TayThink --- Shout Out Greeting!

i wanna to shout out: "Dear My Friends, HaPPPPPPPPy NeeeeeeeW Year!!!"

Hope you always be happy with Good Health in 2009!

MISS U!

o^_____^o

Start from 2006 ...

TayThink --- "寧"聲

近呢兩個禮拜, 周不時都後腦脹痛, 冇任何pattern, 要痛就痛, 冇論你做緊野, 定食緊野, 搭緊車, 定行緊路~ 更加有一晚係痛到醒左! @___@"
成世人第一次睇中醫, 醫師話後腦脹痛原因通常都係肝腎轉弱! o____O"

肝腎轉弱就係因為可能壓力大, 工作煩重同休息不足, 應該係因為之前忙個conference, 試過一日內俾3個events加6個女人同時追債(只是工作上既債)!

身體唔轉弱就奇, 自己既心情真係異常煩燥~ 大表弟仲俾左個花名我叫: 瓜子阿叔 (佢話唔叫巴士阿叔, 因為瓜子阿叔搞笑D喎~ =_____=")

兩年前既聖誕除夕夜, 在朋友的邀請下去左一個"城浸"搞既音樂晚會, 當晚朋友Q係"手鈐隊"既成員, 而"手鈐隊"一共表演左3首歌.

當晚我最鍾意既表演係"手鈐"既部份, 原因係我鍾意"手鈐"音色既清脆, 每個隊員要控制幾個鈐, 打完一個鈐後又要立刻令佢靜止, 純熟快速既技巧, 隊員與隊員既緊密合作! 精彩非常!!

完後我告知朋友Q自己好喜歡"手鈐"呢part, 更向朋友Q"埋怨"點解得3首歌咁少! :P

兩年前種下既"埋怨", 兩年後朋友Q還記得, 再次邀請我參加佢地既手鈐聖誕音樂晚會(其實好感動同多謝她的邀請)
音樂晚會上擇選了來自世界各地既聖誕歌, 編排得很好! 當晚的手鈴聲真的很好聽, 多悅耳啊!
入場時, 頭還在痛, 聽了一, 兩首歌後, 頭痛就冇左啦~
也令我近日的煩躁的心情, 能完全放下, 有著一個寜靜, 美好的晚上~
o^___^o

其實, 我想建議朋友Q佢地既"手鈐隊"應該出CD, 讓更多人可以分享到咁美妙o既鈐聲!
而我會係第一時間買既小粉絲! Hehehe! :D

想想自己點解鍾意"手鈐"既音色呢? 因為, 它給我一個寧靜既感覺, 同一個時空上只會有一或數個鈐聲~
知道自己須要心情同思想既寧靜~

冇朋友Q佢地"手鈐隊"既CD, 近來喜歡聽之前朋友C介紹既 Bossa Nova (Brazil Jazz), 最鍾意係Laura Fygi既Triste同 Disse Alguem (All of Me)

希望大家有一個心情同思想寜靜既平安夜, o^___^o

同你喜歡既人一起共渡聖誕!
Merry Kiss' Mas! :D

Start from 2006 ...

Fun / Gadget Stuff --- 筋肉人USB

[img from: akihabar anews.com]

兩年前呢間公司出左Sit-up狗同咸濕狗系列, 今次佢地出我童年時既卡通人物 --- 筋肉人!!

好靚啊!! 該公司指因為筋肉人29歲生日, 所以今年先推出黎!!

正如介紹既英文網站所講: Totally useless, but fun.

我會講Totally useless, but fun & fit!

Fit 晒筋肉人不停keep fit, 練大隻!!! :D
期待香港既推出!!

仲有我因為呢套卡通筋肉人九唔搭八既口頭禪, 細個時鍾意左食牛肉麵!

大家仲記唔記得佢果啲對白呀!?

「牛肉麵,頂呱呱,味道確唔同, 營養又唔差,我足足食左300年, 食到興興地, 最好用手拿!」

XD + O^_____^O 爆笑既香港對白!! 佩服為卡通配音既香港人才!! 佩服佩服...


Start from 2006 ...

TayThink / Travel / Info / Fun --- 秋季日本郊遊 遊後感二

資料一: (導遊の解說)
大吟嚷, 最高級既日本米酒，咁次一級既又叫乜名呢? 就係冇左個"大"字 --- 吟嚷.
最注重水質同米質! 靚水加靚米就咁就釀, 唔會好似中國製既落藥材, 又蒸幾多次.

