Tay's Web Diary: 09/01/2010

星期日, 9月 26, 2010

真の電單車 [Green / Tech / News]

前幾日先講緊電動車，不過其實各家汽車大喺黎緊嘅巴黎汽車展 (Paris Motor Show 2010, 2nd - 17th Oct )都會發佈自己嘅新車，當然電動車亦係今次汽車展嘅重點啦！

佢地當中更一解我兒時嘅疑惑，街上汽車要用汽油，所以叫汽車好合理。而屋企電器要用電力開動，所以叫電器都好合理。

不過，細個嘅我好無知，唔知我地港人將汽油都可以叫成電油，所以，同樣靠汽油行走街上嘅機械單車叫做「電單車」！

明明唔係用電，點解叫佢做「電單車」！！

>___<"

大過左雖然知道汽油都可以叫成電油，亦都明點解啲大人叫呢啲單車做「電單車」，不過，仲係覺得「電單車」應該要全程靠電力行走先可以叫做「電單車」！

好一個固執又無聊嘅細路！！哈哈！！
XD

今次嘅巴黎車展應該可以減少我呢類細路，因為德國兩大車廠同時推出左用電力推動嘅「電單車」！！

今次真係有「真の電單車」啦！哈哈！！
XD

佢地嘅設計草圖响月頭已經溜出！


Mini Scooter E img: minispace.com	Smart EScooter img: xautoexpress.co.uk

依家仲可以見到佢地嘅真身，你可以詳細去了解佢地嘅性能。


MINI Scooter E img: minispace.com	MINI Scooter E img: minispace.com


Smart EScooter img:autoexpress.co.uk	Smart EScooter img:autoexpress.co.uk

但係，個人黎講，就覺得 MINI嘅設計比 SMART更細心，最起碼擺部愛瘋係打橫擺，呢個已經方便左司機靠愛瘋去搵路、摷地圖，而且有一個蓋保護住你部愛瘋！

你又鐘意邊部「真の電單車」呢？

o^______^o

更多資料：
MINI Scooter E 資料 from minispace.com

Smart EScooter資料 from autoexpress.co.uk

加送 MINI Scooter E 設計團員 ─ Adrian Van HooyDonk 嘅訪問

Start from 2006 ... Free Counter

星期五, 9月 24, 2010

2010 秋季有趣動物短片 [Fun / Movie]

點樣可以同一時間餵100隻比高狗！？

外國組合 MV --- 狗雜耍！
OK Go - White Knuckles

日本嘅神犬！瞬間"笠"槍！
勁！！ :O

熱爆同笑爆日本！
野豬仔與馬騮仔 @福知山市動物園！！

可能係世上最有耐性嘅貓！

阿貓：「大佬，我唔係你啲公仔喎！」[設計對白]

又黎阿貓：「喂，o靚仔！你坐我扁啦！」[設計對白]

季節限定！？與鯨魚暢泳 @ 和歌山！

Start from 2006 ... Free Counter

星期四, 9月 23, 2010

Green / Fun / News / Tech --- 一齊為小機械人Evolta 破世界紀錄打氣 ─ 由東京行去京都！

EVOLTA 東海道五十三次
img: panasonic.jp

之前提過小機械人Evolta 今日(9月23日) 開始要破世界紀錄，行東海道五十三次，由東京→京都，行500KM！！
以 Evolta 每小時 2 / 3km嘅速度，就算全速、24小時唔停、再加平路至少都要行足8日 - 9日！！
:O
其實「次」即係驛道 / 宿場，係日本江戶代嘅車站，東海道五十三次即係有53個驛站，由東京嘅日本橋到京都嘅三条大橋！！！

大家一齊支持佢啦！
o^_____^o

Evolta
img: mainichi.jp

Evolta (エボルタロボットとは) 資料

高度：17厘米
傾角：約相當於 18度
速度：2〜3公里每小時
電源：可充電式電芯 12枚
材料：材料碳/塑料/ 使用鈦合金。輕量級
概念：旅行者拉著拉車行走。
更多資料： about Evolta

官網地圖顯示 Evolta 行程情況，請桉：here

官方嘅blog: here

Twitter: http://twitter.com/evoltatoukaidou

Streaming TV!!

