Travel / Fun / News --- 喺新加坡發現超巨大巨石陣！ (Huge Stonehenge @ Singapore)

Casino --- May, 2010  [img 1]
Photo & Approved by Christina

[Facebook朋支, 想睇最佳效果，請click Here 或 "查看原文"]


友人見我去日本好似多過去其他地方，問我係咪淨係會去日本旅行嘅人？


梗係唔係啦！ 其實，我同大多數港人一樣，邊度有好野玩，有好野睇，有好野食，有$$有假，去邊度都冇所謂！


不過，講到今年最"熱"嘅旅遊景點一定會係上海世"搏"(真係搵命搏)，不過，睇完新聞同幾個朋友返黎講番遊後感就怕怕啦！


但係另一個亞洲嘅旅遊"大熱"，我就真係好有興趣！呢個地方就係新加坡！！


其實，好多朋友襯未旺季之前已經去左，有啲就plan緊今個暑假去！


原因之一，梗係佢地新開嘅 Universal Studio啦！ 


喺美國嘅 Universal Studio嘅遊戲同表演真係都得架喎，由其係Water World，真係必睇！ 


而更吸引我嘅係，我相信新加坡呢個入面嘅遊戲同表演用嘅語言，會係我聽得明嘅！唔識日文嘅我，上次去左大阪，都冇諗入日本果個！


除左 Universal Studio，另一個吸引我嘅地方，竟然又係一幅友人C影嘅相 ([img 1] 果幅，上次再去立山都係因為一幅相)！


我第一眼睇仲以為係啲雕塑或藝術擺設之類。

Marina Bay, Singapore [img 2]
from dailymail.co.uk

望真啲同睇埋個 title => casino. 再詳問友人先知呢度原來真係一個賭場，上面有一個巨大嘅空中花園 (Sky Park)。建築嘅外形就好似喺英國嘅Stonehenge, 巨石陣咁款！ 




遠遠都可以見到佢，夠晒氣勢。唔同嘅係佢唔似澳門無敵黃金三叉戟！冇左份霸氣，但多左份和諧感。

真係型爆呀！ :O

Marina Bay, Singapore [img 3]
from wikimedia.org

再上網查考下，發現原來呢個賭場係港人都好熟識嘅美國金記開嘅(喺澳門都開幾間)。佢地搵左間名Arch. Firm, Msafdie 為佢地設計呢間位於濱海灣 (Marina Bay)，擁有賭場、酒店嘅娛樂城，名為Marina Bay Sands 。 


就算唔賭嘅我，都想去睇下呢個娛樂城，好似去澳門會睇金錢樹同去拉斯維加斯會睇大型噴水池匯演，
免費又好睇嘅娛樂！

Infinity Pool [img 4]
from dailymail.co.uk

睇完由 dailymail.co.uk 提供同其他網上資料後，發現個娛樂城原來除左賭場同酒店，佢都有齊 Shopping Mall, Museum, Outdoor Park, 仲有幾個唔同又有型嘅Theater。 不過，最吸引我都仍然係嗰個喺3支"巨石柱"(酒店)上嘅空中花園 。


因為，個花園最有型都係有個叫做 Infinity Pool 嘅游泳池。叫得做Infinity, 當然唔會比其他酒店細啦！

咁有幾大！？ 足足成150米長…長…長，成3個標準池咁長，而且呢個游泳池嘅吸引之處，除左係水天一色嘅設計！！佢仲係全世界最高嘅戶外泳池，喺55樓，成200米高！突然想講句英文:


「Hey! Dude! Can you imagine how cool it would be!!」

Infinity Pool [img 5]
from dailymail.co.uk

如果我可以喺度游水，我只會用 "超爽呀！"黎形容。


不過，要住呢間酒店就一啲都唔平啦！


最平嘅房要成新加坡幣(SGD) 400蚊，即2,000幾蚊港紙！


不過，你都唔可以喺度游水，你要游就再要俾多SGD379，買個叫"SKYPARK EXPERIENCE"  Package，即係最低消費成4,000幾蚊港紙兩個人！ @___@


就算免費可以入去游水，行雷嘅時間都唔洗預，一定俾雷劈死啦！XD


你又有冇咩其他好地方介紹俾我呢！？ o^_________^o

夜幕的濱海灣  [img 6]
from dailymail.co.uk

在較大的地圖上查看Integrated resort @ Marina bay, Singapore

Start from 2006 ...

Fun / Gadget Stuff / News / MM / Travel --- 路，還是人走出來的

[Facebook朋支, 請click Here 或 "查看原文" 睇文中既3段Moive啦!]

自從G記推出行街街(StreetView)，我都一直覺得實用又好玩，plan旅行行程一流!

記得近排，有朋友去東京旅行時，仲教佢點樣去喺佢住既酒店附近既一間較平藥店買藥!! XD

對鍾意去旅行但又唔可以成日去既我，簡直係史上偉大發明及恩物!

不過，有時唯一覺得唔爽既係當你虛擬咁行緊行，想轉入去啲橫街窄巷時，就俾佢截停左，行唔到入去!! >______< 原因我諗大家都知， 1. 根本果度未影到相 2. 因為佢地係用一架私家車裝有特製既360度鏡頭黎影相，呢架車有啲地方去唔到，而呢啲橫街窄巷就更加駛唔入!!

不過，G記就活用左我國名作家---鲁迅先生所講既名句:“路，是人走出來的!” (原句出於吶喊中: 「世界上本没有路，走的人多了，就成了路。」(1921))

今次，佢地不但係今年既加拿大冬季奧運會用滑雪電單車製作冬季奧運會行街街版，更用更細既人力三輪車(Trike)製作。

經過投票定出24個會優先製作既地點，令大家可以"行下"橫街窄巷之外，仲可以行下公園、校園同商場(可以行三藩市著名既Pier39!! :D)，仲有動物園! 當然，冇香港份啦! 全部都喺美國!! 因為香港連基本既行街街版都遲遲未推出! :(

不過，我建議G記其實真係要快啲試下香港同澳門先，因為我地有豐富經驗既三輪車司機，不過大部份人家都快退休啦!!! :p

我諗鲁迅先生估都估唔到近百年後佢既說話都可以應用喺虛擬既網絡世界! :p

路，還是人走出來的! 辛苦晒! G記仝工啦!! :p

[Movie 1: G記行街街三輪車版]



[Movie 2: 製作剛完既冬季奧運會行街街版]



[Movie 3: 有趣既Behind the Scenes]



Start from 2006 ...

TayThink / Travel / Toto --- 東京蜜月の旅 | Day 5 [完]

[Facebook朋支, 請click Here 或 "查看原文" 睇其他相或slideshow啦!]

