TayThink --- 2010年的展望。。。

以前年年既除夕都會回顧自己果年做過D乜, 今年要回顧既野太多啦！所以，只講一句展望: 不做發夢和談夢的男人，做個實現夢既男人！！

Start from 2006 ...

TayThink / Travel / Toto --- 東京蜜月の旅 | Day 2 --- Part 2

告別左爆笑既保安叔叔後，我地終於可以入黎迪士尼海洋啦!

估唔到日本人會同香港人一樣 --- "一開閘就跑入去迪士尼"!!

我地冇跑只係急步行! 因為被迪士尼海洋裡面既景吸引著而放慢步伐, 而且, 仲背著部相機同腳架, 想跑都跑唔郁. 適逢今期以Halloween做主題, 佢地就用上威尼斯既面具節來做裝飾同佈置! 真係好 ... 好 ...靚!! 加上全部建築物都好有中世紀feel, 真係Perfect Match!!


呢個樂園其實有七大主題既海港(我地最後都係行左4個!), 而我地既第一個目標就係神秘島! 因為，想玩地心探險記 (Journey to the Center of the Earth)同海底兩萬里(20,000 Leagues Under the Sea)!

可能因為我地黎既時間仲早, 冇人排海底兩萬里(坐潛水艇去深海探險), 我地當然玩左先啦~ 但係呢個遊戲太多日文既講解完全唔知佢嗡乜, distract左我地睇野, 所以唔覺得好好玩.

跟著, 我地去玩地心探險記, 未玩過唔知好唔好玩，淨係知呢個排隊既人就多好多！！
一路排隊入去, 旁邊都佈滿左好多好靚好精緻既裝飾, 我又發左癲咁係咁影相, 應該好多日本人以為我真係癲!! XD

唔理咁多! 一面行一面影, 突然發現排我地前面有兩個好斯文既日本女仔, 我地排左10幾20分鐘,佢地全程都冇傾過計! 到坐上左架探險車,我地同呢兩個日本妹妹坐喺同一架車度 (6個人一架, 佢地坐我地前面)...

遊戲開始! 佢地依然保持著呢份矝持!
o____O" [呆樣出現次數: 1]

無論架車轉圈定係擺尾, 路邊出現D乜, 佢地都係好高貴咁雙手只係搭著扶手!!!
o____O" [呆樣出現次數: 2]

突然間, 其中一個日本女仔拍下佢個friend既膊頭，跟著自己迅速舉高雙手,佢朋友又跟著舉手!!!!

呢個咁突然既舉動即刻Trigger到我! 雖然, 我唔知發生乜野事，但本能地發揮港人既本色---死跟！！XD
我即刻拍MyV既膊頭，叫佢舉高雙手同時自己又舉高，半秒都未過，架探險車原來己經到左呢個遊戲唯一睇到天空既部份(之前全部都係室內, 梗係啦! 人家叫地心探險記喎!)亦係呢個遊戲既最高點（大該３層樓高吧！），由呢度直衝落地面，大家尖叫一聲．．．己經到左地面。

定神一睇, 前面果兩位斯文既日本妹妹己經整理好剛才凌亂既頭髮，速度果真驚人，更厲害係佢地又係好斯文加好有儀態咁拎著個小包落車慢慢咁行左去~~　
o____O" [呆樣出現次數: 3]

冇野好講! 只有一個字: 勁！！！！

見識完呢兩位俾佢嚇襯幾次既日本妹妹後,我地繼續行程啦！
又玩多一個遊戲, 4D電影暴風騎士(Storm Rider), 不過, 佢就唔及美國既Soarin' Over California好玩啦~ (SOC真係好好玩, 自己真係好似飛緊一樣!! 有機會下次都一定會再玩!!!)


下一個節目就係排隊買海洋既小食名物---唐老鴨水泡型蝦肉包！！
呢條隊應該係全海洋小食要排最長既隊！@.@＂
你一路排都唔會悶因為有成班真既"唐老鴨"(真既水鴨)陪著你，因為佢地成班等緊你同佢＂分享＂呢個美味既蝦肉包！！果然係唐老鴨呀！咁鬼精！

品嚐完呢個要成400円既名物後, 可能食開左個胃, 我地去左喺日本大熱大賣既Duffy熊商店 --- Aunt Peg's Village Store旁既餐廳食我地既午餐! :D

我地見到第一個獵物(發出指令員: C) --- Duffy熊Halloween別注版既杯同碟!! :O

我地雙眼立即好似發左光咁行埋去Cashier度, 自自然然咁攞個銀包出黎! 點知再見到超靚Donald Duck Special Set既Meal Box! 即刻一手交錢一手拎貨, 完全奉獻~~

佢地名義上都係跟隨食物附送, 不過, 正確D就應該係附送食物!! XD

因為佢地既設計真係好有心思! 最慘係你會完全覺得值! 完全願意俾$$買!! XD

跟著我地就要去睇風景同表演~ 其實, 我認為去迪士尼最抵既唔係玩晒佢地既機動遊戲, 而係睇晒佢地D Show!!!

佢地既製作認真同高水準, 但係最緊要佢地既氣氛好好! 我可以話東京迪迪尼既氣氛係全球最好o既(除左佛羅里達州, 因為冇去過, 上海果個未起, unknown! :p)!! 唔係因為佢搞Show搞得特別超水準, 而係入得迪迪尼既日本人都係好瘋狂! 好投入!!! (除左之前果兩位日本妹妹!!)

香港果個應該贏到巴黎果個, 美國加州果個就當然贏香港呢, 但都真係唔及東京!!!
從我既觀察巴黎有10%人睇show時會有手舞足動, 香港30-40%(你已經好彩啦!!) 加州就應該有50-60%!!

而東京 ... 我地睇第一個show --- Big Band Beat (動感大樂團), 就真係氣氛超正!! 全場跟著個beat一齊拍手掌!! 全場掌聲雷動!!!

不過, 香港有度好, 就係可以邊睇show邊影相! 喺呢度就係嚴禁!!! 激死!!! >____<
但係因為我地遲入場唔知, 所以影左呢一張! :p

勁歌熱舞一輪後, 我地繼續周圍去睇景, 去左攞驚魂古塔 (Tower of Terror)既FastPass, 雖然啱啱過左中午, 但原來已經要排到晚上１０點幾, 差唔多最後一場!! o____O" [呆樣出現次數: 4] 唔理, 照拎著先, 睇理今晚個show先玩!

