秋來動畫消息一則 [Comic + Anime / News / Movie]

之前提過，宮崎駿大師同佢嘅吉卜力工作室有新作推出 《借物少女阿麗埃蒂》(借りぐらしのアリエッティ ，The Borrower Arrietty)，而且暑假果時已經喺日本本地上畫，開畫 3 日已經有100萬人入場，而上映10週已經累計有  93 - 95億円票房，相信可以繼《波兒》之後，又一套可以打破 100億円票房嘅動畫！！

「借りぐらしのアリエッティ×種田陽平展」
img: ntv.co.jp/karigurashi

而佢地亦都响日本搞左個展覽 – 「借りぐらしのアリエッティ×種田陽平展」，由片中美術監督搭建各場場景，務求參觀者可以用女主角同一個角度去睇見同感受一樣嘅氣氛，將真實同虛構融洽 (現実と虚構を融合する－)！

展覽七月開始，九月已經超過左20萬人次參觀，可惜10月 3日已經完左啦！

不過，另一個好消息就係《借物少女阿麗埃蒂》決定左喺香港上映啦！(韓國9月己經上左畫啦！)
喺今個聖誕節，12月25日上映！嘩！一眾香港嘅宮崎駿迷又有眼福啦！！

而宮崎駿大師新、舊作品嘅消息，仍然不絕！

其中 1992年嘅《飛天紅豬俠》(紅の豚) ，响美國有新嘅炒作，話宮崎駿大師已經開始籌備開拍續集嘅工作，不過，最後由佢口中否認左！

講真如果真係有《『紅の豚』続編》上畫，我諗都會破到 100億円票房！可能因為我身型同紅豬俠有幾份相似，我都係佢嘅粉絲之一呢！ 不論真定假，由此可見宮崎駿系列動畫喺世界各地有深遠嘅影響力！！

「風の谷のナウシカ」– 戦闘機
img: nikkeibp

而且，宮崎駿系列動畫嘅產品消息亦都不絕，另一套喺 1984年上畫嘅《風之谷》(『風の谷のナウシカ』)，會出一款新模型 [PDF]！

模型係片中嘅戦闘機，製作精細，機翼、機翼末端、空氣導管、降落用嘅附助轆、駕駛艙頂蓬都可以活動！

又係一見傾心嘅製品，不過，同樣又係一見價錢又會卻步嘅製品！！

因為，定價為 10,500円！嘩！真係「成頸血」！！

有興趣嘅朋友可以儲定錢，會喺 2011年2月下旬 發售，明吸你地嘅「利士錢」！
XD

《紅の豚》の飛行艇
紅の豚 サボイアS.21 試作戦闘飛行艇 (1/72スケール塗装済半完成キット)
img: .finemolds

我點解會話「又」呢！？

其實，上年去左宮崎駿博物館 (三鷹の森 ジブリ美術館) 見到佢地嘅精品店嘅廚櫃裡面，擺左《紅の豚》嘅飛行艇！！

呢架飛行艇嘅製作又係好精細，見到就即刻想賣嗰隻，不過，要成 5,xxx円又唔捨得買！
:{

未有得睇《借物少女阿麗埃蒂》，又冇《飛天紅豬俠續集》，又冇錢買宮崎駿動畫嘅精品，唔緊要！
:)

送多個好消息畀同樣係動畫迷嘅大家！

就係另一個動畫製作室 – Pixar，已經開始製作佢地之前一套動畫嘅續集 –《反斗車王 2》(Cars 2)！

佢會喺 2011年暑假上映，佢地已經放左佢地個續集嘅 Logo 短片上網啦！

Enjoy~~

o^______^o

Cars 2 - Logo Reveal



Start from 2006 ...