過左充實既第4日之後，黎到我地行程最後一日啦! 我地今日只有大半日既時間留喺東京!而我地先要處理其中一樣重要既問題---買手信!! :D

自從第一次去東京，朋友M介紹我去上野既アメ横丁(阿美街，Ameyoko)掃手信，我每次去東京都會黎呢度，亦都係必去既地方！！
o^_______^o

因為，呢度買日式果子/零食真係又平又多選擇! 有半條街賣日式零食呢類既乾貨，又有半條街賣急凍既海鮮、生果之類既濕貨! 真係掃手信一流既地方! 而且呢度亦都係試食既好地方，你好似去左澳門啲手信街咁，叫賣既人會不停咁叫你試食，務求你地會試得多就買得多! XD

我地又係晨咁早就去到アメ横丁，連啲鋪都未開晒門! =________="

咁我地就去買左個土耳其卡巴一邊行一邊食，睇住啲鋪頭開門... 如果，大家去過呢條アメ横丁都會知又或者你本旅遊書都會介紹一間差唔多喺呢度最大既日式果子(零食)店--- 二木の果子! 開頭我地都一心諗著去呢間果子店買晒啲手信就算，不過，佢地未開門。當我地經過另一間細鋪頭時，見到個老闆忙緊介紹佢賣既果子俾兩個應該係中國黎既後生仔，心諗啱晒!! 可以無人騷擾咁格下價! 正呀!! 一面睇一面就盤算緊邊啲野平，突然間老闆唔理果兩個中國後生仔，衝埋黎! O___o"

我心諗你唔使嘥氣sell我地啦，我地一陣間會過隔離鋪架啦~ 一.一

老闆笑笑口拎著幾樣果子就開口話:「鵝青你識! 泥試蝦啦!」{「我請你食!你試下啦!」}

我地點點頭，心諗:"勁呀! 識兩咀廣東話喎!"

我地接過啲果子，老闆又講:「泥day香港尼?」{「你地香港黎?」}

我地又點下頭，心諗勁喎! 識分我地唔係"大陸尼"!! XD 嗯 ... 想搞乜呀!?

老闆見我地點頭就好似好開心咁，擰轉頭走去佢個收銀位度不停咁摷! (當時，我諗我地冇話要買野喎! 想轉頭就走!!)

跟著老闆好似摷到佢想摷既野，拎過黎，俾我地睇! 原來係一盒DVD!
指著DVD上面中間既主角，睇真啲呢套係成龍大哥拍既《新宿事件》!

佢指著盒面上既成龍大哥又話:「渠唔拾唔!」跟著又指下自己話:「鵝唔拾唔!」{「佢55歲」「我(都係)55歲」}

跟著我地就:「哦...」一聲回應佢，跟著老闆見我地明佢講乜又繼續興奮起黎！又大大力指著自己話:「鵝... 嗯...嗯...」(今次老闆唔識講)佢好似有啲苦惱咁，跟著擰轉頭指著收銀位! 我地望真啲原來掛左幾張成龍既poster！跟著我地再次顯出明白既表情同「哦...」一聲(高多兩度)回應佢！ 佢應該想講佢係成龍既粉絲!!

老闆見我地明白就更加興奮！！又指著隻碟跟著又指著出面條行人路講:「o者key...渠...系都白」{「Jacky...佢...喺度拍!」} 我地又「哦...」一聲(高多八度)回應佢！佢可能知道我地明佢講咩，就更加落力叫我地試食!! 「泥day撕尼哥。」「泥day撕尼哥。」{「你地試呢個。」「你地試呢個。」; 兩個中國後生仔完全俾佢ignore! =_____="}我地成手同個口都係啲果子，元貝、芥末味魷魚、意大利Tiramisu朱古力...

老闆既興奮未減，繼續努力地運用佢既日式廣東話:「鵝...雞瓶尼!」{「我...計平你(地)!」}

佢指著包標價(已特價)2,xxx円既元貝:「尼哥。1前Y百伍十円!」{「黎個。1千九百五十円!」註:用Y因為係粗口! 哈哈哈!!}

又指著另外一包朱古力糖:「尼哥。xxx円!」再指:「哥哥。xxx円!」 ...

雖然，有啲果子只係平幾十円，但係後來有朋友話日人好少會標左價再平俾你。如果係咁，佢好可能真係想平俾你！o____0"
完全做到佢既口號:"只對您便宜" ！！XD

我地就係最鍾意咁有heart架招待啦! 又係果句有時"買野! 最緊要開心嘛!"，有時買野真係要講下享唔享受個過程既!!

好! 就係咁，我地就係呢度買左大部分既果子喇!! :D

買完之後，老闆仲不停咁握住我隻手:「鵝...多借泥! 鵝...多借泥!」{「我...多謝你!我...多謝你!」}

臨走時我同老闆講話想同佢影張相(當然用手語啦!)。老闆:「はい！ ちょっと待って!」跟著佢又走番去佢個收銀位度不停咁摷!? 當我地仲諗緊佢又搞乜鬼既時候，佢就搵到啦!! 原來又係果隻《新宿事件》DVD！！咁就影左呢張相啦...

= =" + 一.一 + o^_____^o

今次真係要多謝成龍大哥啦!!

喺上野掃完貨後! 我地返酒店Check-out同pack貨，之後又再出發，先去酒店旁既東京都庁舎，跟著就去行新宿既各間大百貨公司!! @.@

咩係“都庁舎”? 同埋點解要去? 其實“都庁舎”即係東京都既政府總部，而喺45樓(高202米)設有"入室無料"(免費入場)既展望室，展望室設有咖啡店同記念品店! 如果你遇著天氣好，你除左可以睇到新宿既市貌，你仲可以睇到喺西面既富士山添!! 不過，好可惜~ 我地今日一直都係落雨，不能遠眺富士山!! = ="

去完都庁舎後又到我地最後既行程 --- 喪逛各大百貨公司！！XD

不過，古語有云:三軍未到，糧草先行! 我地梗係去醫肚先啦!!

今次，我地揀左一間百年老店 --- 王ろじ!!

佢有咩咁巴閉!? 第一佢地係大正10年，即係1921開店，成88年歷史既店鋪!!
而呢鋪只係獨孤一味食吉列豚(とんかつ | Tonkatsu)! 有啲旅遊書更話日本創出吉列豚(とんかつ)呢三個字既出現，完全都係因為呢間王ろじ!! o_____O"

而佢位於伊勢丹本館旁，非常方便!