跟著, 我地去左地中海港灣(其中一個主題海港)去睇呢度既Top 2 既show, 密西哥傳奇(The Legend of Mythica)!! 個Show有海上既大型花艇, 快艇, 舞蹈同煙火! 真係又幾好睇架喎! 而呢度有間酒店叫做Mira Costa Hotel, 佢正正坐落喺地中海港灣前亦係成個樂園既正中間地點. 如果你住喺呢度, 早晚show可以喺間房度睇晒!! 正爆!!!! 朋友M Highly Recommend, 我地都想book, 不過, book 唔到!! 因為, 原來呢度好少房向著個港灣(陽臺客房), 應該一百間都唔夠, 我諗可能要一年前訂先有機會訂到!! >____<

訂唔到房既我地, 當然要喺樂園度睇啦! 頭先話日本人既投入同瘋狂係由大人細路都一樣! 我地見到有幾個叔叔, 一人抬著一部十幾磅重既大机黎拍呢個show! 因為係日頭而且又曬到死, 人又多, 我冇拎支腳架出黎, 我以為佢地冇帶腳架, 當然呢一刻我覺得自己好醒!! (不過, 之後就知道癩野 ... =.=)

我對呢班阿叔好有興趣, 第一, 成個show要成25分鐘, 咁重既机佢地唔用腳架點拎呢!? 唔會手震架咩!?
o____O" [呆樣出現次數: 5]

第二個問題, 佢地點解可以咁癲架!!! 呢個問題, 我怕羞, 哈哈! 同唔識日文冇問佢地~

而第一個問題, 佢地搞左一輪, 終於俾左答案我地!!! 三個阿叔每個人攞左一卷白色既野出黎, 睇真D, 好似布既野, 再睇真D, 原來係繃帶!!!! o____O" [呆樣出現次數: 6]


佢地一齊將隻抬著部機既手同部機紮埋一齊!!! o____O" [呆樣出現次數: 7]

果然, 厲害!!!!

佢地就係咁錄低晒全個show!!
經過咁驚嚇既一個場面, 密西哥傳奇正式開始 ...

雖然, 唔夠UV既Water World好睇, 不過, 係迪迪尼少有極富動感既水上show!!

睇完呢個密西哥傳, 我地做左一個應該唔會好多人做既事 --- 出走迪迪尼海洋!!

我地唔係返酒店休息, 而係去左離迪迪尼最近既OUTLET --- 海濱幕張車站旁既MITSUI OUTLET PARK 幕張(舊稱:GARDEN WALK OUTLET PARK)!
因為我地今次既旅程唔會有時間特登去行outlet, 不過, 有D品牌喺outlet買可以係香港既3折價錢!! 唔去又唔捨得, 咁最後就去左呢個只需要車程15分鐘既outlet~

雖然, 唔多野買到, 但係我地當然冇空手回!! 戰利品 --- 兩個法國AB牌既袋, 哈哈!!! :D

臨返迪迪尼前, 我地覺得凍凍地, 又唔想返入迪迪尼同人逼食晚餐, 於是就決定喺呢個火車站細細既Food Court度食埋晚飯! 叫左一個湯烏冬同一個北海道黑咖哩吉列豬扒飯, 個烏冬就一般, 但係個黑咖哩就出奇既得!!!

件豬扒見廚師姐姐即炸, 豬扒裡面鬆軟juicy, 外面就好脆!!!
D咖哩就好香、好濃郁~~ 讚呀!!
仲要只係980円既價錢直係冇野可以彈!! o^_______^o

食飽飽後, 我地見到一間麵包店, D麵包又好似好得咁, 我地又買左幾個做早餐, 因為咁樣聽日我地可以瞓晏D又可以早D入場玩~

我地帶著幾大袋樂園同OUTLET既戰利品, 再加埋背左成日既腳架同相機, 雖然, 超倦但係就好心急同好期望呢個迪迪尼海洋既Top One show --- BraviSEAmo!! 一個水上既激光show!!! 個腳架終於可以"養兵千日, 用在一時啦!!!" 哈哈哈哈!!!

我地早半粒鐘返埋, 但係已經坐滿晒人等開show!! 好唔容易我地揀左一個有利位置!! 今次冇死啦!! 拎支腳架出黎set緊既時候, 突然有職員飛奔過黎同我地講：「 だめ！ だめ！」("Da Me! Da Me!", 唔得！唔得！ )
o____O" [呆樣出現次數: 8]

吓!!! 冇野呀!!! 影夜景唔俾人set腳架點影呀!! 好! 我地以為佢地唔俾人喺呢個有利位置度set, 咁我地去左一個前面有成半個人高既圍牆度set, 而且set到支腳架同幅圍牆一樣高啦!! 點知又有人飛奔埋黎, 又講：「 だめ！ だめ！」 o____O" [呆樣出現次數: 9]

吓!! 背左支腳架原來只係白拎!!!! @_____@"

場show已經差唔多開始啦~ 已經, 唔可以再搵第二個地方, 咁唯有盡人事利用呢個圍牆, 放部機喺上面影啦~ 激氣呀!!! >______<"


場show係好華麗同震撼, 不過, 俾人"窒著, 窒著" 真係唔係太開心~ :(

睇完個show, 我地諗著應該只係show time 既時候唔俾人影相啫! 咁我地又想set腳架影普通既景, 點知又有人撲出黎又話：「 だめ！...」 我未等佢講晒成句, 我已經自己收番隻腳架 ...

唉...真係掃興!!! 不過, 我地扲著咁多戰利品, 再加上體力已經嚴重消耗, 我地決定返酒店, 唔玩攞左Fast Pass既驚魂古塔, 聽日又要作戰 --- Tokyo Disneyland!!!!


[View More Pic & Slideshow of Day 2 Here]
[Facebook朋支, 請click Here | "查看原文" 睇其他相同slideshow啦!]


Day 2 完!

Start from 2006 ...

TayThink --- 聖誕節不知為何想去聽音樂, 更想聽些較傷感的~

上年既聖誕節去左朋友既美妙既手鈐音樂會, 今年冇去度 ... :{

今年又到聖誕節, 唔之點解又想去聽音樂, 更想聽D較傷感既~

呢排仲鐘意聽呢兩首, 香港交響樂團既小提琴手張希演繹既詩歌 --- 神的應許同細時睇日劇, 聽(睇)到會喊既"101次求婚" (你地記唔記得邊套呀? 矢吹薫小姐同星野先生呢?)裡面既主角矢吹薫小姐演奏既蕭邦 離別曲 (Chopin Etude Op 10 No.3), 我就聽朗朗演繹既版本.

[小提琴手張希演繹 --- 神的應許 | Video Here]


[朗朗演繹 --- 蕭邦 離別曲 (Chopin Etude Op 10 No.3) | Video Here]


[Facebook朋支, 如果睇唔到請 click Here or "View Original Post" | "查看原文", 也可在我個blog上俾comment]

每次聽完呢兩首歌都有眼淚湧湧出黎既感覺, 係兩首好悲傷既音樂, 我諗呢D就係叫做聖靈既感動, 要我去記念耶穌基督~

聖誕節當然要開開心心啦? 但係係咪淨係開心就夠呢!?

喺黎度我想同大家分享多一首既詩歌, 呢首係喺近日教會既浸禮上聽到既 --- 誰是主角

[誰是主角 | Video Here]



今日係平安夜, 我想喺度想同大家講句聖誕快樂!

希望神永遠給大家真正既快樂同平安!
o^______^o

Start from 2006 ...

