日期：2010年4月26 (一)
天氣：晴同有啲雲
景點： 大阪市內觀光(道頓堀、心斎橋、梅田)、 トミカショップ大阪店 (Tomica Shop)、神戶垂水OUTLET
美食： 王様蝦漢堡「王様のエビバーガー」、章魚燒 (たこ燒，冇影相，「本家 日本一大たこ」)、河豚(づぼらや 道頓堀店)、拉麵 (「一風堂」@梅田)
 |
| お早う！琵琶湖（びわこ）！！ |
不過，未講得住！因為，我地仲係大津市！
不過，又唔洗好耐就可以同大阪講早晨，因為大津市同大阪只係隔左京都嘅一個JR站o者。
 |
| 晨の琵琶湖（びわこ）！！ |
其實，我地今次係同阿媽、家姐一齊跟團黎，我地就留多兩日半先走，阿媽同家姐就會今日跟團走！
因為，大家都未食過河豚又見有間鋪頭做緊 Promo, 好似幾抵咁，所以，我地大家一心就諗住「拚死食河豚」，(好似)好好 planning咁，特登响香港已經叫左識日文嘅朋友幫我地訂位，一齊試下佢地嘅河豚特盛午市套餐！
 |
| 粉紅菊櫻 |
不過，間餐廳喺機場附近！咁我地又唔想嘥成兩個鐘嘅來回車程去食和牛！
最後，我地唯有兵分兩路，阿媽佢地就跟團去食和牛返香港，我地就留响度食河豚！
＞___＜
我地一食完早餐，就先去酒店附近嘅公園行下同欣賞下琵琶湖嘅湖景，又畀我地巧遇一棟棟満開嘅粉紅櫻！！
影完櫻我地就搭旅遊巴去大阪啦！
我地用左好短嘅車程就到左呢個日本第二大城市 —大阪市市中心：道頓堀同心齋橋交界！！
你可能會問我大阪有咩好玩！？
我都唔知喎！但係，我知大阪有好多好野食！！而且，街頭小食亦係「你唔食就笨」之物！
因為，日人有句俗語 – 『大阪食い倒れ ！』，意思就係黎到大阪會令到你食到倒轉行！！
 |
| L記嘅王様蝦漢堡「王様のエビバーガー」(龍蝦堡) |
而試左呢個喺24號 (今個月，四月)先推出嘅王様蝦漢堡，承惠¥390，比「エビバーガー」貴左成¥100！！
原因係佢地用左 イセエビ（伊勢海老），即係龍蝦！！
龍蝦免治漢堡扒再加龍蝦醬，而且用烤嘅方式炮製！！
:O
雖然，L記其實係蝦漢堡嘅元祖，不過，我覺得呢個龍蝦堡就比唔上"摩SI"果個普通蝦漢堡…(有日人更加將佢個原本嘅蝦堡作比較)
:{
唔知係咪咁嘅原因，依家L記已經冇得賣lu，不過，我地總算試過啦！
 |
| 大門嘅孔雀石雕 |
咁食落又真係好大粒章魚粒喎，而且好少粉醬，我平時喺香港唔係好食都要講句：「おいしい(OiShii)！」
:P~~
 |
| 河豚皮湯びき |
有咩做！？女士們當然去血拼啦！我就去睇佢呢度嘅建築歷史！當中最吸引我嘅就係佢地個 Lift Lobby 同佢地大門嘅孔雀石雕！
行完“大馬路“百貨，我地送阿媽同家姐去跟團離開，我地就去食我地訂左嘅河豚(ふぐ, FuKu)大餐！
呢個真係可以叫做大餐，佢叫ぬっちや得 コース (唔知乜 course)，平時呢間餐廳一個餐至少要 ¥5,000以上，呢個 ¥4,000有找！
當然，唔係最名貴果隻，只係食國產嘅河豚個隻，即係養嘅，而「天然」即係野生捉架囉，但係都有齊食河豚料理嘅基本菜式，好似有皮湯びき(河豚皮川燙)、てっさ(鉄の刺身)、ふぐ唐揚(炸河豚)、てっちり(河豚火鍋)同雑炊 (河豚粥)！！
一共5樣野嘅午餐，對於我地已經好滿足啦！
 |
| てっちり(河豚火鍋) |
人地話「拚死食河豚」嘅原因，係因為佢嘅「鮮」！ 我地食河豚皮川燙 (川燙唔係湯，而係用熱水煮熟後，立即以冰水浸住降温) 同鉄の刺身 (切到好薄嘅刺身)，都唔覺食到佢個鮮味！就係知原來河豚係夠晒「韌皮」，無論佢啲皮同刺身都夠晒咬口！！