呢度既吉列豚唔係好似香港既吉列豬排，咁多脆粉，佢地只係有一層薄薄既炸漿! 而且佢地唔係成塊豬扒咁炸，我地覺得佢地係將一條一條既豬柳扭成一條2寸粗既肉卷，再醃炸漿醬去炸!! 個樣雖然唔同香港睇見慣果啲，橙橙地色既吉列野咁，但係佢地呢個就超多肉汁! 好美味呀！！！！ 而店裡有個中國/台灣既留日生識講普通話，大家可以完全放心落單!!
:D

我地叫左一個吉列豚Set($1,650円)同吉列蝦Set($1,550円)，每個set都會配有一個とん汁，係用洋蔥+好似煙肉既豬肉爆香既湯汁!! 真係超邪惡!! 但係又超好食！！　全部食晒！！　>___< + :D

行完各大既百貨公司，我地就搭巴士去羽田空港上飛機!!

雖然，羽田空港遇到少少阻滯（因為唔記得果醬係液體，差D俾海關充公同冇左份送俾朋友既結婚禮物），唔可以話樣樣都好完美，不過，成個蜜月の旅都可以話滿足晒我地既要求!!!

真係大滿足既蜜月の旅~~~!!

又係果句渡蜜月無論去邊只要兩個人開心就夠晒啦！=^_______^=


[View Slideshow of Day 5 Here]


[View Slideshow of Honey Moon's Souvenir Here]


Start from 2006 ...

TayThink / Travel / Fun--- 登松山記

團體遊去到中午既時候就解散, 大家自由活動！我同MyV就決定去澳門既一個名勝 --- 松山東望洋燈塔, 試撘下全世界最短既纜車！ 有幾短！？ 3分鐘車程！0___o"



首先梗係去醫左個肚先啦, 我地去左品嘗出名既蝦子竹昇麵[祥記]! 跟著我地撘巴士（單層）去位於二龍喉公園既纜車站, 因為唔熟路, 上車已經先問定司機, 係唔係去二龍喉公園, 佢話係我地先上車.

撘左一陣覺得差唔多到, 左望右望又唔似樣, 突然間, MyV話:「我見到"二龍喉公園"個牌喎！ 」...

咁就即係話我地已經過晒龍啦！=____="

架巴士仲已經上緊山, 去到澳門賽車既最出名既髮夾灣(原來叫做"馬交石砲台馬路")!!!

咁就走出位問下司機係咪過左龍啦！點知司機就好似緊張過我地話:「哎呀！ 係喎！真係過晒龍喎！ 點呢！？ ... 你地依家落車要行好遠喎！」我心諗我都知, 不過我都真係唔知點喎! 打定輸數諗著下個站落車再算！轉身諗著走返埋位既時候, 突然, 司機就話「唔...你地唔好落車, 等陣我兜番你地過去呀！」心諗咁都得, 澳門真係好有人情味啊! :)

返埋位坐低既時候, 坐後面既一位好心既哥哥仔就同我地講：「你地哩個站落車啦！跟著撘番對頭車, 撘兩個站, 係撘兩個站落車, 就到架啦！」又嘗到第二次澳門既人情味. 我地連番多謝後, 最後, 我地冇聽哩位好心既哥哥仔落車(佢都係哩個站落車)!

唔係我地唔領人地既人情, 而係, 我地諗下我地依家個身仲濕緊, D汗都未流完, 想享受多一陣哩個冷氣既車箱. 同埋, 因為我地慣左用"百達窿", 依家全身都冇一個銀仔, 望出車外面好似係工業區咁, 落左車都唔知可以去邊度唱散紙啦! 不如, 等司機車我地返轉頭好過!

我地繼續遊左差唔多10幾分鐘既車河, 架巴士已經駛到去一個唔知咩既地方, 原來已經到左總站啦! 個身乾番晒, 所有人都落晒車, 睇見司機冇表示, 都唔知佢係咪唔記得話會載返我地轉頭, 咁就諗著落車啦！唔通咁大個人仲要俾人話撘霸王車先落車咩！點知司機一見我地想起身就喝著我地:「你地兩個唔好落車呀！」

跟著司機匙都唔熄就抽頭開車, 有位阿姐走上前諗住截停佢!! 不過, 司機就對著阿姐耍晒手!? 我地見住阿姐個疑惑樣, 可能佢心諗明明埋左站, 又唔俾人上車, 但上面又有兩個人坐係度!? 以為自己係咪撞野! 哈哈! :p

跟著, 我地隱約(因為我地坐係最尾個幾行, 所以聽得唔係太清楚!)聽到司機同自己講左句話趕時間呀!!?!?

吓!! o____0" 我同MyV你眼望我眼, 我地都冇話趕時間, 而且, 我地真係唔趕架喎!?!? 以為司機淨係"飛"總站果個站o者, 點知, 佢繼續"飛"其他站, 半路遇到整路有D塞, 司機就不停嘴咁話:「 點會咁塞車呀! 點會咁塞車呀! 點會哩個時間黎塞車呀! ...」

我地都唔知點解司機咁忟憎!? 心諗慢慢揸, 唔洗快喎 我地都只係想去下燈塔同撘下松山纜車o者! 不過, 我地既念力冇乜效, 司機心情好似冇乜變, 繼續"飛"多幾個站, 我地心情就繼續忐忑, 過左一陣, 終於到左我地要落車既站, 司機埋站停車, 終於打開車門...我地既心情跟著打車門既速度慢慢放鬆 ... 呼 ...安全啦~安全啦~

司機擰轉頭, 我地仲以為佢會好忟憎叫我地落車 >__<, 不過, 佢反而好有禮貌咁同我地講:「你地到啦, 你地係前面行過去就係啦!」嘩!! 我覺得我好似係D日本漫畫既故事裡面咁, D主角一時好火爆, 一時又好溫柔咁!? =^____^=
我地落車後, 我向司機"沙冧", 司機仲好有形咁向住我戚下個頭 ... ^_____^||


嘩!! 哩程巴士心情變化得真係好大! 好啦! 唔理啦! 諗著今次撘纜車遊松山可以輕輕鬆鬆, 平平靜靜啦!! 正當, 我地搵緊邊度有得買飛之際, 見到一個牌:"逢星期一維修"!!!!! o_______0"

吓!!!! 冇野呀!!!! 依家咩年代呀!!?? 交通工具都會每個禮拜維修!?!? >__<
咁我地香港既山頂纜車同港鐵真係好厲害啦!!! 日日都開, 仲年中無休!!

好啦! 冇計啦!! 心諗全世界最短既纜車, 要行上山有幾難!? 雖然, 全程都要行梯級, 不過, 點都唔會難到我地既, 唓, 行咪行!! [<= 還以為自己今次可以裝帥!!]


開頭行上山既時候仲好有興致咁影o下相, 不過, 未行到一半就發現乾左既身又開始濕緊 ... 行到一半個身已經好似開緊水喉咁啦!

停低一陣唞o下, 諗住D汗會停啦, 點知都係一樣, 又發覺原來已經冇晒水! 咁就決定唔唞, 一口氣上到山頂!! 一上到山頂, 見到纜車站. 但係嘩!!! "萬里無人"!!?? 只係睇到一個報時同溫度既亭, 上面打住依家既氣溫係37℃!!!!
o_______0" + @____@||

試問點會有人肯行上黎呢!!??!!??