吟嚷既製作只用米心, 將米既表面不要, 打磨至原本大細既70%先攞去釀!
如要稱得上大吟嚷, 首先每粒米一定只會用手洗, 再將米打磨至淨番4%先攞去釀.
知道佢既製作過程, 咁千零二千円就有一支大吟嚷, 又真係一D都唔貴喎！


資料二:
立山黒部アルペンルート オフィシャルガイド (Tateyama Kurobe Alpine Route)
http://www.alpen-route.com/tw/index.html

資料三:
合掌村 [Live camera]
http://shirakawa-go.org/live-user/e-monitor.asp

資料四:
馬騮溫泉, 野猿公苑 (Yaenkoen) [Live camera]
http://www.jigokudani-yaenkoen.co.jp/livecam/monkey/index.htm

資料五:
岐阜県白川村 --- 白川郷の紅葉
http://www.rurubu.com/season/autumn/koyo/detail.asp?SozaiNo=210010

資料六:
富山県立山町 --- 黒部平の紅葉
http://www.rurubu.com/season/autumn/koyo/detail.asp?SozaiNo=160012

資料七:
草津の湯でも (草津溫泉區)
http://www.kusatsu-onsen.ne.jp/meitou/index.html

資料八:
輕井澤太子shopping Plaza
http://www.princehotels.co.jp/shopping/karuizawa/info/pdf.html

多謝MyV既資料搜集!! :D

Start from 2006 ...

TayThink / Toto / Travel --- 秋季日本郊遊 遊後感

日本係一個深受大自然煎熬既島國, 地震火山爆發經常都有, 以往既日本人生活在惶恐當中.

依家既日本人冇討厭自己既國土, 反而愛著這個國土供及他們既資源! (但願如是吧!)


佢地鍾意浸溫泉, 可以鍾意到每日早午晚三次咁浸！擁有遼闊既海岸線, 全民也極愛食各種魚類也是全世界都知既事！

行入佢地喜愛既地方時, 好似係白川鄉咁, 佢地會連地上既污水蓋都設計一個屬於呢度既卡通公仔放係上面!

野猿公苑或白絲瀑布山路旁有一條污水渠, 佢地會用一塊塊既石頭砌到好靚!

好似好變態咁, 我真係好鍾意條渠喎! :P

日本人更是一個四季行樂既民族. 春天愛賞櫻花, 夏天愛去沙灘, 秋天愛賞紅葉, 冬天又有雪祭!

還記得上年日本天文台誤報櫻花盛放既時間, 要出黎道歉, 就知佢地幾著緊!

好羨慕佢地有四季分明既天氣, 更羨慕佢地全民都有著愛自然, 愛季節變化, 不停追著季節玩樂既心意!就算係大都會既東京中, 也常見各種既樹木花草! 天然同綠化工程也做得非常好!

極愛大自然既日本人亦同時也尊重大自然(除左鯨魚), 可能係佢地有著咁既態度, 佢地懂得和諧既設計(Harmony Design)!

草津溫泉區裡面一個小小招牌, 令我欣賞到日本人佢地對環境和諧既堅持同肯為和諧設計而犧牲既精神!
香港人(不單指商人, 也指香港既普遍顧客, 顧客<-->市場<-->商人, 大家永遠都係互相影響既關係呢!) 能有這樣的勇氣嗎!? 有這樣的遠見嗎?

係草津溫泉區草津溫泉區一個以白色同啡色為主題色既設計既旅遊區.唔 ... 點解用啡色, 我諗因為草津溫泉既地標 --- 湯畑, 係由一個個木箱組成, 自然就用木既顏色 --- 啡色來做主題色.

兩旁既店舖同溫泉酒店都係以一貫日本既建築顏色--- 素色: 白,黑,灰, 啡為主色. 單係呢一點香港也難以造到了!

當我攞著部相機, 影下呢度既地標:湯畑既時候, 冇一個地方或店舖會distract到我, 我(其他遊人)也只集中注意這個湯畑!

影影下既時候, 我發現一間店舖既招牌(頭先提到), 一個係香港甚至世界各地都見到既"數字"便利店 --- "些粉"既招牌!

一向都以白, 紅, 橙, 綠為主色既招牌, 係呢度改上呢度草津溫泉區既主題色! (攝於 秋季日本郊遊團 |Day 3|Part 2)

以往係香港老遠就見到呢間便利店, 今日竟然隱藏係草津溫泉區裡~

不論係呢度區內既人士要求呢間便利店除去佢原有既色彩, 定係呢間特許經營店既老闆自己既意思, 又或者經過多少既游說或法律文件既程序 ...

呢一刻, 為呢間便利店除去佢原有既色彩既人已經贏左我既歡心, 我連續影低這間便利店既中, 遠, 近既相, 不停咁叫MyV: "你睇下呢間7仔!你睇下呢間7仔!"去欣賞呢個Harmony Design! 其他人應該以為我痴線, 係鄉下出黎, 未見過7仔! ^____^"

可能你都會覺得我神經病, 不過, 要贏人地就係呢少少既堅持同執著! 我地中國人"學"野真係好快, 不過, 捕捉神緒同呢一份細緻就欠奉啦!

