日本打"電器戰"，今日我覺得佢地已經打緊"動漫旅遊戰"! 不論，上年喺東京既1比1高達(機動戦士ガンダム) 同喺神戸既鐵人28都吸引唔少既粉絲同旅客，而且好成功咁"降服"左好多"老外"同港人!!

日人好成功咁巧用佢地既創意產業打出一個新"藍海"市場! 反觀香港仲係淨係識得攬住個金融、地產到幾時呢!?!? 只識"應酬式"咁支持創意產業(體育項目都係一樣)，全冇一個長遠同周詳既計劃!!

請問憑乜可以成功!? 憑乜可以"降服"我們呢班港人!? 唔好講點"降服"啲"老外"啦!!

>_____< 地圖:
在較大的地圖上查看川崎市 藤子・F・不二雄ミュージアム

更多資料:
1. 哆啦A夢(叮噹)世界

2. 川崎市 藤子・F・不二雄ミュージアム整備準備室

3.博物館(ミュージアム)基本構想（PDF：1,020KB）

Start from 2006 ...