雖然, 我地已經登上俾我地"睇小"既松山, 但係, 我地其實仲未到我地既目的地 --- 松山東望洋燈塔

我地繼續行, 見到一個公園, 而且, 仲見到一個涼亭同小食亭, 嘩!!! 當堂好似係沙漠上見到綠洲咁!! 我地梗係即刻飛身過去, 買左一條雪條同一支大水黎降溫!! 係哩個涼亭度繼續唞, 一唞就半粒鐘, 期間我地只係見到一對日本既老夫婦同一對法國既情侶遊客黎到哩度"打水", 就冇其他人啦! =________=

唞完後, 我地去睇我地要睇既松山東望洋燈塔, 影左幾張相後我地就返落山...夏天既松山真係唔易登!!


不過, 今次都算真係一個幾有趣既經歷, o^_______^o
要多謝果位司機, 好心既哥哥同涼亭既auntie, 同神既安排啦!!


PS: 1. 記住唔好星期一去松山撘纜車
        2. 記住要儲定D散紙撘公車



檢視較大的地圖

Start from 2006 ...

TayThink / Travel / Info --- 澳門, 福音來華之地? 或是福音之硬地?

[Facebook 讀者, 可以按Facebook內下面既原文網址, 睇更多既相/slideshow]

今次黎澳門參加一個可以話係好與別不同既旅行 --- "福音來華尋根之旅"!

澳門與香港都係一個充滿傳奇既地方, 不單只因為大家都係有過一個殖民地既身份, 同時每每大時代既變遷, 兩地都會被捲入時代巨輪當中, 唔多唔少都直接受到不同大時代既影響!

不過, 有一個傳奇就只發生係澳門哩一度, 而當中哩位傳奇人物就係馬禮遜(Robert Morrison)牧師, 1807年1月一位英國土生土長基督教既傳教士, 擁著對主無比既信心決定來華傳福音, 獨自經過8個月既旅程, 係9月4日來到澳門哩片土地上.

我諗馬禮遜一到步就已經好想展開傳福音既工作, 不過, 卻立刻遇上第一個既難題, 唔係食住, 言語不通既問題, 而係, 當時擁有頗大勢力既天主教既阻攔, 阻攔佢留o係澳門哩度. 哩個難題係一個你未知發生咩事, 未開始做任何野就要你放棄入夢既打擊!! 來澳3日後(即9月7日)為左可以留o係中國, 馬禮遜轉戰廣州, 唯有以幫東印度公司做翻譯為名,以翻譯員既身份得以留係中國.

馬禮遜冇因為咁就放棄傳福音, 係1810年, 馬禮遜為左要將翻譯左中文既聖經章節<<使徒行傳>>印成書籍派發(共印刷1,000本, 其中3本寄回英國), 認識左中國第一位既基督徒 ---蔡高, 之後都係因為印刷既關係再認識到中國首位既宣教士 --- 梁發.

1811年, 馬禮遜在傳教既工作上開始取得些微既進展, 同年長子雅各(James)出世, 本來應該係高興既事, 但好可惜佢於同日夭折死亡, 係一個由天上趺入谷底既打擊. 但馬禮遜冇停低佢既工作, 同年完成翻譯及出版<<路加福音>>.

1813年, 米憐牧師黎到澳門希望可以幫助馬禮遜牧師, 不過, 米憐牧師黎澳門短短16日就已經敵不過當時在澳艱苦既傳教工作,而離開左澳門, 又一次打擊了馬禮遜牧師, 另一個得而復失既打擊.

1814年7月16日, 馬禮遜為中國第一位華人 --- 蔡高係澳門松山既山麓受洗, 成為第一位既中國基督徒. 其後, 馬禮遜為左支援東南亞地區既傳教工作決定要建立一個差會總部, 而且哩個總部要有具備培養傳教士的功能. 不過, 我相信係當時咁封閉既中國要設立一個外國人同華人交流既地方, 係文化上同政治上都可以話係冇可能! 咁最後佢決定係馬六甲開辦傳教士學校, 而哩個計劃就交俾之前提過既米憐牧師實行, 而哩個總部既訓練學校就係香港既英華書院既前身了.

1815年, 梁發因為要協助出版聖經同中文刊物隨米憐牧師黎到馬六甲, 1816年, 米憐牧師為粱發受洗, 其後, 粱發出版多本傳教刊物, 其中1832年發行既<<勸世良言>>, 據聞洪秀全都係因為睇左哩本書, 而創立左"太平大天國".

1818年11月, 米憐牧師開辦了英華書院教授來華既傳教士, 同時都打開中西文化交流既地方同通道.

1821年同1822年, 馬禮遜連續失去兩位生命中最重要既人, 1821年馬禮遜夫人病逝而多年既戰友米憐亦都係馬六甲病逝, 馬禮遜只好將年幼既兒女送回英國託哥哥照顧, 今次受到打擊更大!!! 但係痛失至愛同戰友既馬禮遜並冇意志消沉, 繼續待奉既工作.

12年後, 1834年8月1日, 馬禮遜o係廣州病逝, 終年52歲. 回顧馬禮遜一生可以話大志未成, 心願未了. 一心諗著來華傳福音, 但來華廿多年最終只有10位信徒(1833年)!

如果你係馬禮遜離世o果日黎計, 從數字o黎講大家可能話佢係失敗, 亦都可以話係一生堪可, 波折重重. 雖然, 最終遺體可以運返澳門基督教墓場(1821年, 因當時馬禮遜太太去世時, 由東印度公司向葡商購地作墓場, 內有馬禮遜小教堂)同夫人一同安葬, 不過安葬既地方絕對並唔係一個華麗既地方, 但係人o既一生係咪真係用我地俗語所講既"蓋棺定論"呢?


我相信唔係完全啱晒, 世上稱得上偉人好多係佢地臨死果刻, 通常都係好可悲既, 好似名畫家梵高(Van Gogh)或者名雕塑家米高安哲奴(Michelangelo)又或者名建築家安東尼·高迪(Antoni Gaudi)? 當時大家都認為一個係痴線佬, 一個係滿身臭味既鑿石佬, 而高迪係街上遇上車禍, 被車撞倒後死去, 但因為佢衣衫襤褸更俾人當左流浪漢, 車禍死左3日, 大家先知佢係大名鼎鼎既建築家,
真係諷刺!!!!

但哩班既偉人之所以叫偉人就係佢地對後世既影響有幾深, 佢地既影響力到依家都係未有減退, 好似高迪咁佢既名建築---聖家堂 (Temple Expiatori de la Sagrada Família), 到依家都仲起緊!!!
仲要起多2,30年!!!!! O___0".