我鍾意日本人對自己既土地同環境既喜愛, 欣賞佢地既和諧同細心既設計(一個簡單既價錢貼紙, 一個產品既說明書或一個污水蓋就知啦!), 就係呢"少少"就知道佢地如何細膩對待自己既生活, 人生.

曾經有朋友話去北海道, 見到一對日本既公公婆婆去影花, 佢地好慢好慢咁set好部相機, set好個腳架, 左度右度, 我個朋友影完一轉相番黎(已經過左成個鐘咁泄), 佢地都仲係影緊同一朵花!!! o______0"

我諗我依家未必可以咁, 不過, 我想學習日本人對生活既細膩, 對周圍環境既awareness. 咁樣就知道自己與自然環境既存在, 欣賞當下, 欣賞自己, 欣賞自然!

o^_____^o


Start from 2006 ...

TayThink / Apps --- G記 Free Photo Editor

之前朋友C問及左邊既摺相究竟點整!?

其實, 呢個係G記免費軟件 (freeware) --- Picasa內既一個小function: Collage (抽象拚貼畫).

最緊要係方便,快同唔洗$$! :D

有興趣, 請參閱以下網址
Collage Function 簡介

Collage Function 教學(UTube版)

下載 Picasa 2 中文版

下載 Picasa 3 beta 英文*預測*版 
(更多功能, 但還是測試當中)


Picasa 3 簡介



Start from 2006 ...

News / HK Event / TayThink --- Nick Vujicic Give Up Get Up 佈道會 (Evangelistic Meetings)

I'll attend and prepare 2 pack of paper tissue, will u attend too?

 http://www.getup.hk 

Start from 2006 ...

Toto/TayThink --- My Grad. Pic

My friends, thank you so much for giving me the wonderful memory!
o^___^o

Sent when Tay is on fly!


Start from 2006 ...

Toto --- Way back home @ Japan

Start from 2006 ...

TayThink / Toto / Travel --- 秋季日本郊遊團 | 立山黑部 (Tateyama Kurobe) | 野猿公苑 (Yaenkoen)|Day 5

今日係呢個旅程既最後一日, 我地住兩國駅 (近相撲既競技館同江戶搏物館), 我地今日有幾個鐘頭既時間就要上機, 有D團友好厲害, 竟然去到迪士尼!! O____0" 其實 11:30 要返到酒店!!
我地就擇左去多年前朋友M介紹既地方 --- 上野アメ横丁(阿美街)!

去阿美街, 有幾個原因:
1. 近酒店, 由呢度去上野御徒町, 只雖5分鐘, 撘都營大江戶線, 車都唔洗轉就去到啦!
2. 呢度賣乾濕貨街, 啱晒兩位阿媽行!
3. 仲有成橦既玩具店, 啱晒我地行！小饅頭版(小金)就係呢到買架啦! :D
如果新宿係銅鑼灣, 上野阿美街就好似香港既旺角, 女人街+花園街! 掃手信一流既地方!!

輕輕鬆鬆(只係指心情, 兩手都係蠻沉重的~)行完阿美街, 我地返酒店PACK箱!

臨上機前, 我地先食個午餐, 烤肉自助餐, 嘗埋A4既神戶牛, 又係好滿足咁上機~~


玩完呢個秋季日本郊遊團!!!

回港努力工作!!!

^______^" + >________<"

東京上野アメ横丁+兩國酒店の地図




Start from 2006 ...

TayThink / Toto / Travel --- 秋季日本郊遊團 | 立山黑部 (Tateyama Kurobe) | 野猿公苑 (Yaenkoen) | Day 4

我地一大清早就去左酒店內既溫泉, 有幾早? 又係6:30出發! 7:00正入去到浸溫泉! 都係男女分開, 也有室內同露天風呂~ 不過, 男女湯中間, 有一個要著泳衣既混湯, 也有一個足湯~ D小朋友就當係嬉水池~ -________-"
浸完溫泉, 我地行番我地住既小木屋, 影下路上既紅葉~ :D
呢度係我地今次旅程最多紅葉既地方! :( + :)

食完個日洋式既自助早餐, 我地就去今日既景點亦係我地伐呢次旅程最後一個自然景點, 白絲瀑布!
瀑布離酒店只係廿分鐘既車程，落車伙後行兩分鐘就到啦~
白絲瀑布既名就係個瀑布好似白頭髮一樣~ 你地話似唔似?

