TayThink / News / Fun --- 港男<->港女<->講男<->講女

「港男 港女」 一個都幾舊既terms, 又由一個無記電視節目再次掀起一番既討論, 差唔多一年前, 港台都有一個節目都討論過同一個話題, 大家可以去下面既ref. link了解下!

我自己就鐘意港台果個多D, 因為比較多方面同宏觀咁解構點解會形成依家既港男/港女~
無記果個一開頭既出站係兩邊作出發點, 好似鬥挖瘡疤, 大數大家既不是為目標,
而朋友A也指出一點無記果個淨係把"電車男"講成港男太草率了~ 啱呀!

不論你有自己有幾多%係港男, 又或者幾多%係港女, 我覺得都係源於一個貪字, 大部份港男/港女都係怕蝕底, 唔知足, 整日比較, 自己可唔可以擁一個條件好D男/女朋友, 自我中心但極冇個性, 人做我做, 人有我有, 隨波逐流, 自己想要乜都唔知~

我熟悉既女性朋友都冇幾多個係港女, 男性朋友都冇乜邊個係港男, 而我認為只有少部份時下既香港年青人係港男/港女

而其中一樣我至憎既係男仔幫冇病冇痛既女友全程攞女性手袋, 大家認為咁樣男方就係錫女朋友既表現, 女方又認為咁叫證明自己既男友錫自己!! @______@ (我係fb既"Can't Appreciate Men Holding Their Girlfriend's Girly Handbags" group 既第二位會員, 由朋友M建立o既~)

呢D唔係自我中心, 極冇個性, 人做我做, 人有我有, 隨波逐流? 咁又可以叫係乜呀?

其實, 曾經同一個係英國留學返黎o既朋友傾計, 佢話港男到外國(英國)係日本女性心目中係TOP2既男朋友target~
佢地認為港男夠細心又體貼~

港男唔係大家心目中咁差架, 而大部份既香港女性都唔係"港女"型!

世界好多野都係相對架, 咩叫好D呢? 咁咩又叫差D呢?

如何搵你既真愛呢? 我冇咁既能力幫到大家, 不過, 我相信愛係不計較,不悔既付出的, 忍耐, 接受, 苞容, 唔會攞黎炫耀, 自誇既~

而曾經係朋友P既婚禮上一位牧師談及蘇格拉底對柏拉圖講解愛情同婚姻既哲學, 俾我一個很好的啟發同反思.

o^_______^o

做一個點既港男或點既港女, 完全決定係你手上~
加油吧! 咱們港男港女!!

Ref. Link
無記星期日檔案Official site
港男．講女 from UTube
Part 1, Part 2
港女．講男 from UTube
Part 1, Part 2

港台 --- 港男/港女 from UTube
第一段,第二段, 第三段, 第四段

香港電影"得閒飲茶D"對白同橋段, 又真係好鬼到~ :)

Start from 2006 ...