Fun / TayThink / Toto --- 小朋友, 快開學啦! 喪玩埋一天吧!

一心想著襯大,細表弟(花名:浩二)放暑假, 帶佢地去機場T2睇3D+特效版o既地心探險記(其實可能係自己想睇多D), 點知場場都爆晒!! >_____<#
咁諗著買Summer Fun Pass 啦! 呀!!! 佢話個motion ride 暫停!! 咁就好似唔係好值99蚊啦~ 哎 ... 乜都冇得玩咁! 嬲嬲地去食o左晏先算~

點知食食o下晏o既時候, 先知浩二原來好鍾意睇飛機, 又好鍾意睇個機場展覽館! 好啦! 咁參觀完個展覽館, 就帶佢去"展望台"(SkyDeck)度睇飛機, 我就影飛機! hehe... :P
見仲有時間帶埋佢去迪迪尼酒店 ... 散晒!!

我唔知佢今次最開心係乜, 可能係佢同我阿媽jam"打開蚊帳"o既兒歌! 我阿媽唱中文版, 浩二就唱英文版, 超搞笑 ... :D
或者佢睇我係T2內玩i-sporto既BOXING! 佢拍晒手掌 ... 可能因為我打得好"狼死"或佢睇得奧運太多...
又或者佢可以自由咁跑動! 無論係展望台或迪迪尼酒店草地度...

而我最開心就係實現到自己對兩位小朋友o既承諾, 一家人開開心心咁過o左一日family day 同影到我今年(暫時)最滿意o既相!!! 上面的四連拍! :D, 由浩二同MyV係迪迪尼酒店花園內迷宮中聯手製作 ...

View Album

Get your own

[Click "View Album"去睇細相(Thumbnail Mode)同相片註解]


Start from 2006 ...

Fun --- 八月十五, 賞"月"兼食"月"! 噢 ... 好"月"!

中秋節係中國人除o左新年之外, 可以話係最重要o既節日! 成日都講人月兩團圓, 往往都會一家人聚埋一切食飯,跟著帶埋生果, 月餅去賞月~~

香港人唔知點解仲鍾意玩煲蠟添! 分分鐘鐘燒埋自己個"八月十五"添!!
今年你去賞月, 可以賞天上o既月, 又可以同時手拿一個"月"兼食埋個"月"! 好難明?

因為, 今年中秋, G記創作crossover奇記餅店, 推出四款月餅有: 清一色, T-back, 自摸同爆棚!!

你又會攞著邊個"月"去賞月呢!? 跟著唔會唔讚一句 ... 好"月"!

<= Click O下張相放大啦~~

Start from 2006 ...

Fun / Movie --- 福娃也瘋狂!!!

奧運熱!? 定係北京天氣實在太熱!?

連可愛o既福娃也瘋狂!!!

超爆笑的!! XD

朋友Y的分享!
英文o既原標題: 2008 Beijing Olympic Mascots FUWA fight :)
[Original is Removed!!]
Now replace another one from Mexico, Same Content!! :P


Start from 2006 ...

Movie / Fun --- 自製WALL.E 紙模型

多謝! 釘聊牛o既分享!
大家可以自製WALL.E 紙模型!!

可以在這裡下載 JPG Ver.

你也可在這裡下載 PDF Ver.

<= 又係我係美國影o既WALL.E海報! :P

Start from 2006 ...

Fun / Travel --- 日本七夕祭

香港o既農曆七月係鬼月!

記得以前細個, 香港地成個七月o既街頭巷尾都會有人燒金銀衣紙! D長輩會警告我地哩D後生鬼門關大開, 唔好出咁多夜街! 電視台就播番D陳年鬼片, 電影院又上D新o既鬼片! D波地又會大搞神功戲!

搞到全香港都好似真係好鬼死恐怖咁~ :{


總之, 搞到你好似真係會就黎撞野咁, 真係唔係好想出咁多街~~

其實, 農曆七月也有一個頗浪漫的節日 --- 七夕節或七姐誕, 牛郎與織女相見o既一天! 不過, 由於鬼節o既氣氛太濃烈, 我往往就會唔記得這個節.