而我覺得馬禮遜牧師可以同哩幾位偉人齊名, 而對華人或者華人既基督徒黎講, 佢更係有過之而冇不及, 佢既影響力到依家我地都感受到, 佢令到中國哩個古國既人民得到福音, 好似1823年咁, 馬禮遜牧師出版中文新舊約全書並以<<神聖天書>>為名, 之前既建立既英華書院教授出好多既傳教士來華作不同既工作, 又由哩班既傳教士既帶領下分別成立志道會堂(1905年)及澳門浸信會(1904年, 俗稱白馬巷浸信會, 因為位於白馬巷哩條街). 而我地國父孫中山先生既元配夫人 --- 盧慕貞更係澳門浸信會既第一位會佐(香港稱為執事), 對孫中山先生係信仰同信念上有一定既影響.


1939-1945年, 二次大戰, 葡國係中立國, 不少中國同香港人為左逃避戰亂, 都黎晒澳門, 人口激增至50萬!! 到戰後和平之後, 人們紛紛返番原居地, 好多現今既香港教會都係由以前居住過澳門既基督教幫手參與建立!


我相信馬禮遜牧師靠著對神有堅定不移既信心, 行哩條滿佈荆棘既福音來華之路, 對於佢最後能葬係澳門哩一片佢第一次來華踏觸既土地上, 係神一個微妙既安排!

對比起我今次參加教會哩個澳門之旅, 可以話係更加羞愧. 因為弟兄們安排得太周詳了, 縱然有30幾人, 都可以妥善安排膳食同交通, 可知我地唔係參加旅行團, 唔係靠旅行社安排. 唔單只事事順利, 除左参觀左唔少既名勝同博物館, 亦都有幸得到澳門聖經學院院長---游偉業博士既講解.

游博士由唔同既角度係政治,軍事,經濟同宗教歷史黎講解澳門哩個"福音初至之地"(係志道會堂3樓有一個寫上哩六個字既牌坊), 晚上又可以係白鴿巢浸信會同會友相聚分享,在悅耳既詩歌及有趣既話劇及遊戲中彼此了解.

參觀澳門馬禮遜紀念中心(2007年成立, 馬禮遜來華二百週年時成立)與陳牧師分享在澳營運中心同傳福音既經歷, 係澳門其中一間最耐歷史既會堂參加主日崇拜, 得到廖卓堅牧師既講道同佢慷慨既贈送佢自己編寫既澳門宣教歷史筆記, 令我更加了解哩個"福音初至之地".


又同教友一齊夜遊睹場內既華麗建設(M記既天幕廣場)同表演(W記吉祥樹同新X天地既水幕, 天幕電影派晒飛!! >_<)!!! 當然, 更享受不少地道美食, 好似中葡式既牛尾, 血鴨, 葡式汽水(推介熱情果味)同蝦子竹昇麵 :p~~, 係一個各方面都好滿足既旅行!!

但當我望著W記吉祥樹最後一幕, 黃金樹升上地面時, 人們叫囂同時拋上錢幣, 叮叮噹噹既錢幣擊打聲, 令我立刻諗o下大多數人群黎澳門都係為金錢, 財富而來, 而且來得瘋狂, 來到哩棵"拜金樹"!! 反思我地係咪咁需求地上的財富呢? 係反思緊既時侯, 突然, 醒覺神既安排實在太美妙啦!!


200年前既澳門根本就係一個福音之硬地, 但神卻偏偏安排馬禮遜牧師係哩個細小既地方為西方來華傳福音做起點, 好似就係要係哩度放上一個"福音初至之地"標記! 來華廿幾年既馬禮遜付出無比既信心都只係收得10個信徒... 再睇下今日既澳門, 賭場臨立, 我係澳門(半島果邊)每次望上天都會睇到果枝"巨大既黃金三叉戟"!!! >__< 現時澳門既青年人大多做荷官為生, 而全澳門只有唔夠1個%既基督教, 好多澳門既基督教教會依家都係靠香港既教會支持, 澳門既同工面對重重既挑戰, 在這個福音硬上加硬之地, 哩個黑暗重重既澳門, 如何可以開闢一條光明既路呢?


神安排放上一個"福音初至之地"標記既奇妙之處, 就係彷彿要大家都永遠記著澳門哩台度永遠都係福音來華既地方, 可能神就係知道哩度會係全世界華人地方上, 心靈上最需要支授既地方! 讓我地記念哩個地方, 同時為這片土地繼續祈禱吧! 我相信澳門永遠係"福音初至之地", 但一定唔會永遠係"福音之硬地"

相片幻燈片 / Photo Slideshow

Click哩度睇晒d相同備註, 仲有相片位置地圖tim!! o^______^o

Start from 2006 ...

Toto / Fun / Travel --- [香港, Hong Kong] Noah's Ark @ Hong Kong / 香港既挪亞方舟

朋友K話有人話中文有"船"字, 係因為挪亞方舟既出現! :O
因為方舟上只有挪亞一家八口,所以 出現左舟上八口 => 船! 聽完後, 不得不嘩一聲!!

冇論係真係假, 上個週末就去左係香港馬灣青馬大橋下建成既挪亞方舟, 不論船身同船上既動物都係同聖經描寫1:1既大細所造成. 咁1:1有幾大? 3/5架鐵達尼號的同1/2架伊麗莎白二世女王號!! o____O"

冇段段去方舟既原因係因為婆婆(外婆)話想去旅行, 本來plan左去澳門, 但係婆婆又話驚呢樣又話驚果樣, 最後就揀左去方舟兩日一夜, 雖然, 婆婆最後冇同我地過夜, 但係見到佢可以同大小魔怪去旅行既開心樣都夠晒啦! :)

方舟共有5層:
a. LG/F 係餐廳(豐盛閣), Souvenir Shop (寶貝號 & 大地寶藏)同方舟花園下層
b. G/F 係方舟入口, 多媒體博覽館同方舟花園上層
c. 1/F 係生命教育館
d. 2/F 係珍愛地球館
e. 3/F 係酒店(佔船身既1/3, 兩人房)及旅舍(佔船身既2/3, 四人同八人房)

我最鍾意多媒體博覽館既180度環迴影院同搜羅世界各地方既方舟模型.

我地book左旅舍既八人房, 感受下挪亞一家八口如何渡過.
我地當然冇挪亞咁慘, 在方舟既晚上玩著爆笑o既Pictionary! :P

雖然, 多雲睇唔到日出, 不過, 可以有個咁靚既青馬同睡已經好滿足了!! :D

神說：我與你們並你們這裡的各樣活物所立的永約是有記號的。我把虹放在雲彩中，這就可作我與地立約的記號了。我使雲彩蓋地的時候，必有虹現在雲彩中，我便記念我與你們和各樣有血肉的活物所立的約，水就再不氾濫、毀壞一切有血肉的物了。(創世記9:12-15)

這就是彩虹之約!
多謝, 主日學老師Maggie既悉心教導! ^______^


挪亞方舟為官方網址 Noah's Ark (HK) Official Site

Start from 2006 ...