News / Fun / Gadget Stuff --- G記新OS既有趣官方廣告

自己都幾鐘意睇G記既廣告, 因為都好有創意~

縱然, 佢地今次個廣告賣佢地既Broswer多過個OS (因為,佢地地都係靠網上廣告糊口的!! XD 而個OS最大既賣點係開機快! 到LOGIN畫面既時間只需7秒!!! o____O"), 但係呢個用上精密、有趣同用心的拍攝技巧, 真的不得不讚!!

O^______^O

[Video Here]


[Facebook朋支, 如果睇唔到請 click Here or "View Original Post" | "查看原文", 也可在我個blog上俾comment]

More Info about Chrome OS
Start from 2006 ...

TayThink / Travel / Toto --- 東京蜜月の旅 | Day 2 --- Part 1

係朦朦朧朧既睡夢中, 從耳邊聽到迪士尼的音樂, 仲以為發緊夢添~ 不過，一看鐘，原來已經係7點半, 又到起身既時候啦!

是日作戰地點係東京迪士尼海洋 Disney Sea!!

其實，本來今日會幾得意! 因為，我地約左阿媽同家姐佢地係SEA度見面，跟著可以一齊玩添!! 係! 我地真係想喺SEA既大門口會合!!! 哈哈!!

其實，我地結婚之後既果一日阿媽佢地一早就跟團黎左東京，原本我地既完美計劃係今日一齊玩，家姐仲安排好晒成個遊海洋既行程!! 不過，由於佢地個團臨時更改行程，佢地已經玩左迪士尼，依家(今日)係富士急，我地join唔到一齊玩lu~ 不過都冇所謂啦! 一齊玩有一齊玩既開心玩法, 自己又有自己玩既開心玩法，呢個可能就係迪士尼好玩既秘密，哈哈!! XD

我地冇book迪士尼酒店既早餐，一來覺得如果要食酒店既早餐就要慢慢嘆冇咁既時間，二來唔會平，三來冇BOOK，唔想白去同等位，四來酒店旁邊有個咁大既商場一定揾到野食o既~ :D

咁我地帶齊裝備相機同新買既腳架出去，我地會搭Disney Resort Line(酒店送既3-day 免費 pass)去SEA，途中我地經過火車站旁一間細細既咖啡店，裡面傳來陣陣既咖啡香，我地睇下個MENU都OK，咁就坐低先食左個早餐先~ 估唔到呢個三文治早餐會咁好味又醒神，因為佢地搽左一層薄薄既芥末醬! 再加上一杯唔錯既咖啡，醒晒!!! o^_____^o

由於我地係坐既位置係背著個門口, 我地食完個早餐扲轉頭見到店外完來已經人山人海，大排長龍! 估唔到呢間野原來咁受歡迎!? 哈哈!

去到火車站已經感受到日本人對迪士尼既熱情, 場面墟冚! 好彩我地喺香港已經買左飛，所以唔洗排隊買, 只係排隊入場~ 不過，都係好多人~ =.=" 如果今日係假日真係唔知會係點!?

我地早左10幾廿分鐘排列等入場，有一個負責安檢，大該4、50歲既保安叔叔，不停叫大家耐心等待好快可以入場...(我估係), 排我前面既日本o靚仔就頂唔順當張安檢枱係瞓覺枱，又瞓又玩 ... 各人都悶到要爆既時候 ...

估都估唔到...

突然間，果位保安叔叔真係要爆啦! 佢大聲講左一輪正經既日文(我仲以為佢"醒"個o靚仔, 同個個人都冇乜反應)，點知佢蹹完一輪就立即跳起舞上黎，個o靚仔當堂醒晒!! 應該話係附近既人全部都醒晒!!呢一幕身為香港人既我就立即諗起"少林足球"既豬肉佬(佢個肚腩都有幾成似o架!! 哈哈!!! XD)!!! 佢大跳一輪，最後黎一個極速720度旋轉再擺左一個爆笑黃飛鴻既POST結束佢呢PART舞!! O_____o" + :D

大家立即拍爛手掌，保安叔叔帶著微笑，90度躹躬向大家答謝!!

當我慨嘆世界難撈既同時又好敬佩呢位保安叔叔既敬業樂群既精神!! 佩服!佩服!!

經過保安叔叔既一番熱舞之後，迪士尼海洋正式開門! 未入迪士尼海洋已經有咁大驚喜，唔知跟著喺樂園裡面會唔會遇到更多更大既驚喜呢!? 好期待呀!! >______<"


Day 2 - Part I 完 ... 敬請待續 つづく!
Start from 2006 ...

TayThink / Travel / Toto --- 東京蜜月の旅 | Day 1

當年第一次到歐洲威尼斯旅行，自己就諗著呢度咁浪漫，將來一定要同另一半黎坐著貢多拉渡蜜月。過左幾年後，o係網上看見其他人去希臘, 影低一排排好靚既藍頂小白屋，個心又諗懶洋洋既希臘, 去渡蜜月又唔錯喎~ 跟著, 見到有朋友去紐西蘭、澳洲同北海道去親親大自然又好心廣神怡, 見到有d朋友去陽光海灘既沙巴, 蘇梅島, 巴里, 馬爾代夫度渡蜜月 ... 又好似好寫意咁~


彷彿"浪漫+懶洋洋+寫意+遠離煩嚣+擁抱大自然"就係渡蜜月要追尋既感覺, 以上所有既地方我地都考慮過, 不過, 最後我地揀左去東京, 仲要只會留喺東京市內! o______0"


因為, 最後我諗通左一樣野, 就係無論去邊只要兩個人開心, 去邊度手牽手睇日落都可以好浪漫架！？(不過，我當然唔會建議大家去長洲渡蜜月啦~ XD) 同時東京有好多我地未去過又想去既地方，好似迪士尼, 宮崎駿博物館(三鷹之森．吉卜力美術館 | 三鷹の森 ジブリ美術館）, MoMA Store @ Tokyo, 彩虹橋, 表參道, 六本木, ...

而且，最有趣係東京都係爸爸同媽咪去蜜月旅行既地方!! o^_____^o

好! 東京！！我來也!!!


