Fun / Movie / TayMade ---- Tay's Collection | 2010年度第一季搞笑片段選舉

[Facebook朋支, 請click Here 或 "查看原文" 睇片同投票啦!]

A. 日人電視台 --- 同長毛鬥搞笑訪問 [Link]
手指尾長毛, i'm lovin' it!


B. 日人電視台 --- 測試寵物的極限 [Link]
半殘忍半搞笑之食物誘惑


C. 特訓するねこ。 [Link]
如何令家中的貓減肥? 先讓牠知道自己肥吧!


D. マッサージ好き猫 [Link]
中譯最喜歡按摩的貓，不過，經初步測試後應該隻隻貓都鍾意。
因為，MyV隻肥波佢都鍾意到不得了，你一停部按摩機，佢就不停鬧你! = ="



E. 日人既電視足球遊戲：職業11人VS小學生100人 [Link]
o架仔設計GAME PLAY真係好野!! 人海戰術+蟻多拽死象!!
XD!! 睇得爆笑又過癮!!


F. 日人既鬚刨廣告 --- 摔角篇 [Link]
o架仔廣告，香港應該會禁播既多~


G. 日人既鬚刨廣告 --- 上空4000m(跳傘)篇 [Link]


H. 日人既鬚刨廣告 --- 恐怖片篇 [Link]


仲有其他篇請到呢度

I. 打瞌睡的柴犬 (船をこぐ子犬)
可愛但背後卻係感人既故事，狗主靠照顧可愛柴犬，減輕對亡妻之痛[Link]



J. 好好笑-貓熊一直因為樹枝斷摔下去，結果... [Link]


K. 史上最淡定假唱——话筒拿反了 [Link]





[如果睇唔到，可以click呢度]

請Refresh呢頁睇結果，投票至4月19號5月8號!! 獎品冇!!! :P


Start from 2006 ...

Apps / Mobile / Fun --- 日本推出哆啦A夢(叮噹)期間限定無料Apps

[Facebook朋支, 請click Here 或 "查看原文"，睇片或俾意見/反應同評分呢個post啦，謝謝!]

又係生果手機既資訊。

喺日本"阿虎"網站推出哆啦A夢(叮噹)期間限定無料(免費)Apps來慶祝哆啦A夢30週年同2010大電影!!



由依家(期其實2月已經開始左)起至到5月1 日，只要你有個日本既iTunes Account (如何申請iTunes 日本帳號?), 你就可以免費下載一共16款哆啦A夢既Apps!!
:D

當中5個係應用程式，11個係哆啦A夢既EBook漫畫 (當然係日文啦)!

下載齊16個就o岩o岩可以滿成版生果機晝面，超可愛唷!!

不過，因為右眼程式 : ドラバッテリー (哆啦電池計)出錯，計錯電池時間，所以，暫時唔可以喺iTunes度下載啦!

當然聰明既你要可以喺網上搵到或等官網再次發佈!

5個應用程式，除左ドラバッテリー (哆啦電池)、仲有 ドラ電卓(哆啦計算機)、ドラ時計 (哆啦時鐘)、ドラキッチンタイマー (哆啦廚房計時器) 同 ドラじゃんけん (哆啦包剪揼)

ドラキッチンタイマー (哆啦廚房計時器) 可以幫你倒數3、5、10分鐘既時間。

ドラじゃんけん (哆啦包剪揼)， 哆啦A夢同你猜包剪揼!!

都算實用! 不過，最緊要都係夠可愛!! 哈哈!!


哆啦A夢上映30週年，真係一個唔短既時間，我呢班早期讀者以前叫佢做"叮噹"，依家佢已經叫哆啦A夢!

記得幾年前我同一個小朋友講"叮噹"，佢O晒咀咁望住我!! :O

個小朋友仲笑我:「佢叫哆啦A夢呀! 邊係叮噹啫!」


o_____O" 個刻真係覺得自己同啲小朋友有代溝!


不過，我仍然鐘意叫佢做"叮噹"，叫"咩哆啦A夢"啫!!

今年係30週年，香港上畫一於叫《叮噹大電影之人魚大海戰》啦!!

等我哼番首佢既主題曲先: ...人人期望可達到，我的快樂比天高，人人如意開心歡笑跳進美夢尋獲美好；
...

你睇叮噹。黎啦!!
...

叮噹啊，誰都喜歡你，小貓也自豪。

...

你睇叫"叮噹"親切幾多!!

:P + o^_____^o

PS: 黃色既人魚係電影《人魚大海戰》中既索非亞美人魚公主

[Movie 叮噹主題曲 (環星兒童合唱團唱)]


仲有[Movie 畫叮噹]


from 2006 ...

Mobile / Game --- 手机版街霸4可以喺生果網買啦!!

[Facebook朋支, 請click Here 或 "查看原文" 睇片或俾意見/反應同評分呢個post啦，謝謝!]