TayThink / Travel --- Venice & Glasses

近日暑假好多朋友去o左旅行, 有D仲去o左歐遊!!
朋友W去o左威尼斯, 話搵唔到我買俾佢o既玻璃吊咀手信!

其實, 計一計已經係6年前o既事了! 而威尼斯仍然係我最愛o既地方~

我以為佢早已經唔見o左! 原來佢話至今仍留著, 因覺得很美, 想再去買.
啊! 多感動啊!! :{ + :)

唔...有人咁珍惜自己送o既禮物, 其實我真係覺得好開心喎! (我都留著大部份朋友送o既禮物架!!)

各位朋友, 如果下次去威尼斯, 我recommend兩個島一定要去, 一個叫Murano, 有玻璃島之稱, 有好多大大細細o既玻璃店, 我就係係呢度細細間o既shop買o左我朋友所講o既玻璃吊咀! 另一個係Burano, 島上有好多買雷紗o既鋪頭, 人們還用人手製作雷紗, 示範俾遊客睇!!

兩個島都係"手工"出名, 鍾意"手工"製品o既朋友就唔好錯過啦! 搭水上巴士都可以去晒呢兩個島架啦!! :D

下次, 如果(係如果)我去威尼斯, 我會去埋佢地著名o既海灘, 麗都, Lido! 有幾著名!? 你可以留意o下世界各地不同買沙灘用品或衣著o既店鋪都會用佢個名, 其中澳門威尼斯人酒店商場內有一間店, 就用o左呢個名啦! 連Pixar電影WALL.E中太空船內泳池用o既毛巾也繡上"Lido Deck"!! 哈哈!! 你看多著名!!
有趣o既係自己一直都鍾意玻璃製品, 也特登去上玻璃製作班.

而且, 近排買o左一個玻璃吊咀(話係murano黎喎!)俾女友做生日禮物, 又睇到日本一個玻璃製品o既web!

突然好掛著好靚o既威尼斯同玻璃tim! 我幾時可以再親身感受你呀~~~~ >____<#

More info from Wiki:
1. Burano
2. Murano
3. 上面提及的日本網頁, Nangoo
4. 6年前o既威尼斯Travelogue, 可在這裡找到!

Start from 2006 ...

TayThink / Travel / Toto --- 2008 US + CA Trip Day 5

大峽谷! 我感受著你的浩大

***重點景點: Grand Canyon West Skywalk + Las Vegas Night Tour***

準時起床, 準時到達候車處, 一路食住早餐, 一路等旅遊巴同這位"有趣又狂燥導遊" (係! 我會用有趣o黎形容佢, 因為佢好似繹演緊一個唔屬於自己o既位置, 好唔協調, 見到佢俾佢激死但又覺得好過癮!)!!

View Album

Get your own

[Click "View Album"去睇細相(Thumbnail Mode)同相片註解]


無論如何, 我只希望佢今日冇咁燥, 我唔想一大清早隻耳仔就受罪~~
比原定時間遲o左15分鐘, 終於見到架巴士o黎啦!

上到架巴士, 見到"狂燥導遊"變o左"黑面狂燥導遊", 心知今日o既小小願望又要泡湯了~~ -_____-"

我想該是昨夜國內o既團友去夜遊再加睇show(如果香港團係咁o既安排, 一定俾人嘈爆!!), 再有些團友去玩兩手, 遲o左起床! 所以, 遲了15分鐘~ 我地港團冇乜唔好o既反應,
1. 大家認為去旅行遲少少可以接受
2. 雖然, 車程遠, 但集合時間真係早o左d~

我們上到車"黑面神"一直冇開咪講野, 不過, 只過了一陣, "黑面神"拿起咪, 我借定聾耳陳隻耳~

"黑面神"開始講: "我說過要準時o架啦! 依家你地遲o左, 我唔知你地入到大峽谷要等幾耐! 你地嘥緊自己時間唔係嘥我o既時間! 我可以話俾你地聽 [大家注意這時"黑面神"o既名句出現!! 他以不正但自覺有趣的普通話說]今天你們永遠在人後面{jīn tiān nǐ men yǒng yuǎn zài rén hòu miàn}!

"黑面神"係架車度不停講呢句名句冇10次都起碼有9次! 真係好煩呀~~~~ -______________-"

"黑面神"眼見3架旅遊巴係我地前面, "黑面神"又說"我預o左呀啦~~ 大峽谷上面今日一定兵荒馬亂, 我都唔知你地上到去會點呀, ...."

全團人都懶得理佢!!! Hey, Man! 我地o黎旅行啫~ 你洗唔洗訓示我地咁耐呀! 重要我地港客冇遲到o架喎!!

之後, 佢繼續用名句訓示我地唔知幾多次後及經過差不多3小時o既車程, 我地終於到達西峽谷(Grand Canyon West)山腳o既入口處, 呢度印第安人管轄o既地方, 我地所有人都要落車, 要轉搭佢地安排o既車輛去第一站 (Hualapai Ranch, 即搭直昇機, 買門票同gift shop o既地方)!

大家心情極興奮, 一來可能好多人都係第一次o黎大峽谷, 二來咁唔洗聽"黑面神"o既名句, 甩難luuu~~ 就算大家只係車站也忍不著東走西走咁去影相~~

係這個印第安人管轄o既地方"黑面神"也只可同我地一齊等, 突然, 我聽到兩位國內uncle級o既團友笑笑口同佢傾計, 我以為佢地講緊第一個景點o既野, 咁咪八掛走去聽o下law, 哈!哈哈!!! 原來係兩位uncle頂佢唔順, 要訓示番佢轉頭~~

搞笑o既Uncle笑笑口就話: "... 我地o黎呢度就係o黎嘥時間o架啦! 你好想做第一咩? 咁你聽日兩點鐘morning call 我地, 我地三點鐘就係lobby等你, 你話3點就3點, 2點就2點, 我地咁就實第一個o黎呢到啦! ..."

"黑面神"俾人寸到唔知點回應, 佢只有苦笑,我呢? 我就笑到攣晒腰~~ 佢見到我咁, 佢就仲更加尷尬~~ 我真係唔想笑到咁樣, 不過自己個腦同身體好自然咁反應晒出o黎~ (也可能係咁, 被"黑面神"鎖定我地為報復為目標!)

點解我之前話今次團o既國內同胞素質高, 也是因為這兩位uncle, 唔洗嚕嚕嘈, 笑笑口咁就寸爆o左"黑面神"!! 勁! :p + XD

去到第一個站, 有d團友(3分1)就準備去o左搭直昇機+坐快艇遊科羅拉多河(Colorado River), (簡稱海陸空, US$178), 我地就決定行skywalk(US$32)!

