TayThink --- 我個PatPat 月餅係...

只有兩個PatPat月餅, 一個送o左俾朋友去內地賞月, 治治佢o既思鄉之情~~

我果個就同屋企人"造節"時分享, 包括小魔怪 --- 浩二!

未開前大家都估o左一輪, 究竟會中邊款PatPat呢?

最後中o左 "自摸 Spread My Cheeks"~ D手工都幾靚, 真係幾似喎, 最重要係果個"罅"位收得好好喎, 有晒陰影 ...

開o左之後大家將個Pat傳來傳去研究又影相, 人地大人睇緊o既時候, 小魔怪又心急不停喊: "俾我睇o下啦! 俾我睇o下啦!"

傳o左成10分鐘先攞去切, 足足將個Pat切o左成10份, 我都算幾好刀法啦!! :P

人人都試食個Pat(其實只係奇記o既雙黃白蓮蓉), 小魔怪 --- 浩二就拎晒頭話"唔要呀! 臭臭呀!!"

@_______@" + ^___________^"

果然係好月!! 搞到大家都咁開心!!
哈哈!!

PS: 今年去o左朋友S度賞月, 試o左"半島"o既月餅, 包裝好靚好grand, 月餅size大過冰皮少少, 皮薄而香, 帶著曲奇味, 蛋黃係由鹹蛋黃加D吉士搓成, 唔油膩! 好少好少o既白蓮蓉, 又幾好味喎! 聽聞唔太貴, 不過要一年前訂!! O___o" 好o既野真係要付出, 唔係付出金錢咁簡單!

Start from 2006 ...