TayThink / Art / Travel --- 美化/醜化國際都會!?

香港自己成日以國際大都會自居, 咁究竟我地城市有幾多文化, 又有幾藝術呢?
有人話一個城市既文化水平可以由佢地擁有幾多間圖書館同博物館黎計算, 試想想同New York, Paris 同Tokyo比一比, 我地可以知道有幾大差距...
-___________-"

我地政府好叻, 即刻諗到起一個大型文化區 --- 西九黎增加我地文化水平. 快捷,方便成效大!! >___<

咁你地覺唔覺自己文化水平立即高左咁呢? 乜你地唔覺咩!?
好! 咁政府係機場既候機室度又出招, 擺設不少藝術品俾你地未上機前欣賞一番 ...

而且, 我地全港最大既港營運輸公司就有樣學樣, 繼擺設藝術品係數個主要車站, 接著合併後, 再翻新東鐵綫車站時, 再"美化"每個車站(... 我們也趁機把藝術元素融入車站建築之中。...), 每個車站都會選一個主色同主圖案印係大幅既PVC膠上, 一幅一幅"籠罩"住整個車站!! 有幾多人讚, 有幾多人彈, 我諗大家心裡大有數! 點解哩個站係哩個顏色或哩個圖案, 我都唔知問左幾多次~~~

哩個係好既嘗試, 不過, 我地要知道自己同其他地方既不足先可以改進~

個多月前看到紐約既新建設既南碼頭 (South Ferry Station)車站.

兩位藝術家Doug同Mike Starn, 在車站內安裝一個名為"看見它分裂，看見它變化" (See it split, see it change)大型既installation, 善用站內空間演繹佢地藝術既概念, 運用不銹鋼圍欄, 馬賽克既舊地圖, 樹葉, 樹枝, 動,靜脈連繫南北, 運輸交通及城市發展既改變.

整個裝置處理時間, 空間, 自然和人工既關係, 帶出"this is where New York City begins and began."

大家感覺哪一邊較有文化, 哪一邊較藝術呢?

我想世界各地公認既大都會唔係因為其圖書館同博物館既多寡, 而係這個城市既文化氣色同藝術氣氛!
要打造這個文化氣色同藝術氣氛, 唔係咩大型建築項目, 唔係咩美化工程, 而係決心, 長遠計劃同市民教育!!!!

我地會點美化/醜化我地哩個大都會呢!?


More Info:
紐約時報（虛擬全景） 2009年3月16日
港鐵車站藝術
Start from 2006 ...