圖片轉載至生果網

沈寂一時既街霸系列，喺上年推出第四代索記既"玩站3"版本，以華麗水墨畫effect令成個game界又完全刮起番一陣街霸熱，連甚少打機既我都忍唔住要爆佢幾次機!! :P

Cap記當然唔會放過呢個吸水機會啦! 將佢移植到生果手机上，依家(喺3月10號)大家可以喺生果網上面購買啦!!

呢個版本當然唔同索記既版本啦~ 人物只有8個係阿龍、阿Ken、春麗、司令、印度佬、Abel、怪獸同軍佬!

雖然角色少左，但係啲招式一啲都冇少，同樣華麗，好似阿Ken既終極絕招---神龍拳!! 啲火龍可能日日活現喺旺角街頭!! 哈哈!!! XD


[Movie 神龍拳 on iPhone]



最重要係佢只係賣9.99美金! 80蚊港紙有找!! 上網就可以即買即玩，完全唔洗訂之餘更加唔洗俾人"炒"高幾倍價錢!!
正!! XD

生果網手机版街霸4
Cap記既official site

而呢個手机格鬥熱會繼續延續落去，因為以前街機既另一大作 --- 『鉄拳』(Tekken)都即將推出手机版!!

到時Game迷又可以打餐飽啦!! 呵呵!!

Start from 2006 ...

Fun / Gadget Stuff / TayMade --- 只係Click幾下就可以幫你個blog換新裝!

[Facebook朋支, 請click Here 或 "查看原文" 睇片或俾意見/反應同評分呢個post啦，謝謝!]

Blogger 推出 Blogger Template Designer由不同既設計師提供樣板(Template)，你只要Click幾下就可以幫你個blog換新裝!

我呢個裝ok嗎? 請隨便俾下意見啦! :D



Blogger Template Designer 既介紹短片



更多資料請click呢度

Start from 2006 ...

Fun / Gadget Stuff / Mobile --- 香港行街街出左啦! iPhone 都玩得! 正呀!!!

[Facebook朋支, 請click Here 或 "查看原文"]

3號先post左個blog提議G記先黎香港製作三輪車版同申佢地冇港版行街街!
點知佢地今日就知道佢地推出左，聽聞星期五佢地仲會舉行一個大型活動。

除左網上版仲有iPhone版添，等我都整番份"How-to"俾大家參考下點玩啦~ :)


先選定地方，之後同平時一樣，click右下角打開Menu。


再Click "Drop Pin"，粒紫色大頭釘就會吉落你地圖既中間位置。


見到粒紫色大頭釘後，當G記地圖認到條路，你會見到標籤上有個"紅底白人仔"會Activate左 (由灰變紅)!
你Click個 "紅底白人仔" ...


登 ... 登 ... 登 ... 登 ... !!!
等左成年幾既港版行街街就出見係你既iPhone畫面啦!!
你Click個箭咀就可以行街啦~~~ XD


Load唔切會出現既畫面 :\


不過，有時行行會過左對面線 :{


ENJOY~~ o^______^o
Start from 2006 ...

Fun / Gadget Stuff / News / MM / Travel --- 路，還是人走出來的

[Facebook朋支, 請click Here 或 "查看原文" 睇文中既3段Moive啦!]

自從G記推出行街街(StreetView)，我都一直覺得實用又好玩，plan旅行行程一流!

記得近排，有朋友去東京旅行時，仲教佢點樣去喺佢住既酒店附近既一間較平藥店買藥!! XD

對鍾意去旅行但又唔可以成日去既我，簡直係史上偉大發明及恩物!

不過，有時唯一覺得唔爽既係當你虛擬咁行緊行，想轉入去啲橫街窄巷時，就俾佢截停左，行唔到入去!! >______< 原因我諗大家都知， 1. 根本果度未影到相 2. 因為佢地係用一架私家車裝有特製既360度鏡頭黎影相，呢架車有啲地方去唔到，而呢啲橫街窄巷就更加駛唔入!!

不過，G記就活用左我國名作家---鲁迅先生所講既名句:“路，是人走出來的!” (原句出於吶喊中: 「世界上本没有路，走的人多了，就成了路。」(1921))

今次，佢地不但係今年既加拿大冬季奧運會用滑雪電單車製作冬季奧運會行街街版，更用更細既人力三輪車(Trike)製作。

經過投票定出24個會優先製作既地點，令大家可以"行下"橫街窄巷之外，仲可以行下公園、校園同商場(可以行三藩市著名既Pier39!! :D)，仲有動物園! 當然，冇香港份啦! 全部都喺美國!! 因為香港連基本既行街街版都遲遲未推出! :(

不過，我建議G記其實真係要快啲試下香港同澳門先，因為我地有豐富經驗既三輪車司機，不過大部份人家都快退休啦!!! :p

我諗鲁迅先生估都估唔到近百年後佢既說話都可以應用喺虛擬既網絡世界! :p

路，還是人走出來的! 辛苦晒! G記仝工啦!! :p

[Movie 1: G記行街街三輪車版]



[Movie 2: 製作剛完既冬季奧運會行街街版]



[Movie 3: 有趣既Behind the Scenes]



Start from 2006 ...