等"黑面神"拿Skywalk門票(手帶來的)給我們就會去下一站Eagle Point行skywalk. 其實"黑面神"可能見咁多人行skywalk, 冇乜人玩海陸空(即係油水少o左), 係車上已經不停咁踏skywalk, 話佢名不副實, 太短, 又唔好玩! 話玩海陸空就唔同啦! 又刺激又好玩! (好鬼死hardsell -_____-")

一來媽媽同二家姐都玩過海陸空(也覺得都好玩同刺激), 二來四個人玩就好鬼貴, 我又真的沒多太興趣了~ 因為佢地只係載你到谷底再快艇, 如果架直昇機可以係峽谷中穿梭我就會覺得值得去玩.

又坐另一架shuttle bus去Eagle Point. (跟著架shuttle會去, 另一個景點Guano Point, 再返去gift shop)

到了Eagle Point, 落車已經好興奮, 第一次係咁高o既懸崖影相, 我自己都唔敢行咁邊, 因為我肯定跌落去應該冇人同你執你d ... law, 但有d鬼妹就好大膽係條邊邊度行來行去.

好了終於可以行Skywalk, 我地要把所有行李同相機放低 , 行之前要穿上鞋套, 嚇你行花佢塊o既玻璃, 跟著我地後面o既意大利伯伯, 就不停鬧美國佬痴線, 景點都唔俾人拿相機影想 ... 伯伯你又冇錯o既, 不過, 你咁嚕嘈都冇用o架~

成條Skywalk建係4000尺的谷底上, 咁4000尺有幾高呢? 台灣o既101係1671尺! Skywalk就係佢o既兩倍半幾! 而澳門旅遊塔高1100尺, Skywalk差唔多係佢o既四倍!!!

兩條U形o既鐵從崖邊伸出來, U形鐵旁邊裝上約一尺o既白色膠(我認為)作為承托強化玻璃之用.

我諗係由於U形o既形狀同避免冷縮熱脹o既關係, 玻璃與玻璃之間隔著半吋的空隙, 有趣的是這個idea唔係當地原居民印第安人諗, 反而係一個名為David Jin o既華人發起, 華人真係厲害!!


踏上第一步也心驚驚~~ 畏高o既媽媽, 更全程拿著欄杆同靠著白色膠邊行, 風正面咁吹埋黎, 又見到玻璃隔o既空隙, 佢話都幾驚!


我企o左一陣就唔驚啦! 因為, 第一, 如果你跌落去一定死硬, 唔洗驚半生不死! 第二, 你正面咁從玻璃橋望到落谷底, 其實你好難知道你依家係幾高, 因為你所望到o既全部都係石頭, 大Do既石頭, 再大Do既石頭, 細Do既石頭, 或再細Do既石頭... 你好難感受到有幾高, 所以, 我覺得澳門旅遊塔俾我o既感覺仲驚d, 因為你係地面搭lift到頂層, 你已感受到它的高度一次, 你再企係玻璃上, 你又會見下面路上o既車來車往, 它們的細小反而令你更感到自己身處o既高度!!

我諗成條skywalk長幾十米, 快o既話兩, 三分鐘就行完! 不過, 佢地又唔會俾你咁單調行完就走, 係skywalk上會有3個影相點, "幫"你影相!

<--- 我就影o左呢張相!
^______^

可能有人會問點解唔叫skywalk point, 而叫做Eagle point呢?


原因係因為從這裡可以看見一個山崖, 山崖像呈現一隻展開翅膀o既鷹從空中飛下來, 想睇清楚d就可以去我個Album度 ...


之後, 咁我地就去第二站 Guano point, 大家可以爬上去拍影一個個細小o既石山幽, 食店供應西式buffet (Eagle Point 係供應中式套餐), 大家可以在懸崖邊用餐, 又真係幾好feel ...



回程到另一個景點Hoover Dam (胡佛水壩), 係成個trip最...熱o既地方!! 一個碗形o既地方, 經過一個烈日當空的中午, 氣溫該有40度以上!!!
@______@"


這樣熱o既天氣, 令伴我作戰多年的"老戰友"(我部DC)就在這裡陣亡了~~ 餘下個trip只能用傻瓜機, ... 好慘呀!!! :'(

<--- 這就是"老戰友"幫我留住的最後畫面! (回到酒店certify死亡的照片)



回程時我地去o左LVo既China Town逛一逛, 見到有豆漿賣, 就一人買o左一杯, 返回旅遊巴上~
"黑面神"終於找到機會作出小報復, 開車後, 當時二家姐坐係較前排, 可能佢個樣生得細個, "黑面神"走去佢度同佢講"我唔係第一日就同你地講, 除o左水你地唔好帶任何食物上車o既咩?" (我落o左車先知"黑面神"同二家姐講乜) 大家上車時已估到"黑面神"會搞搞震, 所以, 二家姐也只答佢一句"得啦!"

我可以講"黑面神", 你真係Axx Hole!! 我夠膽就同我講, 睇我會唔會剷你上天棚!!!!!!!

我地係反o左你o既"天規", 岩唔岩我地都係你o既客呀! 大家都係成年人, 杯豆漿係用蓋封好, 要用飲管飲個隻, 車程只係五分鐘, 整污穢你架車o既機會大家心理有數啦! 你男人老狗仲要去"烚"個睇落細個o既女仔黎嘈!! 你唔係Axx Hole!? 係乜!?

其實全團人都忍緊"黑面神"(包括領隊), 我真係未遇過咁o既導遊!!

連同團中最常笑臉迎人o既auntie都話"我跟團咁耐, 都未試過好次今次咁, 咁想鬧個導遊!"
我落車個陣都想陣番"黑面神"一句, 不過, 我最後收番, 我唔想教精佢, 等佢呢種生物自然死亡算, 唔值得嘥我d氣~~

我地定唔會俾你o黎D Axx Hole影響我地o既trip!

回到酒店結束同"黑面神"在LV之旅, 我地稍作休息就去LV夜遊, 新舊城各有特色, 舊城區有長長o既天幕show比旺角朗xx的大只少10倍! 新城o既酒店就以華麗見稱, 如威尼斯人中的威尼斯式裝修, Bellagio就有巨大o既音樂噴水池show, 再有用上2千美元一塊o既玻璃荷花砌成o既天花裝飾同數個月就換上全場"花"妝的四季花園 ...

大峽谷的浩大, 美國人的瘋狂, 打造出這個不可能且每一分鐘也用錢打造出來的城市 --- Las Vegas, 拉斯韋加斯!!




Start from 2006 ...