諗著婚後有兩日既休息時間，可以好好計劃下行程...不過，忙還野、執屋、執行李已經冇晒時間！加上婚前成個幾星期都冇好好瞓過，未回復狀態，又冇乜plan行程，最後擸左兩本旅遊書就上機！其實我地都唔駛點plan行程，因為呢個五日四夜既蜜月旅行,兩日會係迪士尼，半日去左三鷹都藝術館，剩番既日半，喺東京是但搵個地方行都用晒D時間啦~


不過，一如一般既自由行，因為心太多最後既行程都係密麻麻，@__@


差唔多11點機，4個鐘頭機程，再加1個鐘既時差，黎到成田空港已經係當地黃昏既時間。東京迪士尼位於東京灣，搭JR喺舞濱站落車就到...不過我地揀搭巴士, 因為唔洗煩, 個多鐘頭就送你到門口, 不過Check埋in已經係入黑了。

今次，我地會住喺東京迪士尼大飯店兩晚，哩間最新既迪士尼酒店，上年7月先開！其實，迪士尼區共有9間酒店，3間由迪士尼自己營運，其餘6間就由其他集團經營。本來我地想住朋友M介绍迪士尼最好嗰間酒店 --- Mira Costa既Porto Paradiso Side (樂園海港區 | 陽臺客房(港灣景觀) )~~ 但估唔到, 唔係旺季, 又話經濟不景, 早成個月book都係 FULL晒!! （入到SEA就知個中原因, 請留意Day2既Travelogue [Official 廣告時間, 哈哈!! :p])

Check-in後, 一位好有禮既男仔porter一邊幫我地攞行李, 一邊用盡佢所識既英文介紹東京迪士尼, 細心地幫我地擺好行李就離開左~

本來諗著第一時間就去舞濱站旁既商場食飯醫肚, 不過, 見到間房就忍唔著要影下相先~ -____-"

間房既其中一個gimmick就係呢個Alcove(凹室)既可以做梳化又可以做床, 一家大細就唔洗分房瞓!


影完相開始覺肚餓, 我地就去左舞濱站旁既IKSPIARI(伊克斯皮兒莉)商場,一出酒店我地就發現充滿萬聖節既氣氛, 因為人人都著晒有萬聖節既衫或飾物，我地先醒起今個月迪士尼已經踏入萬聖節月啦！心情突然緊張起黎!!!


不過，我地唔理咁多搵間快餐食野先，因為想行下哩度既shop。 除左火車站側邊既Disney Store, 哩個商場仲有一間全日本最大既Disney Store, 而其他既鋪頭都有D特色野賣, 仲喜遇幾年前話全球執晒笠既 Rainforest Cafe!? O_____o"


我地食完是日幾好味既晚餐---店內招牌NYK意粉同豚肉salad後, 我地o就去到先頭講o個兩間Disney Store來一個小血拼!!! >___<





返到酒店, 因為MyV有D胃痛, 我就叫佢留o係房休息，抖充精神聽日要喪玩SEA!!
我就爭取時間去熟習新買既腳架同影下哩間迪士尼酒店美麗既夜景，點知因為冇帶錶，一影就影到11點幾!! 聽日仲諗著7點起身，未沖涼又未執野!! 點算呀!!?!?! >______<
















Start from 2006 ...

TayThink --- 感謝祢讓我們擁有一個充滿回憶及"愛永不止息"的婚禮

今天是我與MyV結婚後的一個月, 回想當天的片斷還是很新鮮、有趣、甜蜜且溫暖 ... o^_____^o

在2009年10月18日的前一個星期，天文台整個星期總是預測當日的天氣是有雨、有雨、有雨。除了祈禱外，也不知可以做些什麼了。我們也完完全全地把這個憂慮交給神，自己就繼續忙自己可以努力的事情。

當中真的十分感謝祢賜給我們一班待我們很好的家人，也讓我們在命裡遇上和認識了這麼多的好朋友，你們為我們的婚禮寫上一個完美的句號。 噢! 不是! 這該是一個超巨型的感嘆號吧!! :)

好像在我們籌備工作的期間, 每當我們怱忙地請求朋友幫忙或出席我們的婚禮時，大家都毫不顧慮立刻應承，有些朋友更是主動地作出幫助。當中你們所作的, 有太多也讓我們感動不已。如在尋找場地時，朋友K為我們提供意見, 更細緻地給我們指出該場地要注意的地方 ... 等等。媽媽和兩位姐姐在整個婚禮上也是盡心盡力, 由購買婚紗,禮服及婚禮上的物料而至製作, 不論心思和時間也遠遠比我想像的多。物料也是購自世界各地, 好似MyV婚紗上的蕾絲大部份是由奧地利西班牙及匈牙利購入的, 我的一雙皮鞋就是媽媽到西班牙旅遊時為我選購的。購買時更是充滿戲劇性，左腳的鞋與右腳的鞋分別來自巴塞隆納和馬德里這兩個城市 o_____O" ... 二家姐就為我苦練進場及我神秘安排的獻唱歌曲！而MyV的兩位弟弟亦在我們新居及婚禮的晚宴及茶會的事情上大力幫忙!

當然期間也遇上不少難題, 但我們的一班好家人, 好朋友也為我們一一"拆彈", 好像朋友F為我們製作很多很美麗的襟花，朋友C.W.與朋友M.K.提供了不少紅酒的意見，朋友A通宵為我們設計很精美的賀卡, 甚至場地的佈置, 更在婚禮當天給我們一個驚喜! 這個驚喜就是把在我們賀卡上的玫瑰花圖案製成一個立體的台上佈置! 很有心思! 太感動了! :) S.Y. & Y.T. 整天為我們拍照，朋友C.L.為我們拍花絮，朋友Y.F.幫忙製作結婚禮物小掛曆, 朋友G.F.&J.C.為我們拍攝及剪接我們的行禮過程, 朋友C.C. & A.C. 讓他們的小女兒---韻韻當我們的花女, 也悉心地教導她每一個細節, Auntie C.L. & C. 為我安排大細表弟作我們的花仔, 一對的小花仔、花女讓整個儀式溫馨不少, 大表弟為我們領著這對年幼的小朋支，讓進場的儀式能順利進行，更有朋友B.L.、K.C.及A.K.專程在外地回來參加我們的婚禮, 有些更充當我們的兄弟姐妹團...

到了當天, 一覺醒來時, 望出窗外,見到的天氣是出乎意料的好, 陽光普照, 令我們拍下很多美麗的照片, 交通也非常順暢。

由於當日時間緊迫, 場地亦只能在當日開放給我們佈置, 在萬二分不願意的情況下, 我們只能為一班兄弟及姐妹團準備飯盒作午餐! >_____<

當大家到達進行儀式的禮堂時, 兄弟姊妹們就立即展開佈置工作! 因我不忍讓大家捱餓, 不停地叫大家先用膳, 大家卻異口同聲地說:「讓我們先完成佈置吧!」 雖然，這句話聽似簡單，但是，對我來說卻是一句深深地觸動我心底、感動著我的說話!! 大家用極短的時間也是極速地為我們佈置整個場地! 很多朋友也在Facebook留言說喜歡當日的佈置，其中的一位可愛BB(K.L.'s BB) --- 望仔, 更忍不住拿起美麗的絲帶放在口中品嚐, 給朋友A.L.拍下他這個興奮的樣子!! 令我們的婚禮加添多一份的可愛! :D



到了下午儀式正式開始時, 天上漸漸飄來一兩朵白雲, 令各賓客可以在一個不太曬，也不太熱的環境下共証我與MyV的重要時刻。 大家一邊在禮堂外的空地上享用茶點，也可以一邊高高興興地拍照和談天。當然，我們也很希望能與大家談天，可是真的分身乏術，在此向大家說聲對不起! 不過, 無論如何是祢讓我們能與各賓客可以一同歡歡樂樂地共同渡了一個美麗的下午, 真的太感恩了。

除此之外，當中有不少的事讓我們感動不已! 如朋友K., 她雖身處外地,但在大半年前已大費周章為我們訂造結婚禮物, 用上了個多月才把我們的禮物弄到手!! 我們收到的所有禮物也是充滿著你們的心思、心意~ o^______^o

姐姐用上差不多整年的時間，悉心地用人手為MyV製作了一件婚紗及兩件晚裝裙，更為我製作了一件的禮服, 可惜因為時間的原因，當天我沒有穿上!

