News / TayThink --- "八月十五"買晒!! PatPat Sold Out

11:30開鋪, 11:35去到櫃位問.
我: 有冇得買"八月十五"月餅
店員: 冇啦! 賣晒啦!!
我: 咁幾時再返貨?
店員: 我地都唔知會唔會返貨... 奇記都唔知做唔做得切... (仲想推個波俾人!!!)

(乜係"八月十五"月餅? 看看我之前o既blog就知啦)?

我心諗: 有冇搞錯呀!! 5分鐘就賣晒!! 人龍都見唔到, 有冇咁快呀!?

旁邊Uncle應該早我少少黎, 不停向店員投訴: 你地又話叫人今日黎買, 依家又話賣晒!!
Uncle不停咁發功 o依o我o我 ... o依o我o我 ...

店員見勢色唔對就話: 你留低你o既電話, 我地如果有貨就通知你啦~
Uncle就話: 你地今日一定要覆我呀! 唔知你地點搞 ... 繼續發功 o依o我o我 ... o依o我o我 ...

我見勢就俾埋個電話俾店員同話要十個PatPat, 叫佢地今日要覆我呀~

Uncle同我一齊踏出鋪, 不停咁口蹹蹹係就唔好叫人今日過黎啦 ... o依o我o我 ... o依o我o我 ... @____@"

咁又係喎, 我前兩日經過間鋪, 仲貼著"9月5日公開發售"!!

心諗算啦! 冇都冇計! 不過, 想買個黎玩o下同應o下節, 咁就去o左食晏先...
食食o下, 收到個電話, 原來係間shop打黎, 話啱啱返O左貨! 不過, D貨唔夠, 每人限買兩個!?
0___O" 心諗前後唔到廿分鐘, 又話有貨!! 我諗係個經理見阿Uncle咁嚕嘈, 就攞四個出黎想息事寧人!

買完後, 問經理會唔會再返貨, 經理話真係唔知, 依家連訂o左o既客都唔知俾唔俾到佢地 ...

雖然, 唔知經理o既答案真定假, 不過無論如何都要多謝果位嚕嘈Uncle, 如果唔係今日就會白行一趟~~
:D
今年可以賞"月"兼食"月"! ...
我又會唔會讚一句 ... 好"月"呢!? 唔知係乜款PatPat呢?


PS:
1. 今次要讚o下位經理做法, 起碼冇令fans(我)失望! :P
2. 要讚香港G記o既港式創新!
3. 香港老字號餅家奇記o既大胆同開放, 我近排仲試過佢地為台灣"星"記咖啡出o既咖啡蛋卷, ok喎~
唔知幾時香港"星"記咖啡有得賣呢!?


Start from 2006 ...