不過, 原來日本人會好重視七夕節, 佢地叫做七夕祭, 日本人跟西曆定了8月6日至8月8日為七夕祭!
全國不同地方也會擺放大型o既花燈, 據說仙台o既係日本東北四祭之一!!嘩! 勁呀!!

而東京o既阿佐谷七夕まつり已經是第55屆了, 佢地每年都會在700米o既shopping mall度擺放大型o既花燈! 今年當然有大熱o既PONYO啦!! 條"大根"都好搞笑! 仲有其他o既卡通人物, 好似小雙俠(唔係我哩D年紀o既, 應該唔識架啦!), 叮噹, 功夫熊貓, ...

上年就有史力加同五星級大鼠Ratatouile, 年年都好好氣氛! 人流自然多, 生意自然好啦!! 今年已經完o左lu, 如果下年去日本, 又撞啱時間, 可以去感受一下日本的七夕祭啊!! :D


更多資料及相片:
2008年 第55回 阿佐谷七夕まつり
2007年阿佐谷七夕まつり


Start from 2006 ...

Fun / Movie --- You Jump! um ... should i jump?

Just surfing the web and watch a funny dutch commercial! It might be a real situation in HK!
You Jump! um ... should i jump?

Enjoy it and let me know ur choice! :P + :D

Funny Dutch Commercial - The most amazing home videos are here

Start from 2006 ...

Info / News / Security --- 用CNN的名義釣你

um ... 先講聲"唔好意思"先! 個title好似有少少似廣東話粗口, hehe~ :P

不過, 我係想大家留意o下近排有好多人收到D冒CNN o既email, 呢D email通常叫做phishing Email同fishing, 釣魚o既意思一樣! 所謂願者想釣!!

佢地扮到好似好offical咁send 出o黎, 如果你收到又被佢o既內容吸引到, click o下click o下, click到懵懵地o既時候, 就可能俾o左自己o既資料佢地呢班phisher都唔知啦!!

今次CNN也按捺不住!! 要係自己o既blog度澄清!!!

所以, 大家小心!小心!!



More Info
CNN: http://behindthescenes.blogs.cnn.com/2008/08/08/fraudulent-spam-about-cnncom/
ISC2: http://blog.isc2.org/isc2_blog/2008/08/cnn-phishers-tr.html


Start from 2006 ...

TayThink / Travel --- Venice & Glasses

近日暑假好多朋友去o左旅行, 有D仲去o左歐遊!!
朋友W去o左威尼斯, 話搵唔到我買俾佢o既玻璃吊咀手信!

其實, 計一計已經係6年前o既事了! 而威尼斯仍然係我最愛o既地方~

我以為佢早已經唔見o左! 原來佢話至今仍留著, 因覺得很美, 想再去買.
啊! 多感動啊!! :{ + :)

唔...有人咁珍惜自己送o既禮物, 其實我真係覺得好開心喎! (我都留著大部份朋友送o既禮物架!!)

各位朋友, 如果下次去威尼斯, 我recommend兩個島一定要去, 一個叫Murano, 有玻璃島之稱, 有好多大大細細o既玻璃店, 我就係係呢度細細間o既shop買o左我朋友所講o既玻璃吊咀! 另一個係Burano, 島上有好多買雷紗o既鋪頭, 人們還用人手製作雷紗, 示範俾遊客睇!!

兩個島都係"手工"出名, 鍾意"手工"製品o既朋友就唔好錯過啦! 搭水上巴士都可以去晒呢兩個島架啦!! :D

下次, 如果(係如果)我去威尼斯, 我會去埋佢地著名o既海灘, 麗都, Lido! 有幾著名!? 你可以留意o下世界各地不同買沙灘用品或衣著o既店鋪都會用佢個名, 其中澳門威尼斯人酒店商場內有一間店, 就用o左呢個名啦! 連Pixar電影WALL.E中太空船內泳池用o既毛巾也繡上"Lido Deck"!! 哈哈!! 你看多著名!!
有趣o既係自己一直都鍾意玻璃製品, 也特登去上玻璃製作班.