Start from 2006 ... Free Counter

TayThink / Info / Gadget Stuff --- 未來能量趨勢，將會是"能量磚"嗎！？

家下乜都話用電，試諗下如果你部電話或者部腦冇電，或者你屋企又冇交電費，用唔到電熱水爐或者煮食爐，可以點算？

而且，依家啲私家車甚至巴士都話開始係電動！

你可以想像下，如果，依家停電一個鐘，呢個世界會點！？

你地可能會話因為依家科技進步左，啲公司先可以出去啲比較環保，又低碳排放嘅電子產品同電動車 (EV)~

我之前都咁諗，不過，依家我會話呢個講法啱唔晒！

之前一間嘅日人汽車公司，”生零”就喺2009 年 (05年已經展出) 推出左第一部零碳排放電動車 i-MiEV 俾市場！我地香港依家話喺研究階段 (我地香港"你大"有 MyCar, 我見到"宗電"都買左 i-MiEV 做公司車)，人地日人都係喺研究階段，不過，人地已經研究點樣用响公共交通度用電動車，喺新潟県柏崎市試行緊電動同混能的士！

関西電力測試 i-MiEV
img: shigahochi.co.jp

講下呢部 i-MiEV先，佢嘅設計其實真係好唔錯，四人座位，啱晒一家大細，行車時零碳排放，最高速可以去到每小時 130公里，可以行到160公里，啱啱可以由屯門市中心走一轉去中環 IFC都有剩 (110公里 G記Map話嘅！)，而且，用快速叉電，叉半粒鐘時就有八成電，响屋企叉都得，不過要叉 8個鐘先叉滿！

”生零”令其他日本嘅汽車業再次投入電動車嘅發展！你會問點解叫再次！？呢個亦係我話「啱唔晒」嘅原因！

因為，其實日本早喺 63年前已經有電動車，呢架車叫做「たま(Ta Ma)電気自動車」 (同和歌山果架「たま貓火車」同名！會响我嘅第 6日關西、中部遊記度出現)。當時1947年，全東京已經有800台「たま電動車」，都唔講得笑！

「たま(Ta Ma)電気自動車」

你會話日人真係有遠見同愛環保，咁就錯啦！佢地生產呢架車全因錢作怪！

喺第二次世界大戰後，因為石油供應唔穩定，油價高企，佢地研發左呢架「たま電気自動車」，為左慳錢就真！

當然，呢架「たま電気自動車」冇冷氣，又只可以用時速 35公里行走，仲要車身係木框加鐵板！不過，冇幾耐就俾淘汰，佢地研究嘅公司「日橙」今個夏天就將佢重生！！

當然，佢地唔係將佢重新推出市場，因為以佢嘅速度，一定搞到交通癱瘓！XD

佢只係幫間公司做宣傳，因為間公司會有兩架電能車推出市場！

たま電気自動車再生ヒストリー

たま電気自動車試乗

咁你會話電動車未得，呢啲車都唔夠快！

テスラ・ロードスター（Tesla Roadster）
img: wiki

咁又未必喎！因為另一日人汽車公司已經响 08年推出左一架電動跑車テスラ・ロードスター (Tesla Roadster) ！你又可能懷疑啲電動跑車都係Gimmick野o者！同歐洲啲名跑車邊有得比呀！？但原來日人有間大學，慶応大学喺07年已經將自己研發嘅電動車同架「波子」比一比！你可以睇下面條片嘅賽果。

慶応大学・エリーカの実力 | 電気自動車 VS「波子」

咁你會話啲電動野唔夠耐力嘅，唔都啱嘅，因為，冇一架電動車可以行足兩日都唔洗叉電！

不過，當我睇到一篇報導話一間日人嘅電子公司喺 9月23日(即係今日呀！！) 想用佢地嘅電芯+機械人EVOLTA 想試下破世界紀錄，行日本東海道五十三次（とうかいどうごじゅうさんつぎ）！