我們的場地是在一個舊軍營內，要行一段較崎嶇的小山路才能到達禮堂, 朋友K.L.& F.C.和W.H.& R.L.要推著嬰兒車到來, 真過意不去 :{

更甚的是朋友K.(瞞著我!! >__<, 但這卻給了我一個很大的驚喜, :) )和朋友V.N. & M. 他們各自也是懐著身孕, 要他們走著這段艱辛的小山路，真是萬二分的對不起了~ :(

更令我們感動的是家人E., 因身體不適要動一個緊急的手術，但因為她想參加我們的婚禮，在我們不知情的情況下, 她把手術的時間押後了!!! 當天她更裝作沒事的様子參加我們的婚禮，更很賣力地為我們安排當晚宴會的事宜，想也想不到我們在她心目中是這樣的重要，更真的不知如何來答謝她。:"(

不過, 真的由衷地多謝各位全心全意的祝福及幫助！再次說聲對不起，不能邀請每位好友參與我們的重要時刻，也不能在這逐一向各位送上道謝。 我們沒有一個"999情比金堅大婚宴"，但因為你們和神讓我們擁有一個充滿著回憶及"愛永不止息"的婚禮~ Love U All~


Thank you for all my dearest family & friends!!

不單是你們的禮物和賀咭, 更重要是你們的心意, 幫忙和祝福!!

o^_____^o
多謝你們喔!!!

也在這獻上這首詩歌


P.S.
1. 多謝! 好友A.F.提供照片!
2. 家人E.手術尚算成功，願神記念她與她的一家，讓她早日康復。
3. 今天中午，我們收到朋友V.N. & M. 的短訊，知道他們今天中午誕下女兒，除恭賀他們，也為他們代禱，願神賜褔他們一家。
4. 恭賀朋友C.W.今天新婚之喜，願神祝福你們的婚姻與家庭!
5. 今天有點醉~ @.@

Start from 2006 ...

TayThink / Fun / Info / Gadget Stuff / Green --- 超"天然"既空氣淨化機

[IMG from andreaair.com]

又係盆栽, 又係空氣淨化機!? (其實，我都有諗過類似既合成產品)

唔洗換filter, 你又可以任意栽種唔同既植物去襯番你間屋或o者office

結合植物既生長循環同科技, 將細細個既熱帶雨林帶佢番屋企!!

一個得獎既產品, 集美觀+環保+高效+和諧+可持續既超"天然"既空氣淨化機!!

哩D咪係好既設計O羅!


讚呀!!! o^_____^o

有興趣既話, 可以去佢地既網站揾到更多既資料.

Start from 2006 ...

TayThink --- 2009.10.18 | 我與MyV的大喜日子

2009.10.18 將會是我與MyV的大喜日子!!!



我本有著一個很老土的想法, 便是定於今年, 2009年9月9日為我們的大喜日子! 連個宴會名我都改好了, 名為


"999情比金堅大婚宴"!!! XD + :P

最後, 因為今天是上班日, 決定改為今年的10月18日, 星期日!

我們希望能舉辦一個簡單而隆重的婚禮, 下午會是朋友參加我們行禮及派對的時段, 晚上會是家人及親戚的宴會.

縱然, 有很多工作還在籌備及製作中, 但也要在此向為我們婚禮幫忙的朋友及家人說聲謝謝!!

也在此向將與我們同一天結婚的一對朋友送上祝福~ O^______^O

但同時也要向各位好朋友由衷說句對不起!

雖然, 我們非常希望所有好友也能參與我們的婚禮, 與我們一同分享及見證我們這個幸福, 甜蜜及重要的時刻, 但由於地方所限, 所以只能容納約一百位的朋友, 未能安排把所有朋友一起邀請出席.

但無論如何, 我們也請你們見諒, 也替我們送上祝福! :)

Start from 2006 ...

Fun / info / HK Event --- PatPat又黎啦!!!!

為左避免大家遇到好似我上年咁既唔太開心既經歷, 今年"住OD"既PatPat有得係網上公開訂購啦!

今年多左4款, 有割禾青, 不求人, 卡窿同一筒!! 有興趣就去訂啦!! 網上訂購延期到9月7呀!!!


如果你買左, 記住話我知你抽中邊款PatPat wor, 我上年我就抽中 ... [答案在此]


Start from 2006 ...

TayThink / Travel / Fun--- 登松山記

團體遊去到中午既時候就解散, 大家自由活動！我同MyV就決定去澳門既一個名勝 --- 松山東望洋燈塔, 試撘下全世界最短既纜車！ 有幾短！？ 3分鐘車程！0___o"



首先梗係去醫左個肚先啦, 我地去左品嘗出名既蝦子竹昇麵[祥記]! 跟著我地撘巴士（單層）去位於二龍喉公園既纜車站, 因為唔熟路, 上車已經先問定司機, 係唔係去二龍喉公園, 佢話係我地先上車.

撘左一陣覺得差唔多到, 左望右望又唔似樣, 突然間, MyV話:「我見到"二龍喉公園"個牌喎！ 」...

咁就即係話我地已經過晒龍啦！=____="

架巴士仲已經上緊山, 去到澳門賽車既最出名既髮夾灣(原來叫做"馬交石砲台馬路")!!!

咁就走出位問下司機係咪過左龍啦！點知司機就好似緊張過我地話:「哎呀！ 係喎！真係過晒龍喎！ 點呢！？ ... 你地依家落車要行好遠喎！」我心諗我都知, 不過我都真係唔知點喎! 打定輸數諗著下個站落車再算！轉身諗著走返埋位既時候, 突然, 司機就話「唔...你地唔好落車, 等陣我兜番你地過去呀！」心諗咁都得, 澳門真係好有人情味啊! :)

返埋位坐低既時候, 坐後面既一位好心既哥哥仔就同我地講：「你地哩個站落車啦！跟著撘番對頭車, 撘兩個站, 係撘兩個站落車, 就到架啦！」又嘗到第二次澳門既人情味. 我地連番多謝後, 最後, 我地冇聽哩位好心既哥哥仔落車(佢都係哩個站落車)!

唔係我地唔領人地既人情, 而係, 我地諗下我地依家個身仲濕緊, D汗都未流完, 想享受多一陣哩個冷氣既車箱. 同埋, 因為我地慣左用"百達窿", 依家全身都冇一個銀仔, 望出車外面好似係工業區咁, 落左車都唔知可以去邊度唱散紙啦! 不如, 等司機車我地返轉頭好過!

