愛看比賽中的「副產品」 [Sports / TayThink / Fun]

由細到大都好鍾意睇競技比賽，無論球類、田徑甚至水上嘅運動都同樣喜歡。唔單只因為睇比賽中可以見到唔同運動員嘅爭勝心、高超嘅技巧同扣人心弘嘅場面，另一方面有時都會好期待比賽中出現嘅唔同「驚喜」。

黃蘊瑤
img: sports.people.com.cn

要講近排爭勝心、扣人心弘同感人嘅場面，就一定會係喺啱啱完左嘅廣州亞運，我地香港嘅單車女將 – 黃蘊瑤！

佢喺比賽途中出左意外，與其他車手「炒埋一碟」，被多架單車輾過，肋骨畀撞至爆裂，眼見隊友刁小娟已經傷到唔可以再比賽，佢就忍痛負傷完成比賽，最後仲扲埋銀牌！ 香港各大傳媒大肆報導佢踏出「香港精神」，佢更被國內網民選為「亞洲英雄」！！




除左，有激烈嘅比賽，我又會好期待嗰啲唔同高超嘅技巧嘅出現，好似呢位打保齡嘅仁兄，佢嘅技術就真係好厲害！


我又會期待下唔同新星嘅出現，好似呢個得個 8歲嘅街頭舞高手，睇網上影片都覺得好睇，見到佢真係又愛又恨！抵佢咁「得戚」！


除左呢個街頭舞高手，仲有呢個「人仔細細」美式足球嘅 Smart player！


仲會有時會有意想不到嘅「笑科」同賽果，好似呢球12碼咁！
XD


而且，我地期待嘅「驚喜」大部分都未必喺選手度睇到，反而好多時會喺觀眾或者工作人員而睇到！

好似呢個喺棒球場幫手執波嘅女球員同埋呢個頑皮嘅幸運童子 (2006年)！





可能呢啲就係運動吸引人嘅「副產品」！令你失笑、流淚、嚇呆或者拍爛手掌！！

Keep Enjoying the game!
o^______^o


Start from 2006 ...