Toto / TayThink --- 尊敬的球王

自01年交鋒後, 森柏斯再次與費達拿在這個亞洲表演賽交戰! 雖說是表演賽, 但是也可說是"有今生冇來世"的大戰! 兩代球王最後一場在澳門舉行, 頭兩場也是費達拿勝出~
八月時已用盡方法, 上網訂飛, 但server halt機, 打長途又打不通 ... 千辛萬苦地訂下今次大戰的飛...
大戰的氣氛相當的好, 人山人海, 坐滿整個場館, 來至不同國籍的人士, 明星們(名字不說, 相中找吧! 我地o黎同走都係搭同一班船,一齊過關[隔離隊], :) )也到來欣賞這兩位球王, 世界球壇明星的球技..
森柏斯的球技仍是寶刀未老, 強項"ACE"球不絕, 球速驚人(嚇得坐在後面的vip位的女士驚惶失措), 費達拿的正手抽擊凌厲, 兩人互相拉拍 ... 觀眾們每球都大呼大叫, 掌聲不斷 ... 森柏斯大搞幽默, 抖一抖, 叫球童幫手同費達拿打~~ 哈哈~
森柏斯在今次亞洲表演賽最尾站以7:6, 6:4終嬴回費達拿... 大家也知這是俾面派對!
但也可說他們完美的亞洲之旅吧!
兩位能成為球王, 我覺得不但是他們全面的球技, 最重是他們的修養同風度~ 所以森柏斯到現在還有那麼多的支持者!
再次, 向兩位球王致敬!!
PS:
1. 相簿的首尾我也嘗試用兩張以燈光為主題的相片襯托這兩位天王, 哈哈!:p
2. 同場加映一場, 某贊助(ixx)單位高層求婚, 不過, 這位男士也要"識做"啦~ 不要"喧賓奪主", 最終換來"噓聲四起".... 唉 ..... -________-"



Start from 2006 ...

TayThink --- 很多"第一次"的二零零六

二零零六年, 今年獻出了我很多的"第一次", 也是非常忙碌的一年, 忙碌到有點像不能回氣的感覺, 特別是下半年的時候啊! 總覺得沒有足夠的時間給我所愛的人(包括家人, 朋友, ...)
當中經歷的極喜也經歷極悲, 也作出很多第一次的, 如
1. 獨自在外地流落一夜
2. 係人來人往的天橋上喊起來
3. 擔帶
4. 寫Blog寫到喊
5. 入戲院睇戲, 竟喊到不能自制 (戲名: Click, 命運自選台)
6. 遊海南島
7. 令女孩子哭
8. 遊澳門卻不入睹場(聲明: 我不好睹)
9. 到馬場參觀(真的參觀了幕後現場賽馬電視製作)
10.到馬場"參與"女皇盃($40 --> $720, 聲明: um ... 我不算好睹吧!)
11.係廿一樓Checkin
12.住行政套房
13.參觀香港圍村
14.去香港迪士尼主題公園 (幸會史迪仔超勁又好玩, 遲d先up相!!)
15.製作MV (很爛的, 但卻有同學及老師欣賞~)
16.突然幫同學仔手參加電影比賽: 動畫組
[Project Number: Animation-AN/0131]
(Will be shown in Hong Kong Arts Centre in April 2007)
17.無端端當了半天的副導演
18.到國內政府機構辦申請
19.排隊搵偶長簽名(唔係PopStar, 係怪獸公司司創作Mike o既動畫師)
20.寫故事 (anyone interested to read, :P)
21.設計遊戲
22.寫數千字的英文文章, 關於Globalization同 Mobile Learning
23.在彌敦道街頭攝影
24.跟Mark Amerika 製作數碼藝術
25.在朋友一(K)結婚上當副攝影師拍下花絮
(拍下的照片[拍得不好]卻給八掛雜誌盜用[冇問過我, 重給我很大的麻煩])

26.幫朋友二(W)繪畫卡通人像作結婚短片之用
27.幫朋友三做伴郎(最後重要飲到割, @_@)

28.幫朋友四(P)做Wedding ceremony 設計invitation card
29.參加朋友五(K)的在超級豪宅Club house搞 o既婚宴
30.到朋友六(S)在九龍新酒店的婚宴
31.跑全馬拉松 (不過跑唔晒! >_<)
32.遊長洲賞櫻花
33. 睇軟硬show
....
衷心感謝各位陪伴我渡過這一年~~ :D + :'(

"...一五一八年，住在安波瓦的達文西病重垂危，熬過這個艱難的冬天，四月二十三日他寫好了遺囑，... 他在遺囑中寫道：「一日充實，可以安睡；一生充實，可以無憾。」"
Quoted from Art.Network.com.tw

今年每天一躂在床上就立即睡著了, 但是應該是睡眠不足, :P
無論如何, 但願我也能做達文西所說的~一生充實，可以無憾~

Merry X'mas & Happy New Year!
Have a Great 2007 w/ your ~~~
Start from 2006 ...

Movie/TayThink --- 伊莎貝拉 Isabella

雖然都睇o左成個月(應該DVD都就有啦!), 不過都想同大家講o下呢部戲 --- 伊莎貝拉!

金熊獎最佳電影音樂、Isabella、阿澤和從電影海報看到的美麗攝影都是讓我想去看伊莎貝拉的原因。 正如金培達所說, 請觀眾注意電影中的音樂也同時注意沒有任何聲音的時刻。我會用"兩美一迷"來形容它, 其中一個美字當然是配樂同聲音運用的美。另一個美就是視覺的美, 真伊莎貝拉的白滑美腿在戲中表露無遺, 你們定么記得那幕伊躺在澤床上吧! 同一個場影澤躺在自已床上的大肚腩也是那樣滑滑的,不咁說澳門中年漢的肚腩可以那樣美嗎? 只少我那個就不能了! :D
風景場面不造作, 但也能突出澳門藉民地的特點, 爆樽的欄杆、古典歐洲式燈塔(東望洋燈塔)。「迷」--- 彭導由頭至中也今各觀眾意亂情迷, 可說故弄玄虛。令自已觀看整個故事發展中, 也不停自問"真的發生這個了嗎?真的發生那個了嗎?" 而導演選拍攝父女歡渡那夜的地點你們知道叫什麼嗎? 它的中文名「戀愛街」, 但萄名就含有迷戀的意思。你可見他要各觀眾意亂情迷的決心了吧!

如電影是要去滿足觀眾的視覺、聽覺同思覺。我想Isabella做到了, 而且做得不錯! 睇o左o既請給意見, 未睇快D去睇(買DVD)啦!

PS: 五月好戲連場: MI:III(03-05-2006)、 達文西密碼(18-05-2006)、 變種特攻：兩極爭霸 (25-05-2006)、 機動戰士Ｚ高達Ⅱ－戀人們 (11-05-2006)

Start from 2006 ...