而且, 近排買o左一個玻璃吊咀(話係murano黎喎!)俾女友做生日禮物, 又睇到日本一個玻璃製品o既web!

突然好掛著好靚o既威尼斯同玻璃tim! 我幾時可以再親身感受你呀~~~~ >____<#

More info from Wiki:
1. Burano
2. Murano
3. 上面提及的日本網頁, Nangoo
4. 6年前o既威尼斯Travelogue, 可在這裡找到!

Start from 2006 ...

TayThink / Movie --- WALL.E與三更之回家

今日終於睇o左 WALL.E, 作為Pixar既Fans, 一定要睇啦!

人地美國六月就上o左畫啦!! 香港要遲成半個月!! 心急死人咩!! 不過, 到香港七月上畫, 自己又冇時間去睇 ... 唉! >____<" 激死!

(圖片來源: Tay's 2008 US + CA Trip Day 1)

Pixar o既成功一直都係除左畫功了得, 最重要係故事仲得! 佢地通常會用至少兩三年寫一個故事! :O

作為動畫片, 我覺得有一個元素一定要有, 哩個就係"有趣"! 除o左所有Character, 如WALL.E, Eve, Mo仔, 船長, … 都好有趣外, 故事同細節亦好有趣…, 我覺得佢已經可以攞o左80分以上!!

而今次故事比之前更加複雜! 機械人感人既愛情故事+環保意識再加上要冇乜對白咁講故仔, 絕對高難度!!

可知迪士尼一半既目標觀眾都係小朋友, 既要教導小朋友環保, 不要懶惰, 不假手於人及勇敢突破掌握命運o既信息, 又要做一齣機械人而感動到成年人既愛情故事, 要平衡多方面絕不簡單, 可見導演安德魯史丹頓(Andrew Stanton)既功力多深厚!!

教育意義信息明確不討論了, 反而想談談愛情這Part, 記得多年前朋友J說很喜愛一齣港產恐怖片三更中o既"回家"篇!

當時, 我真係唔明為何佢會喜歡上這齣心寒o既電影, 我睇o既時候, 自己就只有毛骨悚然, 這四個字!! :{

但當銀幕上播出Eve回看WALL.E在自己"沉睡"時, 為自己做出種種無微不至既事, 跟著Eve又不顧一切為救奄奄一息既WALL.E, 再面對失o左憶既WALL.E時, 我腦海即刻浮現出三更之"回家"中的橋段, 同時也終於知道為何朋友J喜歡上它了! 因為它們的愛就是這樣只付出不求回報的簡單純真的愛!眼淚也湧上在眼袋中, 不過, 今次冇流出o黎! Hehe... :)

我唔會俾WALL.E 100分, 因為我略嫌佢太貪心, 想一次過講o既野實在太多了, 有D位去唔到好盡(所以, 我喊唔到!!), 收得又太快, um ... 我只會俾92分啦!! 有d人可能覺得冇咁高, 但唔俾90分以上點叫做fans喎~~ 哈哈!! :P

努力啦! 各Pixar同仁!! :D

PS:
1. 朋友J喜歡三更之"回家"中描寫丈夫(由黎明釋演)與妻子(由原麗淇釋演)大家彼此o既承諾, 坦率和完全信任對方o既深厚愛情! 簡單卻係世間難得!!
2. 大家有冇遲入場呢? 如果有, 你就可能睇唔到pixar今次o既"測試"短片: Presto, 點解我會話係"測試"呢!? 你想知就留言啦! :p
幸好朋友"文-丁"在我未睇WALL.E前, 俾o左條link我! 我唔係遲到! 而係, 俾d遲到o既人阻著我欣賞!! =_______="


Start from 2006 ...

Sports / TayThink / Toto --- 在港感受奧運! 現場觀賞香港奧馬盛裝舞步賽!!

我唔係乜野紳士, 騎馬算騎過一次, 現場睇賽馬睇過兩次. 雖然, 馬係我其中一種鍾意o既動物, 但係, 奧運馬術比賽盛裝舞步賽 (Equestrian Dressage) 與我真係可以話大纜都扯唔埋!!