Travel / Sports --- 東京原宿另一"潮"聖店

上年11月19日, 喺東京傳統潮區 --- 原宿(Harajuku)開幕既"賴茄"旗艦店, 當然又係一眾"賴茄"粉絲同潮人必去既地方!
[img from nike.jp]


旗艦店樓高3層, 外面既就係一幅大型既玻璃幕牆十足十成個大型既展櫃咁, 每季都可以不停轉display既item, 正!!



唔洗我多講, 原宿有好多型格同得意既店舖, 不過, 我就會推介樓高五層既玩具"小孩地"旗艦店(據說荷里活既影星畢彼特（Brad Pitt)成家都黎呢度掃玩具!!)同MoMA Store @ JP


室內設計就由大師片山正通 (Masamichi Katayama)操刀, 喺佢地網站寫著成間旗艦店既室內設計concept係以日本既國家體育館再加上"Joy of Sport"既, 我覺得最型既就係條"百白吊鞋"樓梯(Chandelier-like installation, 個名我自己作既, :D)!
[img from wonder-wall]


Address: 東京都渋谷区神宮前1-13-12‎
Opening Hours: 11:00 - 22:00

Official Website: http://nike.jp/nikeharajuku

G記地圖, 行街Mode既連結, 位置應該o岩既(點解啱!? 認下個電話亭同右邊既紅色樓就知啦), 不過, 張圖就未update, 所以棟building仲係舊既, 當然你Click 右上角既"x"去返地圖度啦!



Tips: 行完可以去埋對面間無印逛下添~
據知香港上市既I.T.都啱啱喺原宿開左旗艦店，有機會睇下香港代表夠唔夠"潮"啦! :P

Start from 2006 ...

TayThink / Travel / Toto --- 東京蜜月の旅 | Day 5 [完]

[Facebook朋支, 請click Here 或 "查看原文" 睇其他相或slideshow啦!]

過左充實既第4日之後，黎到我地行程最後一日啦! 我地今日只有大半日既時間留喺東京!而我地先要處理其中一樣重要既問題---買手信!! :D

自從第一次去東京，朋友M介紹我去上野既アメ横丁(阿美街，Ameyoko)掃手信，我每次去東京都會黎呢度，亦都係必去既地方！！
o^_______^o

因為，呢度買日式果子/零食真係又平又多選擇! 有半條街賣日式零食呢類既乾貨，又有半條街賣急凍既海鮮、生果之類既濕貨! 真係掃手信一流既地方! 而且呢度亦都係試食既好地方，你好似去左澳門啲手信街咁，叫賣既人會不停咁叫你試食，務求你地會試得多就買得多! XD

我地又係晨咁早就去到アメ横丁，連啲鋪都未開晒門! =________="

咁我地就去買左個土耳其卡巴一邊行一邊食，睇住啲鋪頭開門... 如果，大家去過呢條アメ横丁都會知又或者你本旅遊書都會介紹一間差唔多喺呢度最大既日式果子(零食)店--- 二木の果子! 開頭我地都一心諗著去呢間果子店買晒啲手信就算，不過，佢地未開門。當我地經過另一間細鋪頭時，見到個老闆忙緊介紹佢賣既果子俾兩個應該係中國黎既後生仔，心諗啱晒!! 可以無人騷擾咁格下價! 正呀!! 一面睇一面就盤算緊邊啲野平，突然間老闆唔理果兩個中國後生仔，衝埋黎! O___o"

我心諗你唔使嘥氣sell我地啦，我地一陣間會過隔離鋪架啦~ 一.一

老闆笑笑口拎著幾樣果子就開口話:「鵝青你識! 泥試蝦啦!」{「我請你食!你試下啦!」}

我地點點頭，心諗:"勁呀! 識兩咀廣東話喎!"

我地接過啲果子，老闆又講:「泥day香港尼?」{「你地香港黎?」}

我地又點下頭，心諗勁喎! 識分我地唔係"大陸尼"!! XD 嗯 ... 想搞乜呀!?

老闆見我地點頭就好似好開心咁，擰轉頭走去佢個收銀位度不停咁摷! (當時，我諗我地冇話要買野喎! 想轉頭就走!!)

跟著老闆好似摷到佢想摷既野，拎過黎，俾我地睇! 原來係一盒DVD!
指著DVD上面中間既主角，睇真啲呢套係成龍大哥拍既《新宿事件》!

佢指著盒面上既成龍大哥又話:「渠唔拾唔!」跟著又指下自己話:「鵝唔拾唔!」{「佢55歲」「我(都係)55歲」}

跟著我地就:「哦...」一聲回應佢，跟著老闆見我地明佢講乜又繼續興奮起黎！又大大力指著自己話:「鵝... 嗯...嗯...」(今次老闆唔識講)佢好似有啲苦惱咁，跟著擰轉頭指著收銀位! 我地望真啲原來掛左幾張成龍既poster！跟著我地再次顯出明白既表情同「哦...」一聲(高多兩度)回應佢！ 佢應該想講佢係成龍既粉絲!!