我地繼續遊左差唔多10幾分鐘既車河, 架巴士已經駛到去一個唔知咩既地方, 原來已經到左總站啦! 個身乾番晒, 所有人都落晒車, 睇見司機冇表示, 都唔知佢係咪唔記得話會載返我地轉頭, 咁就諗著落車啦！唔通咁大個人仲要俾人話撘霸王車先落車咩！點知司機一見我地想起身就喝著我地:「你地兩個唔好落車呀！」

跟著司機匙都唔熄就抽頭開車, 有位阿姐走上前諗住截停佢!! 不過, 司機就對著阿姐耍晒手!? 我地見住阿姐個疑惑樣, 可能佢心諗明明埋左站, 又唔俾人上車, 但上面又有兩個人坐係度!? 以為自己係咪撞野! 哈哈! :p

跟著, 我地隱約(因為我地坐係最尾個幾行, 所以聽得唔係太清楚!)聽到司機同自己講左句話趕時間呀!!?!?

吓!! o____0" 我同MyV你眼望我眼, 我地都冇話趕時間, 而且, 我地真係唔趕架喎!?!? 以為司機淨係"飛"總站果個站o者, 點知, 佢繼續"飛"其他站, 半路遇到整路有D塞, 司機就不停嘴咁話:「 點會咁塞車呀! 點會咁塞車呀! 點會哩個時間黎塞車呀! ...」

我地都唔知點解司機咁忟憎!? 心諗慢慢揸, 唔洗快喎 我地都只係想去下燈塔同撘下松山纜車o者! 不過, 我地既念力冇乜效, 司機心情好似冇乜變, 繼續"飛"多幾個站, 我地心情就繼續忐忑, 過左一陣, 終於到左我地要落車既站, 司機埋站停車, 終於打開車門...我地既心情跟著打車門既速度慢慢放鬆 ... 呼 ...安全啦~安全啦~

司機擰轉頭, 我地仲以為佢會好忟憎叫我地落車 >__<, 不過, 佢反而好有禮貌咁同我地講:「你地到啦, 你地係前面行過去就係啦!」嘩!! 我覺得我好似係D日本漫畫既故事裡面咁, D主角一時好火爆, 一時又好溫柔咁!? =^____^=
我地落車後, 我向司機"沙冧", 司機仲好有形咁向住我戚下個頭 ... ^_____^||


嘩!! 哩程巴士心情變化得真係好大! 好啦! 唔理啦! 諗著今次撘纜車遊松山可以輕輕鬆鬆, 平平靜靜啦!! 正當, 我地搵緊邊度有得買飛之際, 見到一個牌:"逢星期一維修"!!!!! o_______0"

吓!!!! 冇野呀!!!! 依家咩年代呀!!?? 交通工具都會每個禮拜維修!?!? >__<
咁我地香港既山頂纜車同港鐵真係好厲害啦!!! 日日都開, 仲年中無休!!

好啦! 冇計啦!! 心諗全世界最短既纜車, 要行上山有幾難!? 雖然, 全程都要行梯級, 不過, 點都唔會難到我地既, 唓, 行咪行!! [<= 還以為自己今次可以裝帥!!]


開頭行上山既時候仲好有興致咁影o下相, 不過, 未行到一半就發現乾左既身又開始濕緊 ... 行到一半個身已經好似開緊水喉咁啦!

停低一陣唞o下, 諗住D汗會停啦, 點知都係一樣, 又發覺原來已經冇晒水! 咁就決定唔唞, 一口氣上到山頂!! 一上到山頂, 見到纜車站. 但係嘩!!! "萬里無人"!!?? 只係睇到一個報時同溫度既亭, 上面打住依家既氣溫係37℃!!!!
o_______0" + @____@||

試問點會有人肯行上黎呢!!??!!??

雖然, 我地已經登上俾我地"睇小"既松山, 但係, 我地其實仲未到我地既目的地 --- 松山東望洋燈塔

我地繼續行, 見到一個公園, 而且, 仲見到一個涼亭同小食亭, 嘩!!! 當堂好似係沙漠上見到綠洲咁!! 我地梗係即刻飛身過去, 買左一條雪條同一支大水黎降溫!! 係哩個涼亭度繼續唞, 一唞就半粒鐘, 期間我地只係見到一對日本既老夫婦同一對法國既情侶遊客黎到哩度"打水", 就冇其他人啦! =________=

唞完後, 我地去睇我地要睇既松山東望洋燈塔, 影左幾張相後我地就返落山...夏天既松山真係唔易登!!


不過, 今次都算真係一個幾有趣既經歷, o^_______^o
要多謝果位司機, 好心既哥哥同涼亭既auntie, 同神既安排啦!!


PS: 1. 記住唔好星期一去松山撘纜車
        2. 記住要儲定D散紙撘公車



檢視較大的地圖

Start from 2006 ...

TayThink --- 一開學, 先退步

之前係FB留左一個status:"寫左一篇好長既blog (應該係我寫blog生涯最長既一篇), 唔知有幾多人俾我悶親? 又或者一見到就怕左唔睇呢? :P"

今日知道答案啦!! 大跌22個%!!!! (好似國內股市咁!)

都好, 因為知道冇朋友俾我悶親!!!
不過, 其實我覺得都唔算好悶o者!! 真係一開學, 先退步!! 哈哈!!! :P




Start from 2006 ...

TayThink / Travel / Info --- 澳門, 福音來華之地? 或是福音之硬地?

[Facebook 讀者, 可以按Facebook內下面既原文網址, 睇更多既相/slideshow]

今次黎澳門參加一個可以話係好與別不同既旅行 --- "福音來華尋根之旅"!

澳門與香港都係一個充滿傳奇既地方, 不單只因為大家都係有過一個殖民地既身份, 同時每每大時代既變遷, 兩地都會被捲入時代巨輪當中, 唔多唔少都直接受到不同大時代既影響!

不過, 有一個傳奇就只發生係澳門哩一度, 而當中哩位傳奇人物就係馬禮遜(Robert Morrison)牧師, 1807年1月一位英國土生土長基督教既傳教士, 擁著對主無比既信心決定來華傳福音, 獨自經過8個月既旅程, 係9月4日來到澳門哩片土地上.

我諗馬禮遜一到步就已經好想展開傳福音既工作, 不過, 卻立刻遇上第一個既難題, 唔係食住, 言語不通既問題, 而係, 當時擁有頗大勢力既天主教既阻攔, 阻攔佢留o係澳門哩度. 哩個難題係一個你未知發生咩事, 未開始做任何野就要你放棄入夢既打擊!! 來澳3日後(即9月7日)為左可以留o係中國, 馬禮遜轉戰廣州, 唯有以幫東印度公司做翻譯為名,以翻譯員既身份得以留係中國.