不過, 今次阿媽又好叻兼好彩咁買到馬術盛裝舞步賽o既飛喎!!
咁我地就一齊去親身參與奧運, 睇盛裝舞步賽!!


我地今次睇晚間o既賽事, 原本係7:15開始比賽. 雖說要兩個鐘頭前安檢, 但我地真係一早就去到大學站! 有幾早!? 4:30!! shuttle都未有!! 因為阿媽同家姐係屬於好心急o既人, 話寧願早D入去, 影o下相同行o下shop, 都廢事咁遲喎~
-__________-"

未有shuttle, 就唯有等啦! 其實, 大學火車站已經人頭湧湧, 我地等等o下, 表弟就俾兩位記者姐姐訪問. 怕醜仔第一次俾人訪問, 佢"唔知點咁", 好!! 哈哈!!!

早好有早去o既好, 我地搭到第一班shuttle, 係九巴o既"HK1"號入場羅! hehehe~~

Shuttle落車o既地方, 要步行大該2分鐘就到安檢站. 冇美國機場安檢("死亡四個死")咁煩, 都頗輕鬆啊! :)

不過, 任何飲品包括水都一樣唔可以帶入場, 同機場既安檢一樣, 袋要過X-光機, 人就過金屬探測機, 好快就過o左安檢!

場內有水機, 所以可以帶空既膠樽入去裝水, 但裡面買水每支都係5蚊, 汽水都係7蚊咋, OK喎!

入到去, 搵歡歡影相, 排隊入souvenir shop, 不過, 要排半個鐘!! >____<" 好鬼死熱呀!

入到去souvenir shop, 就梗係買"歡歡騎著馬既奧馬吉祥公仔"啦! :)

係場度影下相, 親身睇到奧運既雄雄聖火!

跟著就開始睇馬術, 我地開頭真係晤知做緊乜, 不過好在有帶收音機, 我地一路聽下聽下就識得睇啦喎!
識得蛇行, 斜步, 最高難度o既空中換步, 點分"做得靚"或"做唔得靚",點樣計分~

其實計分方法好簡單, 有三位評判, 坐係唔同o既位置, 每個參加團體 (即人同馬)做完每一個動作後, 評判會俾一個細分由1-10, 10分係最高, 跟著完晒成套動作後, 評判團會計算罰分, 即係要扣o既分數! 扣得最少o既就第一.

唔知咩原因好多馬都有緊張o既反應, 有D參賽者話係場內o既音效同個好大o既大銀幕影響到馬匹o既情緒, 我地就懷疑關中式屋簷型設計o既評判席事, 原因係有咩馬會見過呢D設計!?

其中, 我國首位馬術代表年僅19歲既華天在開賽不久, 佢同隻馬, "步雲天地一號"去到近評判席附近既位置, 馬匹就出現"驚閃", 但哩個後生仔真係好老綀, 立刻好快咁按撫自己同伴既情緒, 做晒全套動作! 難怪年紀細細o既佢係世界排名第31!! 勁呀! :O

而華天也悉心為"步雲天地一號"打扮, 係佢o既後莊印上五星國旗!! 又形又靚!! 愛爾蘭選手就印o左奧運5環係隻馬度, 不過, 都係"步雲天地一號" "出"D! :D

佢最後既分數不高, 但如果不是這下的"驚閃", 我想他該係當晚o既頭3位!

另外, 一個只有20歲既巴西代表就重危險, 成隻馬驚到"人立"!! 即係好似人咁兩隻腳企係度!! 差D連拋o左巴西代表落地!! 好在好驚冇險~~~

當佢同隻馬免強完成晒所有動作向評判敬禮時, 觀眾就以掌聲鼓勵佢, 隻馬又即刻又"驚閃" ... 唉...哎...又嚇親佢tim~

睇晒成晚賽事, 都ok呀! 唔太悶喎! 人生總算叫做參與過奧運呀!! hehehe~~
又學到點睇盛裝舞步賽, 知道馬術o既難度, 人同動物o既合作能如此華麗同優美! 更知道世界上原來係冇白馬呀!!! :O
(想知答安案就comment呢個blog啦!, hehehe~~)

而華天也成了我o既小偶像了!! 加油呀!!! 下次, 替我們摘下馬術第一金吧!!
o^________^o

Equestrian Official Site: Click Here



Start from 2006 ...