老闆見我地明白就更加興奮！！又指著隻碟跟著又指著出面條行人路講:「o者key...渠...系都白」{「Jacky...佢...喺度拍!」} 我地又「哦...」一聲(高多八度)回應佢！佢可能知道我地明佢講咩，就更加落力叫我地試食!! 「泥day撕尼哥。」「泥day撕尼哥。」{「你地試呢個。」「你地試呢個。」; 兩個中國後生仔完全俾佢ignore! =_____="}我地成手同個口都係啲果子，元貝、芥末味魷魚、意大利Tiramisu朱古力...

老闆既興奮未減，繼續努力地運用佢既日式廣東話:「鵝...雞瓶尼!」{「我...計平你(地)!」}

佢指著包標價(已特價)2,xxx円既元貝:「尼哥。1前Y百伍十円!」{「黎個。1千九百五十円!」註:用Y因為係粗口! 哈哈哈!!}

又指著另外一包朱古力糖:「尼哥。xxx円!」再指:「哥哥。xxx円!」 ...

雖然，有啲果子只係平幾十円，但係後來有朋友話日人好少會標左價再平俾你。如果係咁，佢好可能真係想平俾你！o____0"
完全做到佢既口號:"只對您便宜" ！！XD

我地就係最鍾意咁有heart架招待啦! 又係果句有時"買野! 最緊要開心嘛!"，有時買野真係要講下享唔享受個過程既!!

好! 就係咁，我地就係呢度買左大部分既果子喇!! :D

買完之後，老闆仲不停咁握住我隻手:「鵝...多借泥! 鵝...多借泥!」{「我...多謝你!我...多謝你!」}

臨走時我同老闆講話想同佢影張相(當然用手語啦!)。老闆:「はい！ ちょっと待って!」跟著佢又走番去佢個收銀位度不停咁摷!? 當我地仲諗緊佢又搞乜鬼既時候，佢就搵到啦!! 原來又係果隻《新宿事件》DVD！！咁就影左呢張相啦...

= =" + 一.一 + o^_____^o

今次真係要多謝成龍大哥啦!!

喺上野掃完貨後! 我地返酒店Check-out同pack貨，之後又再出發，先去酒店旁既東京都庁舎，跟著就去行新宿既各間大百貨公司!! @.@

咩係“都庁舎”? 同埋點解要去? 其實“都庁舎”即係東京都既政府總部，而喺45樓(高202米)設有"入室無料"(免費入場)既展望室，展望室設有咖啡店同記念品店! 如果你遇著天氣好，你除左可以睇到新宿既市貌，你仲可以睇到喺西面既富士山添!! 不過，好可惜~ 我地今日一直都係落雨，不能遠眺富士山!! = ="

去完都庁舎後又到我地最後既行程 --- 喪逛各大百貨公司！！XD

不過，古語有云:三軍未到，糧草先行! 我地梗係去醫肚先啦!!

今次，我地揀左一間百年老店 --- 王ろじ!!

佢有咩咁巴閉!? 第一佢地係大正10年，即係1921開店，成88年歷史既店鋪!!
而呢鋪只係獨孤一味食吉列豚(とんかつ | Tonkatsu)! 有啲旅遊書更話日本創出吉列豚(とんかつ)呢三個字既出現，完全都係因為呢間王ろじ!! o_____O"

而佢位於伊勢丹本館旁，非常方便!

呢度既吉列豚唔係好似香港既吉列豬排，咁多脆粉，佢地只係有一層薄薄既炸漿! 而且佢地唔係成塊豬扒咁炸，我地覺得佢地係將一條一條既豬柳扭成一條2寸粗既肉卷，再醃炸漿醬去炸!! 個樣雖然唔同香港睇見慣果啲，橙橙地色既吉列野咁，但係佢地呢個就超多肉汁! 好美味呀！！！！ 而店裡有個中國/台灣既留日生識講普通話，大家可以完全放心落單!!
:D

我地叫左一個吉列豚Set($1,650円)同吉列蝦Set($1,550円)，每個set都會配有一個とん汁，係用洋蔥+好似煙肉既豬肉爆香既湯汁!! 真係超邪惡!! 但係又超好食！！　全部食晒！！　>___< + :D

行完各大既百貨公司，我地就搭巴士去羽田空港上飛機!!

雖然，羽田空港遇到少少阻滯（因為唔記得果醬係液體，差D俾海關充公同冇左份送俾朋友既結婚禮物），唔可以話樣樣都好完美，不過，成個蜜月の旅都可以話滿足晒我地既要求!!!

真係大滿足既蜜月の旅~~~!!

又係果句渡蜜月無論去邊只要兩個人開心就夠晒啦！=^_______^=


[View Slideshow of Day 5 Here]


[View Slideshow of Honey Moon's Souvenir Here]


Start from 2006 ...