Evolta 小機械人
img: panasonic.jp

乜係東海道五十三次！？其實「次」即係驛道 / 宿場，係日本江戶代嘅車站，東海道五十三次即係有53個驛站，由東京嘅日本橋到京都嘅三条大橋！！一共500公里！！

佢地直播緊，小機械人依家(15:09)已經行左8公里啦！

:O

所以，由電動車到電芯機械人，我相信唔洗好耐，持久力都唔會係電動機械嘅一個問題啦！

咁樣令到我有一個奇想，就係將來好可能真係會好似動畫「變形金剛」嘅橋段，會有「能量磚」(All-Spark Cube) 嘅出見！！

哈哈！

大家不妨一齊見證下，睇下會唔會見到啦！ XD

「能量磚」(All-Spark Cube) 好快會出現！？
img: poptranshumanism.com

電芯機械人喺09年已經响法國嘅 Le Mans 賽道行足左 24小時破左健力士世界紀錄架啦！勁！！

Start from 2006 ... Free Counter

星期二, 9月 21, 2010

TayMade / Fun --- Mail to Blogger

「我想問咩係＂臣戶＂牛！？」

一直都知呢個 Function，不過，未試過加埋相。
今次試下先！

Work 喎！ :D

你亦都可以 follow 我，依家我更加唔明點解我要開微博囉！

By the way, 有冇人可以話我知咩係 "臣戶" 牛！？

有朋友嘅答覆：車臣牛?!
我諗諗下，話都係車臣班地下科學家，研發出黎變種基因牛，合理啲！

Start from 2006 ... Free Counter

星期三, 9月 15, 2010

TayThink / Travel / Toto --- 2010日本關西[追加中部]春の旅 | Day 4. Part 2

日期：2010年4月25 (日)
天氣：晴 (是日曬到盲 >_<")
標題：詩意綿綿白川鄉
景點：白川鄉（しらかわごう, Shirakawa-gou）、
琵琶湖（びわこ）
美食：飛驒名物 ─ 五平餅

白川鄉特製沙甸魚

食完個薯餅，等多一陣，我地終於上到車啦！不過，估唔到日人都咁唔注意交通安全！我地成團人竟然可以逼左一大半人上去一架16座嘅小巴！一架白川鄉特製沙甸魚小巴就駛去展望台。

《白電單車、白頭盔、白垂櫻旁》
估唔度喺沙甸魚小巴上面都影到張嘅影喎！
有幾靚、幾型喎！哈哈！

對於鍾意睇劇集嘅港人黎講，位於岐阜県嘅白川鄉，大家都可能會有印象！

因為，2年前一個香港電視台喺呢度拍左一個劇集叫做《最美麗的第七天》，當中最靚嘅雪景就係喺白川鄉呢度取景o架啦！確實白川鄉最靚嘅景都係大雪後寧靜冬天嘅晚上！

而白川鄉（しらかわごう, Shirakawa-gou）之所以咁出名就全因為佢同位於富山県嘅五箇山 (ごかやま) 一樣，都擁有好有歷史價值嘅「合掌屋」(合掌造，がっしょうづくり)！呢啲「合掌屋」全部嘅設計都係為左抵禦呢度嚴寒嘅冬天！而「合掌屋」嘅屋頂都係成中國嘅「人」字形，原因係呢度降雪量驚人，而咁樣嘅屋頂可以令到啲雪迅速瀡落屋嘅兩旁，唔會有因為太重嘅積雪壓塌間屋。而且，落咁大雪又咁凍，佢地喺屋頂上擺上厚厚嘅茅草(可能有成 2、3尺厚)，形成一層隔温層，可以為屋內保暖！

又一次證明古人嘅智慧！

啲茅草可能有成 2、3尺厚

而佢地每隔 30至 40年，佢地就會為呢啲屋換上新嘅茅草，不過，呢一個維修工程就要成年半嘅時間咁長！不過，由佢地啲歷史相片見到，換草嘅場面都好壯觀！由於呢度所有屋都用上大量木材同茅草，所以成村都係禁煙！令呢度空氣更加清新！而村民都好有防火意識，最古老嘅一間屋已經有 400年歷史啦！

因為咁有智慧嘅建築同咁有歷史價值令到呢度同五箇山都成為左日本嘅世界文化遺產之一！

好有詩意嘅白川鄉

好彩車程唔長，我地只係做左沙甸魚一陣就到左位於荻町城趾展望台，呢度可以腑瞰擁有 108間大大細細嘅合掌屋，旁邊有一棵満開嘅白櫻花樹構成一幅美不勝收又夠晒詩意嘅圖畫！