TayThink / Sports/ Fun --- 2008 Summer Boat Trip

好耐好耐都未試過遊船河咁盡情! 咁開心!! XD

可能大家都好耐未試過咁好天氣 (有陽光, 又有D雲, 又有D風), 一大清早西貢已經人山人海, 我地係彩虹等去西貢o既小巴都要等成十幾廿分鐘~~

我地一行18人, 拿著大大細細o既水泡登船!

播著朋友Charles特別為我選o既Bossa Nova音樂出海去了, 真係好鬼好feel~~

今次遊船河o既船家, 其實係幾年前我跟過佢地去chuk墨魚, 個時仔仔好cute, 好得意~~

佢地一家人好好喎, 每人係船上有自己不同o既角色, 爸爸係船長, 媽媽係大廚, 仔仔, 豪仔依家大個o左, 佢就厲害啦! 又係PR又係wakeboard教練!


船家話今次o既目的地係"大蛇灣", 果度的水靜D, 深D, 玩wakeboard或泊船都好D~~

一路開船一路已急不及待搽"黑鬼油", 一路走上船頂, 享受久違了的陽光~~
聽著Bossa Nova, 這個拉打音樂(其實係Samba Jazz), 特別像置身巴西o既里約熱內盧, 心情大 ... 大 ... 好!!

船上不同o既朋友仔又好nice, 有D帶o左唔同o既生果上船消暑, "小花"準媽媽係pancake's queen帶o左pancake上船, Man-D係cup-cake's queen 就帶o左Chocolate Chip Cup-cake~~

全部都好好味!! :P

大家在船上有講有笑, PR豪仔就拿著副啤派捉人同佢玩~~ :O

這個陽光男孩真不得了, 冧盡全船o既女仔, 我地男生也自愧不如 ... :{

我地先玩兩轉香蕉船, 考驗o下大家o既平衡力, 跟著就上船食個午餐, 心想都係"到會", 求其醫飽個肚就算啦!

啊! 點知遊艇上o既朋友已經"開動"o左! 眼見大家用著硬o既塑膠碗(不是到會用的發泡膠碗)盛著一碗碗滿滿的食物, 食度好似好滋味咁樣喎! 一看原來大廚係我地去玩香蕉船o既時間, 已經

準備o左"花蟹粥", 炒烏冬, 瑞士汁雞翼, ... 超有家庭feel同超好味啊!!!

"小花"準媽媽就不停食這個"花蟹粥", 不停讚好味!! 哈哈! :D

食飽後我地落水做一陣"浮游生物", 就去wake啦!!


<= 這就是"浮游生物"


我地先拜o左豪仔做師父先, 因為我地大部份人都未玩過或玩過一, 兩次!

佢落水示範, 快艇開動, 扯起條繩同個handle, 豪仔就輕輕鬆鬆咁企o左係水上面, 佢第一個動作大家估o下係乜!?

佢第一個動作係彎腰係水面度攞水黎洗面同梳頭!!!!!

我地成班就即刻俾佢"寸爆"o左o羅啦! -_________-"

不過, 大家同時都忍唔著叫囂, 為佢歡呼!!!
一輪花式, 踎低, 轉手, 單手, out-wake, 跳浪~ 嘩!! 我地拍爛手掌!!! XD

豪仔好有心機教我地每一個, 佢最後教到口水都乾埋, 話係用感覺!!!

經過佢o既教導, 我今次終於wake到幾次10零秒, 哈哈哈!! 好開心呀!! :D
不過, 冇帶相機影唔到裝型仔相!! Sigh!! >___<

其他又真係好靠感覺架喎, 你同塊板加水面o既感覺, 唔可以同佢鬥力, 但又唔可以完全俾放鬆, 腰要直, 你要知道你自己係滑水, 塊板永遠係水面, 我好多時心急塊板仲係水中就企起身!!!