TayThink / Travel / Toto --- 東京蜜月の旅 | Day 4

[Facebook朋支, 請click Here 或 "查看原文" 睇其他相或slideshow啦!]


終於由位於東京灣充滿童話feel既迪迪尼黎到東京最繁榮既市中心區---新宿!

不過，第四日既行程一大清早我地並冇留喺新宿，而係去左位於三鷹駅附近井の頭恩賜公園內既三鷹の森 ジブリ美術館，港稱宮崎駿博物館! 由細到大都係睇宮崎駿動畫大既我，由《高立的未來世界》(電視動畫)、《天空之城》、《飛天紅豬俠》...到《崖上之波兒》都可以話冇邊一套錯過過! 唔算大粉絲都可以叫做細粉絲! 哈! 由01年知道佢開左幕就好想黎，不過，一直都冇機會，今次一定要黎朝聖一番!!

我地今日既行程其實都幾緊密!! 上午會參觀宮崎駿博物館，之後會行下附近既小社區吉祥寺，然後會去原宿完成我地今個trip既多個任務，跟著先會返新宿食晚飯!

撘JR東日本中央線用半個鐘就可以由新宿駅到達三鷹駅~ 再搭收費既穿梭巴士就可以到達美術館。巴士來回收費為300円(喺巴士站旁既售票機買飛)，但單程就收200円(上巴士入落錢箱就得架啦!)。不過，我地今次淨係會搭單程因為我地參觀完會去附近既吉祥寺行街街! 呵呵! :)

因為今日係星期六，參觀既人會較多，所以，我地都早少少去到，寧願等開門!

喺美術館室內既地方係唔俾影相，室外就OK! 雖然美術館唔太大，但係，裡面既展品都好豐富! 你可以知道動畫製作既基本概念、宮崎駿既製作靈感喺邊度黎同埋製作室(吉卜力工作室)點樣製作動畫! 可知宮崎駿一直都堅持製作2D動畫，呢幾十年所有既動畫全部都係畫出黎! 今期特別展館裡展出同介紹如何製作《崖上之波兒》既過程，當中擺放左一個大型既玻璃展櫃裡面全部都係製作《波兒》既手繪圖，一共有20幾萬張!!! 疊到成個小山一樣，真係歎為觀止! 可以知道佢地為呢套動畫用左多少時間同心血啦!! (據知宮崎駿同Pixar一樣通常都要花上2,3年時間製作一套動畫)

成個美術館既設計都充滿心思，售賣紀念品既就設計成由《飛天紅豬俠》既空賊團---曼馬由特經營(紙袋都係印住大大個曼馬由特嗰嘜頭，哈哈! 不過，呢度亦係我最失望既地方，因為想搵既精品搵唔到，而有啲靚既精品好似《紅豬》架紅色飛機成5,000蚊港紙!?!?!好貴啊!!!) 當然，美術館唔可以冇《龍貓》既貓巴士(不過，只可以俾小朋友玩! >____<")，連去廁所你都可以望住一幅好靚既油畫! 而每張入場卷都係抽左宮崎駿其中一套動畫既其中3格菲林做既(我地果兩張就係《龍貓》既兩姊妹同《波兒》既宗介)，你仲可以憑入場卷去到位於館內地庫，可以容納80人既映像展示室(土星座)觀賞一套宮崎駿既實驗或展示電影!

至於美術館嘅天台，就裝飾成《天空之城》既場景，滿佈著攀籐。最興奮就係見到1:1既《天空之城》機械人! 而地下就有一個以《千與千尋》為主題既小花園(有好多火屎仔，哈哈!!)、旁邊有咖啡室「草帽」同埋另一個入口有《龍貓》既售票亭(當然是假的唷! 現場沒有售票處， 詳細購票方法請按此)!!

真係可以話係一個花盡心思同設計周到既美術館，令大人細路都沉迷喺呢度! 正正就好似宮崎駿設計美術館既概念一樣『迷子になろうよ、いっしょに。』(讓我們一起做個迷路的孩子吧！)!
o^_____^o

參觀完美術館，我地就向下一站吉祥寺進發!! 其實，三鷹の森ジブリ美術館係喺三鷹駅同吉祥寺駅中間，喺地圖3點就成一個V型! 而我地今次就用行既方式去，路程唔係好遠，只要廿分鐘度! 天氣清清涼涼咁，一邊行一邊可以睇下呢個同新宿大大不同既城市面貌，一邊又可以感受下當地人既生活! 都幾舒服啊!!!