馬禮遜冇因為咁就放棄傳福音, 係1810年, 馬禮遜為左要將翻譯左中文既聖經章節<<使徒行傳>>印成書籍派發(共印刷1,000本, 其中3本寄回英國), 認識左中國第一位既基督徒 ---蔡高, 之後都係因為印刷既關係再認識到中國首位既宣教士 --- 梁發.

1811年, 馬禮遜在傳教既工作上開始取得些微既進展, 同年長子雅各(James)出世, 本來應該係高興既事, 但好可惜佢於同日夭折死亡, 係一個由天上趺入谷底既打擊. 但馬禮遜冇停低佢既工作, 同年完成翻譯及出版<<路加福音>>.

1813年, 米憐牧師黎到澳門希望可以幫助馬禮遜牧師, 不過, 米憐牧師黎澳門短短16日就已經敵不過當時在澳艱苦既傳教工作,而離開左澳門, 又一次打擊了馬禮遜牧師, 另一個得而復失既打擊.

1814年7月16日, 馬禮遜為中國第一位華人 --- 蔡高係澳門松山既山麓受洗, 成為第一位既中國基督徒. 其後, 馬禮遜為左支援東南亞地區既傳教工作決定要建立一個差會總部, 而且哩個總部要有具備培養傳教士的功能. 不過, 我相信係當時咁封閉既中國要設立一個外國人同華人交流既地方, 係文化上同政治上都可以話係冇可能! 咁最後佢決定係馬六甲開辦傳教士學校, 而哩個計劃就交俾之前提過既米憐牧師實行, 而哩個總部既訓練學校就係香港既英華書院既前身了.

1815年, 梁發因為要協助出版聖經同中文刊物隨米憐牧師黎到馬六甲, 1816年, 米憐牧師為粱發受洗, 其後, 粱發出版多本傳教刊物, 其中1832年發行既<<勸世良言>>, 據聞洪秀全都係因為睇左哩本書, 而創立左"太平大天國".

1818年11月, 米憐牧師開辦了英華書院教授來華既傳教士, 同時都打開中西文化交流既地方同通道.

1821年同1822年, 馬禮遜連續失去兩位生命中最重要既人, 1821年馬禮遜夫人病逝而多年既戰友米憐亦都係馬六甲病逝, 馬禮遜只好將年幼既兒女送回英國託哥哥照顧, 今次受到打擊更大!!! 但係痛失至愛同戰友既馬禮遜並冇意志消沉, 繼續待奉既工作.

12年後, 1834年8月1日, 馬禮遜o係廣州病逝, 終年52歲. 回顧馬禮遜一生可以話大志未成, 心願未了. 一心諗著來華傳福音, 但來華廿多年最終只有10位信徒(1833年)!

如果你係馬禮遜離世o果日黎計, 從數字o黎講大家可能話佢係失敗, 亦都可以話係一生堪可, 波折重重. 雖然, 最終遺體可以運返澳門基督教墓場(1821年, 因當時馬禮遜太太去世時, 由東印度公司向葡商購地作墓場, 內有馬禮遜小教堂)同夫人一同安葬, 不過安葬既地方絕對並唔係一個華麗既地方, 但係人o既一生係咪真係用我地俗語所講既"蓋棺定論"呢?


我相信唔係完全啱晒, 世上稱得上偉人好多係佢地臨死果刻, 通常都係好可悲既, 好似名畫家梵高(Van Gogh)或者名雕塑家米高安哲奴(Michelangelo)又或者名建築家安東尼·高迪(Antoni Gaudi)? 當時大家都認為一個係痴線佬, 一個係滿身臭味既鑿石佬, 而高迪係街上遇上車禍, 被車撞倒後死去, 但因為佢衣衫襤褸更俾人當左流浪漢, 車禍死左3日, 大家先知佢係大名鼎鼎既建築家,
真係諷刺!!!!

但哩班既偉人之所以叫偉人就係佢地對後世既影響有幾深, 佢地既影響力到依家都係未有減退, 好似高迪咁佢既名建築---聖家堂 (Temple Expiatori de la Sagrada Família), 到依家都仲起緊!!!
仲要起多2,30年!!!!! O___0".

而我覺得馬禮遜牧師可以同哩幾位偉人齊名, 而對華人或者華人既基督徒黎講, 佢更係有過之而冇不及, 佢既影響力到依家我地都感受到, 佢令到中國哩個古國既人民得到福音, 好似1823年咁, 馬禮遜牧師出版中文新舊約全書並以<<神聖天書>>為名, 之前既建立既英華書院教授出好多既傳教士來華作不同既工作, 又由哩班既傳教士既帶領下分別成立志道會堂(1905年)及澳門浸信會(1904年, 俗稱白馬巷浸信會, 因為位於白馬巷哩條街). 而我地國父孫中山先生既元配夫人 --- 盧慕貞更係澳門浸信會既第一位會佐(香港稱為執事), 對孫中山先生係信仰同信念上有一定既影響.


1939-1945年, 二次大戰, 葡國係中立國, 不少中國同香港人為左逃避戰亂, 都黎晒澳門, 人口激增至50萬!! 到戰後和平之後, 人們紛紛返番原居地, 好多現今既香港教會都係由以前居住過澳門既基督教幫手參與建立!


我相信馬禮遜牧師靠著對神有堅定不移既信心, 行哩條滿佈荆棘既福音來華之路, 對於佢最後能葬係澳門哩一片佢第一次來華踏觸既土地上, 係神一個微妙既安排!

對比起我今次參加教會哩個澳門之旅, 可以話係更加羞愧. 因為弟兄們安排得太周詳了, 縱然有30幾人, 都可以妥善安排膳食同交通, 可知我地唔係參加旅行團, 唔係靠旅行社安排. 唔單只事事順利, 除左参觀左唔少既名勝同博物館, 亦都有幸得到澳門聖經學院院長---游偉業博士既講解.

游博士由唔同既角度係政治,軍事,經濟同宗教歷史黎講解澳門哩個"福音初至之地"(係志道會堂3樓有一個寫上哩六個字既牌坊), 晚上又可以係白鴿巢浸信會同會友相聚分享,在悅耳既詩歌及有趣既話劇及遊戲中彼此了解.

參觀澳門馬禮遜紀念中心(2007年成立, 馬禮遜來華二百週年時成立)與陳牧師分享在澳營運中心同傳福音既經歷, 係澳門其中一間最耐歷史既會堂參加主日崇拜, 得到廖卓堅牧師既講道同佢慷慨既贈送佢自己編寫既澳門宣教歷史筆記, 令我更加了解哩個"福音初至之地".


又同教友一齊夜遊睹場內既華麗建設(M記既天幕廣場)同表演(W記吉祥樹同新X天地既水幕, 天幕電影派晒飛!! >_<)!!! 當然, 更享受不少地道美食, 好似中葡式既牛尾, 血鴨, 葡式汽水(推介熱情果味)同蝦子竹昇麵 :p~~, 係一個各方面都好滿足既旅行!!