真係好想响度寫個生！

既然當時冇得寫生，依家唯有等我都作番篇文黎形容下最靚一刻嘅白川鄉先。

白川鄉木製108間 + 人肉製1間嘅合掌造！ XD

「在大雪過後，白川鄉的晚上份外寧靜。在每間合掌屋的屋頂上也被蓋上一層厚厚而潔亮的白雪，家家戶戶也點起火爐，在家中取暖。從各戶的窗子透出淡淡而溫暖的火爐光，再加上在一個清翠而滿佈繁星夜空的襯托下，火光與星光同時把整條村莊光照著。這刻便是最美的白川鄉吧了！」

返黎啦！返黎啦！當然，我地喺初春同正午曬到盲咁劑嘅時候見唔到我想像出黎嘅白川鄉啦！但係，我地同樣不自覺啲被呢度吸引住…

欣賞完呢度，扮埋第 109間合掌屋影相後，我地又返落山入村啦！

明善寺庫裡

而我地入村必定要經過一條叫「庄川」嘅河谷，而唯一可以橫過呢條河嘅，只有一條吊橋，橋名同樣好有詩意，叫做「相會橋」，我們必定在此相會！

我地入到村，第一時間就去一間叫「明善寺」嘅合掌屋，我地上次因為唔夠時間所以冇入去。其實，佢係一間博物館，由於每間嘅合掌屋都有村民居住，村民為左滿足遊人對合掌屋結構嘅好奇心，就將原本係寺廟嘅「明善寺」改裝為博物館。

雖然，入場費要 300円，但係响裡面除左可以睇到合掌屋嘅結構，呢度亦展出左當時村民嘅生活情況，資料豐富之餘亦可以短暫咁親身感受到當地人住响合掌屋已經值得啦！

參觀完博物館我地再喺村度四圍兜下，再嘗埋飛驒名物 ─ 五平餅 (不過，呢個唔夠响野猿公苑 (Yaenkoen) 果個好食 :{ )，又去尋下櫻。

雖然，司機冇報錯料呢度嘅櫻花真係満開，不過呢度啲櫻花樹太高，唔可以好似响兼六園咁細嚐。
-____-"

夜幕の琵琶湖（びわこ）

唔經唔覺，又已經差唔多到左集合時間，我地去左間掛滿飛驒娃娃 (さるぼぼ (Sarubobo, 意思係「猴寶寶」) 嘅餐廳食個午飯 (其實已經係下午茶時間啦！ :P) 就上車離開咁古樸嘅白川鄉、離開恬靜嘅日本郊區，向日本關西市區出發，向日本第一大湖 ─ 琵琶湖（びわこ）出發！

望住琵琶湖嘆番件燒牛肉先~

琵琶湖其實唔係我地嘅景點，不過，我地今晚會住嘅酒店就位於琵琶湖旁大津市嘅某摩登酒店。酒店之所以摩登，因為佢係一間幾十層樓高嘅酒店，而且，未黎之前已經 check 過呢間酒店，佢地全部房都喺向住個湖！！
:O

由白川鄉去大津市途經一個好啱我嘅中途休息站！點解！？因為，佢叫做 (養老 Yoro)！
XD

導遊更加話今晚安排左喺呢間酒店頂樓 ╴喺38樓度望住個湖景食自助晚餐，慰勞一下大家「琴晚の苦」喎！

望住琵琶湖嘆番件燒牛肉，大家當然滿足晒同開心晒！

聽日去日本第二大城市 ─ 大阪出發！！

o^_______^o

Day 4 ── 完

Day 4 相簿投影播放

星期五, 9月 10, 2010

Gundam 30週年別注電話 [Comic + Anime / Fun / Gadget Stuff]

img from gundam.info

日人真係唔會放過 Gundam 30週年呢個盛事，繼之前嘅航空業同互聯網公司都推出同高達有關嘅產品同宣傳，今日 (9月10日) 連日本嘅流動電話業都要一齊參加埋一份！

軟庫 X Gundam

RG 1/144 Gundam + Gundam-theme 電話 + 跟埋個同時係charge座又係Gundam座嘅電話座！

插住部電話黎 charge電仲可以 play 埋預載左嘅高達經典短片，真係攞左粉絲條命咩！

唔知係咪叫好彩，聽問日本限制左國外人出機，所以，港人粉絲今次可以保命，哈哈！！ ^____^"