檢視較大的地圖

吉祥寺都可以話係我地今次既小驚喜，而我地主要逛既係中通道(Nakamichi)，完全同新宿高樓大廈兩個世界! 呢度全部都係兩三層樓高既小平房，不論地鋪或者樓上鋪都別具特色，由賣手工藝、舊玩具、餐具、嬰兒用品(買左一件日本製既金太郎BB口水肩 XD)、本地到歐美雜貨甚至古董珠仔店(好似巴黎聖母院既近a.B果間珠仔店不過細5倍到)都有，行呢度既時候完全可以幻想自己係日人! 而且，每間鋪都好似有新發現咁，好似行三鷹美術館咁充滿探險感!完全樂於繼續當個迷路小孩!! 哈哈!! 不過，我地第一時間唔係去行街街! 而係又去醫肚先!!

我地今次選擇左一間已經有成三十幾年歷史既咖哩店---まめ蔵[網址]!

因為地方不大要等位，但係都只係等了十零分鐘就有位啦，我地點左一個beef set(其實係牛腩)同一個special set(其實係牛腩再加雞蛋同配菜)，加埋餐飲(各100円)都要2千幾円呀! 雖然個賣相可能就一般，但就真係好好食!!! o^______^o

因為啲咖哩好香好濃郁，完全入晒去啲牛腩度!! 而且，MyV仲話食到有淡淡既草藥味! o_____O"
不過，咖哩就係源於印度既香料，而且咖哩確有醫頭痛既功效呢!!

無論點，由食物既水準、店舖內用心簡約既佈置同揀選既音樂就知道佢地點解可以迄立喺呢度咁多年!

食完美味既咖哩飯! 我地就係呢度做返個零鐘頭既"日人"先，不過，可能輕鬆得滯，完全唔記得影呢度既特色鋪頭添!! >___<#

我地再行埋近火車站7層樓高既無印後又係時間去補充體力! 去到吉祥寺裡面既商店街來一個下午茶小吃 --- 松板牛肉球 [Steak House Satou | サトウ 日本飲食網介紹]!!!

估唔到真係好似旅遊書咁講要大排長龍!!! 一排就40分鐘(旅遊書話有時要排一、兩個鐘!)!! 由冇落雨排到落住雨，由唔倦等到倦，更加由唔餓等到餓!! >_____<"

突然之間牛肉店姐姐派張單張俾排緊隊嘅人 -- 應該係講解如何購買，全部日文完全唔識睇(原來係寫平日每人限買20粒，週末每人限買10粒)! 只係見到1? 180円 5???? 140円!!?!?!

嗯...斷估都應該係買5粒以上每粒140円啦! 先頭見到隊頭擺左啲一盒盒pack好左既牛肉球，好似日式鱆魚丸咁大粒!又見到啲日本人幾袋幾袋咁買走!! 車 ... 又倦又餓又忟既我諗都唔諗梗係買5粒啦!!

終於到我地啦!! 埋到檔口用手語+錢同哥哥仔話要5粒，但見到廚房裡一盆盆未醃醬既牛肉球就知大鑊!!! 廚師一收order就醃醬即炸!! 想改單都太遲啦!!!

點解!? 唔洗20秒哥哥仔就將炸好左既牛肉球交俾我手...

嘩 ... 嘩! 嘩! 嘩!! 每一粒牛肉球都好似成個拳頭咁大!!!

o________O" 5粒!! 係5粒同拳頭咁大既牛肉球!! 就好似5個BigMac!! 兩個人點 ... 點食得晒呀!!?!?!?

@.@

講真又真係好好食，裡面除左松板牛肉仲撈左頗多既洋蔥，由於係大火炸既關係，啲肉汁完全鎖住喺個牛肉球裡面!!
認真係超juicy啊!!! :D

其實以一個男士既食量1粒已經好滋味，2粒超滿足，不過，要食到3粒就真係要好有"食力"!!
我地最後用左差唔多30分鐘食晒呢5粒牛肉球!!! @.@ 只可以讚一句"好味! 果然，真材實料!!!"，飽到上心口!! :\

縱使啲雨越落越大(所以跟住就冇乜影相啦!)，同食到"大肚臨登"!!不過，我地都冇唞! 行埋吉祥寺駅旁9層高既ユザワヤ(全部賣DIY手工藝野! 勁似執左既SPOTLIGHT，不過，呢度係9層樓高o羅! 後來先知係全日本最大既手工藝用品店!! :o)，就立即要去我地下一站原宿(Harajuku)! 完成我地今次東京之旅既任務:
任務一: 為我地新裝修既屋企買番個"靚仔"掛牆鐘
任務二: 為同我地同一日結婚既朋支買結婚禮物，鮮果醬! :O

而要完成呢兩個任務其實好簡單，就係去原宿既形格地標GYRE裡面3/F既MoMA Store 同B/F既Cerfeuil!

講下呢兩間店先!