朋友Man-D仲勁! 第一次玩就wake到幾十秒個隻, 勁呀!!! :D

玩完wakeboard, 再做一輪"浮游生物"就回航!!

朋友Bill近來成了Bollywood (寶萊塢)迷, 帶o左有印度劉華之稱o既 Shah Rukh Khan o既音樂, 大廚原來係印尼華僑, 又係印度劉華fans, 他們就談得興高彩烈!! Bill今次o既boat trip就遇到兩個志同道合, 一個係大廚, 另一個就係朋友Fanny!! 賺晒啦!! 哈哈!! :P

一邊駛番去碼頭, 大夥兒在船頭沖涼, 男女共浴! 好正喎!! 其實, 因為只得一個花洒, hehe~~

上岸食個滿記糖水, 吹多一輪水! wow!! 真係完滿地散啊!!

其實, 今次我地o既boat trip除o左好warm又好玩之外, 其實都好驚險!!

驚險場面1:
當我地wake緊o既時候, 有隻喪鬼"懶"型咁, 以高速開著架outport好快咁駛過, 應該係"片"過, 先"片"過係我地前面約廿米o既另一架快艇! 我地倆架快艇都岩岩停o左係度!

我地架快艇剛好同前面架快艇成o左一直線, 我地正正就入o左隻喪鬼o既盲眼位, 當佢避過前面o既快艇時, 我地同隻喪鬼已經只係剩番10多米!!!! 可知海上與路上不同, 唔係會刹停就可以剎停到!

船長已準備嘗試開引擎, 希望駛開D減少撞擊, 我就準備跳海~ (船家話最多只有3秒鐘就會撞埋o黎!!) 好彩隻喪鬼瞄到我地, 佢扭盡軚, 打o左一個"S"形, 避埋我地!!
我地全船人即刻舉起中指指向著隻喪鬼!!! 好彩! 有驚冇險!!!


驚險場面2:
回航時, 我地正開開心心咁係船頭沖緊涼, 有一架大遊艇經過, 番起一個巨浪!!
我地架船被拋起, 好似玩緊海盜船咁!!! 大家立即踎低攬實欄杆, 如果唔係就被拋晒落海~~
你對比o下左邊個兩幅相就知, 攝影師(應該係bill)由企高到應該訓低, 看上船頂o既白色扶手位置就知, 好彩! 有驚冇險!!!

今次, 遊船河好正, 好好玩! o^_____^o
不過, 依家全身都甩緊皮~~ -_______-"

Start from 2006 ...

TayThink / Travel / Toto --- 2008 US + CA Trip Day 11

香港

[Click "View Album", 只有三幅芝加哥機場照

我們從Toronto到Chicago後, 由於Chicago去L.A.o既內陸機又delay左, 我地catch-up唔到L.A.去香港班機, 滯留o左係芝加哥, 好在芝加哥有direct flight去香港, 班機又有位, 如果唔係就唔知點算啦!

我地番到香港, 我地d行李仲未返到, 我地唯有輕輕鬆鬆咁攞著hand carry番屋企~~ :D

今次旅程, 遇上很多不同o既事情, 有開心也有些不快o既事, 如死亡四個S, 美國旅遊巴士阿叔, 行skywalk, 搭Maid of the Mist...

但也可以說是一個難忘和充實o既旅程~~

世界好多野都係對比的~ 時間絕對是其中一樣吧!
對大部打工o既香港人來說這是一個頗長的假期, 但對常去美加探親的港人來說又可能太短了~~

與爺爺相聚o既時間可能短暫, 但更顯得珍貴, 很有千里送鵝毛之意啊~

回到香港, 繼續努力生活, 繼續珍惜每刻, 每人, 每事, 每物~
我想這是能給他倆最好的禮物吧!

希望我可以做到如德國詩人 --- 歌德所說:
"每個人, 每天, 至少要聽一短歌, 讀一好詩, 看一好畫. 如果可能的話, 再多講幾句有意思的話."
每天不閒過, 做多點充實的事~~~

o^________^o


Start from 2006 ...