咁又係嘅，如果唔係，佢地又點可以瞬間變成個波呢！哈哈！！
XD
跟住我地食炸河豚同火鍋，唔…都唔覺得太特別同特別「鮮」，見枱面嘅野都食晒就諗住走人，點知侍應姐姐攞左一兜白飯黎！？
 |
| 雑炊 (河豚粥) |
我地先記得原來我地唔記得左個雑炊！！
煮完再加上紫菜，我地"畢"第一啖！
嘩！嘩！嘩！今次真係食到河豚嘅「鮮甜」！原來火鍋嘅湯將河豚嘅「鮮甜」鎖住左喺啲湯度，白飯同雞蛋就將呢個「鮮甜」吸住而煮成呢個雑炊！！真係好「鮮甜」呀！
我地最後將呢個有 4人份量嘅雑炊食晒！！
仲一啲都冇剩！！哈哈！！
:P
 |
| 攞住大大細細行李去食河豚 |
埋單時，店長吉野先生同我地寒暄一番，佢可能見我地拎住咁多行李，仲將我買左嘅車仔好細心咁、又用紙盒又用泡泡紙包好，畀我攞走！
吉野店長，多謝你啊！
我地响酒店check完in後，其實都係去shopping~
 |
| 由垂水駅行去Outlet，見到好多貓！原來係放飯時候！ |
你可能會話：「嘩！去咁遠！洗唔洗呀！？」！不過，其實由大阪去垂水都只係 45分鐘 (¥780)，不過，佢絕對好行過大阪咁多個商場！
因為，呢度夠大又夠靜，唔洗同人逼，仲有佢地整個 OUTLET 以歐陸風情嘅建築，又近海邊再加上日落嘅時間，真係夠晒浪漫！！
o^_____^o
 |
| 垂水市Outlet |
最終，大戰兩個幾鐘！！ 戰利品係兩個法國"阿爺B"同一個美國"高住"袋，全部都平香港一半以上！！
所以，你話唔黎 OUTLET 點得呢！？
由 OUTLET 返到大阪梅田已經係 8點幾啦！不過，大阪同東京好唔同，你再夜都真係唔洗驚冇野食！
尤其喺梅田！好多商場同都開到好夜，唔會好似响東京咁， 9 點鐘大部份都閂晒門！
 |
| 已沒力氣而坐下來的我，休息中影的！ |
 |
| HF商場天台啲巨型赤摩天輪 |
 |
| 「白丸元味」與「一風堂からか麺」 |
見人龍都唔係好長，排左一陣就有位啦！
我地分別點左一碗「白丸元味」同一碗「一風堂からか麺」！
「白丸元味」係豚骨湯拉麵，而「一風堂からか麺」係「白丸元味」湯底再加上自慢 (自製引以為傲) 嘅味噌湯同配料，及不同嘅辣度以供選擇！唔記得我最後揀左係咪中辣啦！？
 |
| HF商場天台啲大、細赤鯨魚 |
再食埋佢嘅自家製麵，嘩！幼滑而韌！！讚呀！！
再試番個「白丸元味」已經冇晒特別嘅感覺！
>__<"
不過，兩碗都係唔洗一陣就乜都冇晒！！
今日"食到"同"買到"都好飽！！
@.@ + :>
唔行街lu，即刻返酒店瞓覺！！
因為，聽朝一早要去鄉下地方探隻老喵！！
係冇錯係一隻日本老喵！！
:)
お休みなさい。 (O yasumi nasai，早抖各位)！！
…待續
Day 5 ── 完
臨瞓前，話個好消息畀鍾意食章魚燒嘅朋友聽，下次你如果去日本，如果你响東京，你都可以食到唔同嘅章魚燒，同食餐飽！！
因為，日人會喺11月6 日 (2010年) 响台場開個章魚燒博物館！！wow！！
更多資料
1. 王様のエビバーガー
2. 「王様のエビバーガー」vs 「エビバーガー」
3. 大阪道頓堀章魚燒特蒐@大阪食い倒れ
4. お台場たこ焼きミュージアム (台場章魚燒博物館)
5. 神戶垂水OUTLET
6. JR WEST
7. 一風堂 梅田店
8. 其他是次遊記
沒有留言:
發佈留言