原宿呢間MoMA store係由世界知名喺紐約既MoMA(The Museum of Modern Art, 1928)成立既，佢亦係美國以外唯一既一間分店! 佢地既經營模式都幾得意! 佢地會搜羅同售賣好多有型既產品，由精品以至傢俬都有! 可能佢地知名度大，所以經常可以搵到唔同既Designer同佢地Cross-Over推出不同既產品! 你可以想像你入左一間更型格同更有Designer味既"city濕爬"!! 我地今次就揀左由日本設計師白須 慎之(Noriyuki Shirasu)設計既Peep Clock(MoMA ピープクロック，ホワイト | Noriyuki Shirasu ，2008)! 又係"一見鍾情"果隻，完全襯晒我地以黑白為主色既屋企!! XD


而Cerfeuil呢間果醬店就係由盛產水果既長野県黎，佢地有唔同口味既日產手作鮮果醬!!! 其實我地喺上次既秋季日本郊遊已經去過佢地喺輕井澤既outlet店。佢地有各式各樣既果醬! 最出名除左佢地既布丁味果醬，佢地仲會不時推出時令水果既果醬! 好似青森県蘋果當造，佢地就會推出青森蘋果果醬!! 除左果醬，佢地仲有其他既酸奶醬、茶、味噌...，完全符合到佢地公司既宗旨:"A Gallery of Preserves."

去完GYRE，我地就去左隔離既Kiddyland，嘗試完成我地第三個任務: 買玩具! 本來今朝喺三鷹の森美術館想買Tomica喺2007年為宮崎駿出既3架精心設計既限量版車仔，不過，已經失望而回! 咁就為有靠呢間既玩具旗艦店啦!

共有6層高既Kiddyland其實都算世界知名，我開頭都唔知，後黎返左香港同朋友A.L.講番，佢話連畢彼特（Brad Pitt）同安祖蓮娜祖莉（Angelina Jolie）都係帶佢地啲細路黎呢度買玩具!!?? 勁!!! o_______O"

唔怪得我地果晚見到咁多老外同啲小朋友黎啦!! o^______^o

果然呢度真係一間好勁既玩具鋪，我除左可以買到已絕版果3架宮崎駿既限量版車仔，仲要俾我搵到一架喺香港已經賣斷市既車仔!! 超滿足咁返新宿!! :D (個肚都係! 因為，啲牛肉球仲未消化完!! :P + @.@)

返到新宿酒店擺低戰利品後，我地又去食過!! 今次要去食一間幾本旅遊書都介紹既Asahi TV選為Best10's No.1既迴轉壽司店---北澤俱樂部! 不過，諗都諗唔到我既"搵乜店冇乜店"既厄運又返黎啦!! =_________="

由朝頭早行到依家宵夜時段已經筋疲力盡仲要擔緊遮既我，望住漆黑一片既北澤俱樂部，估都估唔到咁出名都會執左!?唯一可以肯定係佢地唔係閂門! 因為間鋪既招牌已經換左叫乜乜東京壽司店! (後來幾個唔同既網站都證實左佢地九月尾真係執左笠:日本網站一，日本網站二同香港網站) 如果，以前既我可能都發左老脾!! 不過，可能今次唔算最差果次，試過有次去旅行一日竟然可以中兩次呢種厄運!!

望住呢間漆黑一片既北澤俱樂部，我同MyV苦笑左幾下，就打開本旅遊書搵附近另一間迴轉壽司店 --- 沼津港。

不過，食過呢間之後只可以話總算食過日本既迴轉壽司，原來香港有啲貴價既迴轉壽司店都好ok喎!! = ="

雖然，唔係完美既一日，但今日卻係一個超充實，勁有趣同好滿足既一日!! 超讚呀!!!

o^_________^o





Start from 2006 ...

TayThink / Travel / Toto --- 東京蜜月の旅 | Day ３

[Facebook朋支, 請click Here 或 "查看原文" 睇其他相同slideshow啦!]

已經過左行程既一半，喺度亦都真係要多謝大家咁有耐性睇左之前咁長既Day2's Part2同埋等呢一篇Day3!

:P + :>


吸收左擒日玩迪迪尼海洋既經驗同有充足既睡眠，我地今日當然會"醒"D去玩迪迪尼!! 亦都會寫短少少呢篇Day3~

不過, 我地今日只會喺呢度玩11粒鐘，因為今晚7點就會搭由新宿酒店安排既免費穿梭巴士去新宿,繼續我地聽日既日本之旅~ 其實，除左迪迪尼區內既9間酒店外，東京區內都有15間酒店同迪士尼有緊密關係，呢D酒店就稱為東京迪士尼好鄰居飯店、，佢地全部都有免費穿梭巴士往返迪士尼(不過，要預先BOOK架)!

我地今日先係房度食早餐(梗係唔係room service, 只係擒日喺幕張火車站買既麵包)同嘆下迪迪尼酒店提供既紅茶，唔出去食早餐既原因係我地今日要"合法打尖"!! XD

其實，所有喺迪迪尼飯店住既客人都可以由特別通道提早15分鐘入去樂園!! 而呢15分鐘對於我地今日早走既人客就更加緊要啦!! 因為今日係星期五, 好多日本人都會請假黎迪迪尼玩同渡週末, 事實上我地喺酒店房食緊早餐時, 望到樂園入口已經俾D日本人嚇親!! 樂園9點正式開門, 但早大半個鐘喺樂園外排隊賣飛既空地已經擠得密密麻麻! 呢15分鐘足以令我地可以避過呢幾百人!! 同時, 依家東京迪士尼最熱爆既GAME就喺度，個GAME叫做怪獸電力公司---「迷藏巡遊車」!!