但當我望著W記吉祥樹最後一幕, 黃金樹升上地面時, 人們叫囂同時拋上錢幣, 叮叮噹噹既錢幣擊打聲, 令我立刻諗o下大多數人群黎澳門都係為金錢, 財富而來, 而且來得瘋狂, 來到哩棵"拜金樹"!! 反思我地係咪咁需求地上的財富呢? 係反思緊既時侯, 突然, 醒覺神既安排實在太美妙啦!!


200年前既澳門根本就係一個福音之硬地, 但神卻偏偏安排馬禮遜牧師係哩個細小既地方為西方來華傳福音做起點, 好似就係要係哩度放上一個"福音初至之地"標記! 來華廿幾年既馬禮遜付出無比既信心都只係收得10個信徒... 再睇下今日既澳門, 賭場臨立, 我係澳門(半島果邊)每次望上天都會睇到果枝"巨大既黃金三叉戟"!!! >__< 現時澳門既青年人大多做荷官為生, 而全澳門只有唔夠1個%既基督教, 好多澳門既基督教教會依家都係靠香港既教會支持, 澳門既同工面對重重既挑戰, 在這個福音硬上加硬之地, 哩個黑暗重重既澳門, 如何可以開闢一條光明既路呢?


神安排放上一個"福音初至之地"標記既奇妙之處, 就係彷彿要大家都永遠記著澳門哩台度永遠都係福音來華既地方, 可能神就係知道哩度會係全世界華人地方上, 心靈上最需要支授既地方! 讓我地記念哩個地方, 同時為這片土地繼續祈禱吧! 我相信澳門永遠係"福音初至之地", 但一定唔會永遠係"福音之硬地"

相片幻燈片 / Photo Slideshow

Click哩度睇晒d相同備註, 仲有相片位置地圖tim!! o^______^o

Start from 2006 ...

Fun/ TayThink --- 我都好想香港"種"多D呢種"花", 不過, 最起碼D花瓣要識轉喎 !

[image from thedesignblog]

上幾個星期既週末都係落雨, 啱啱果個星期六日就唔同, 好猛太陽, D人就好似放監咁出晒黎行街, 不過, 係香港要夏天做戶外活動就真係一D都唔簡單, 係條街行5分鐘, 包你成身濕晒!!! >__<

香港夏天最衰就係濕, 唔落雨都可以有成90幾%既濕度!!!!!

有D外國既設計, 係香港就未必一定行得通, 好似哩種"花"咁~

哩種"花"係由日本既豐記設計, 係美國既波士頓"種"左好多哩種"花", 佢地跟著就會再係美國其他各主要城市繼續"種"!!

哩種"花"可以同時提供10個人同時無線上網, 更可以提供手機同手提電腦充電, 而佢既"養份"就完全來自大自然 --- 太陽能!!

而呢種"太陽花"既設計主題係"人、自然與機械之和諧".

香港政府話推WIFI已經成兩年, 不過, 問題係係戶外冇乜地方可以舒舒服服咁上網又同時提供足夠電源, 不過, 就算香港真係"種"哩種"花", 係30幾度既高温再加上90幾%既濕度, 點可以同哩個自然和諧呀!?

要哩D"太陽花"識噴冷風就太苛求啦, 不過, 最起碼D花瓣要識轉, 可以當風扇!!! 哈哈!!

More info click here.
Start from 2006 ...

TayThink --- 是日自我檢閱日!

今年目標: 我要為鹽為光! 不輕易發怒!!

Start from 2006 ...

Fun / TayThink --- 明和電機の新作

三年前, 明和電機應一個法國品牌邀請黎香港做展覽同開音樂會(音樂會好似之前硬膠星Plastic Planet既型式差不多), 展覽就有去左不過音樂會就買唔到飛去唔到啦~

係新聞既報導裡, 知道果場音樂會反應好好, 可惜冇得睇~ >__<

明和電機既創辦人以自己爸爸既一間執左笠鋪頭名命名, 我覺得有趣既地方係佢地成功在於現任會長 - 土佐信道同公司獨特既市場定位同business model.

土佐先生可以話係一個集機械(及樂器)發明家, 音樂表演家, 藝術家於一身既會長, 由設計同製造機械音樂樂器既原型(prototype)到自己親身上台用原型樂器黎表演, 再把原型轉化為大人細佬都鐘意既心靈玩具, 好似幾年前推出既熱賣之作Knock-man family 盡顯佢地既獨特性, 我都想買晒佢地番屋企, 不過, 香港既LongOn同CitySupper賣貴晒, 到依家都未買!!!


佢地既business model, 就係由原型到示範/表演再到生產大眾產品, 佢地既策略係所有"公司"製作既任何野都可以賣, 記得連佢地既超搶眼既招牌"粉藍"色夾毑衣 (工人服)都有得賣, 諗諗下如果著出街都幾爆笑!

[Img from MayWaDenki]

除左non-sense,有趣同可愛既產品, 有時佢又會設計D變態野, 好似GMウケ-テル(Uke-TEL)咁, 不失日本人既瘋狂.

下面個盤係養魚既, 呢部野連接左個電話, 當有人打黎, 上面既針就會隨意插落去, 睇下插中邊條"Unluck 既魚"!! O___o





[Img from jp.engadget]


今次佢地既新作 --- OTAMATONE(オタマトーン）, 係由魚器而衍生出黎, 我覺得好似手偶同二胡既合體!!
繼續non-sense但有趣既風格! o^_______^o







土佐會長今次係高達新朝聖地前, 示範オタマトーン, 勁呀!!!



More info. about 明和電機

明和電機 - 明和電機社歌




明和電機 - イカリをあげよう(Live)


Start from 2006 ...

Movie / TayThink --- Three Touching Movie

Shared By GulGul in FB, 3 simple but wonderful & touching story

Funeral - w/ Chinese subtitle


"Most" (Czech for "The Bridge" ) a man sacrifices his son


Extraordinary Pantene Commercial


Do you feel good today, my dearest friend?


Start from 2006 ...

Travel / Fun / News --- [日本, 神戸市] 鉄人２８号 新の朝聖地

[image from sankei.jp.msn.com ]

繼7月11日1:1既高達(機動戦士ガンダム) 係東京既台場潮風公園正式係開幕之後, 日本另一漫畫機械人--- 鐵人28號又會有一個新の朝聖地了!!


今次, 選擇係作者既出生地神戸市, 7月27日正式動工!!


1:1既鉄人２８号會係神戸市長田区の若松公園內擺出招牌動作! 淨係個頭都重0.9噸, 總重量為50噸!! 預計高18米, 寬16.5米!!
預計9月底完工, 10月4日正式開幕!!!


香港既鐵人28號迷或愛遊日本迷又多有一個新景點了!! :D




実物大！鉄人２８号製造中 (Vol. 1)
Vol 2, 3 & 4

那裡是神戸市長田区若松公園?

View 若松公園 in a larger map

PS: 由香港既製作既T28電影快將推出, 睇預告按此!!
Start from 2006 ...