如果，唔係早左呢15分鐘，我諗我地既行程未必可以咁豐富！最少要嘥多一個鐘黎排隊。雖然，佢已經開左幾個月，但係果日全日既Fast Pass，終於喺10點幾已經俾人攞晒！
O_______o"

真係熱爆！

玩完今日第一個GAME，怪獸公司後(其實同加州果個差唔多)，我地同之前既策略一樣，就以睇Show、Parade同行Shop為主！

而今日迪迪尼既日本遊人同Sea一樣都係好鬼投入，令成個樂園既氣氛都一流！投入程度由佢地衣著就可以見到，不論大人細路都悉心打扮，而且，每次表演，啲Dancer跳舞啲觀眾都會一齊跳!! 你話咁樣點會唔好氣氛呢! 真係超正!!
o^________^o


東京迪迪尼最勁既一招, 我覺得就係佢地供應既食物+精品攻勢! 好似擒日我地買左既唐老鴨水泡型蝦肉包+Duffy熊Halloween別注版既啫喱杯同布甸碟(雖然幫朋友買，但係其實自己見都想買多套! :p)+Donald Duck Special Set!

今日我地都忍唔住買左怪獸公司同迪迪尼哈囉喂別注版既啫喱杯! 除左啲精品設計夠晒精緻同靚外, 最重要係啲野食真係好食果度勁!! 東京迪迪尼令到啲日本人一家大細去到都會買既其中一樣小食就係爆谷啦!! 大大細細都扲著一個爆谷桶!!! 等Parade時食, 開show時又食!! 可能日食數噸爆谷!!! XD

咁你會話冇理由, 有乜咁好食呀!!?? 初時我地都係咁諗! 仲懷疑過佢地係啲爆谷度做手腳!!! 直到我地突然之間聞到一陣陣既咖哩味! 我地就即刻停低,仲以為佢地賣咖哩魚蛋咁過癮! XD 行埋去望下, 原來係咖哩味爆谷!!?!?

跟住再見到其他好多種唔同既味，好似有朱古力味啦，草莓味啦, ... 我地終於知道佢地真係做左手腳啦!! 哈哈!! 最叻係你可以拎住你之前買左既爆谷桶，淨買爆谷! 承惠400円! 而且，每檔爆谷車除左有唔同味既爆谷， 仲會有唔同造型既爆谷桶!! 如果你鐘意呢檔既款你可以買埋佢! 承惠就1,600円啦!! 咁你又會話點會買咁多個爆谷桶呀!! 咁你又錯啦!! 除左之前講佢地設計精美外, 仲要因為多數啲爆谷桶都係限定版! 所以好多日本人會好樂意繼續攞住上季或上幾年既爆谷桶!! 我地見過一個日本媽媽推住架BB車竟然有成4、5個爆谷桶!!! 令到爆谷成風，點會唔賺到笑呀!!

如果你去海洋我會推介你去試佢地小食名物唐老鴨水泡型蝦肉包! 喺迪迪尼我就會推介你去試下呢隻又多肉汁又嫩又大大隻而且仲熱辣辣香噴噴承惠500円既火雞脾!! 食住佢睇Parade又真係一個幾唔錯既選擇喎!!

睇完Parade，身為史迪仔粉絲既我地玩多一個以佢做主題既GAME(麻麻地, :\)再睇埋夜晚既Parade就離開迪迪尼啦!!

我地撘免費既酒店巴士，瞌完一覺，已經到左同迪迪尼截然不同既不死城 --- 新宿!!

我地check完in，立即去醫肚!! 去左上次錯過左既康竜拉麵(新宿駅東口分店, 曾獲電視台選為全國Top 100的拉麵店之一)!!

自己喺門口入錢買飛仔，跟著tick好晒order表(有齊日、中同英文)，就排隊等安排入座。坐低之後就俾張飛仔師父，師父就會幫你泡製你碗美味既拉麵喔!! o^_______^o

讚呀!! 食完一碗唔夠喉!? 你可以喺座位前既小錢箱入錢"加底"! 個錢箱既燈就會閃下閃下, 好有趣!! :)

入100円半個麵餅(半替玉)、入200円成個麵餅(替玉)，我有冇入錢!? 梗係有啦!!200円!! 師父，一個替玉呀! 唔該!!

讚呀!!! 食完咁好味既拉麵，逛左一陣夾公仔店(冇收穫兼大出血!! >__<)，就返酒店瞓覺，養足精神準備聽日去朝聖 --- 三鷹之森吉卜力美術館，港稱宮崎駿博物館!! Yeah!!! o^______^o


[View Day 3's Album Slideshow below]


Start from 2006 ...