停車場旁有不少既小商店, 當中有鹽燒河魚叔叔, 好多人幫親啊! 我地剛食完早餐, 實在太飽就試唔到啦~

做完晨運後, 我地就進入"購物模式", 到酒店內既outlet逛街, 購物!
其實, 我地住既呢間輕井沢酒店, 係一間大型娛樂式酒店, 有得打golf, 滑雪, 浸溫泉外, 佢地有一個大型既outlet, outlet 更分為 East, WEST, NEW EAST, NEW WEST 同食街, 真係一條街, 裡面開滿十幾廿間不同既食店!
鋪頭就唔知有幾多間啦! 法國既an耶s bay, 美國既n_ke, add_as, L.L. 豆, ... 你地自己係相簿到數啦! 估中可能有獎! :P
當中法國既an耶s bay就最平, 有個香港賣緊1300蚊既袋, 佢地賣5000yen, 既係400蚊!! 嘩!! 平成2/3!!!! o____O"

我就買左兩個UB既環保袋, 我一年多前知道日本呢度UB好有心機設計既環保袋, 香港就見唔到有得賣! :D


行到咁上下我地就去左食街醫肚, 食义繞拉麵同餃子! 咸左D, 大過都幾好味!

點知食完後, 見到一間好正既麵包鋪, 香港都成日見到既法國"抵你發"麵包鋪, 兩位阿媽話D包好靚, 又買左幾個 ... 不過, 真係靚過香港既~

行下有見到一間呢度出名日製新鮮果醬店, 咁又不停試食! 食左廿幾款醬!! 飽上加飽!! @_____@"

行完呢個OUTLET, 我地會搭子彈火車落東京，行新宿！第一次, 搭子彈火車, 感覺!? 冇, 因為, 差唔多全程都瞓著左! :P

到左新宿, 各團友就全力出擊逛公司, 我地都係逛公司, 不過, 我地就去行高_屋既超級市場, 睇下佢地賣既貴價生果, 一入公司大門已經普通話大使同我地介紹, 非常親切, 不過, 唔似去左日本~ 如此同時, 也察覺到我國同胞消費力之高是多厲害!

我地買左好靚既富有柿! 再去歌舞技町附近既百果園買世界一蘋果, 巨峰提子同梨!! 又足足平香港2/3!!
同份量同包裝既巨峰提子香港賣198, 呢度賣1000yen, 即80蚊! 仲要係新鮮好多! >___<
Hand carry 都要帶晒佢地番香港!!

左去買(幫人買)化妝品同藥品, 又一大袋一大袋咁返酒店!

輕井沢酒店同白絲瀑布の地図

檢視較大的地圖

Start from 2006 ...

TayThink / Toto / Travel --- 秋季日本郊遊團 | 立山黑部 (Tateyama Kurobe) | 野猿公苑 (Yaenkoen) | Day 3 | Part 2

睇完馬騮後,我地去今日第二個景點, 有日本三大溫泉之稱既草津溫泉, (其他係北海道既登別同兵庫縣既有馬溫泉).
去草津溫泉前, 我地會先去佢既溫泉既源頭, 草津白根山, 一個活火山, 日本百大名山之一.
導遊話登白根山一D都唔輕鬆, 上次整團人行到一半都要折返, 凍都跑番落山~
心諗行山去睇馬騮又行左, 上雪山又上左, 今日天氣又咁好, 上白根山點會有問題呀~

點知一落車, 就知這次真係會唔容易!
雖然陽光普照, 不過呢度山頂好大風, 風到人都郁, 好凍~
而且, 我地都算處於高原既地方(白根山高為2160米, 我地大約係2000米),
由暖笠笠既車廂出到呢個空氣稀薄又凍又大風既山頂, 做帶氧運動, 不停行斜路登山, 真係一D都唔容易!
一路上山, 路既兩旁有兩間"避難所"以防火山爆發時, 入去避溶岩! 好驚啪啫! O___o"

用左比平時慢一倍既速度, 我地終於上到山頂: 湯釜, 一個帶有高濃度鹽酸既火山口湖, 形成淺藍色既湖水, 親上山頂白色既新雪同淺灰色既火山灰, 一幅美麗既圖畫~ 但這幅美麗既圖畫, 不能久留欣賞, 因為個頭好似就黎俾D風吹甩~

我地行番落山, 到手信店旁既i記咖啡店, 買左兩杯熱朱古力同一杯巨峰提子軟雪榚!!
係! 我果時係好矛盾! 愈凍愈想食D凍野~ :P

凍完後, 我地就上車去草津溫泉進發. 由山頂落去溫泉, 我地一定要感受下以賽車出名(頭文字D)既群馬県, 佢地山路裡既急彎 --- 髮夾彎!
雖然, 這裡冇藤原拓海, 冇A86又唔晌榛名山(はるなさん, 頭文字D既故事發生地), 不過, 我地有好既旅遊巴士司機: 高野先生, 我地雖然感受唔到飄移, 但我地感受到髮夾彎同高野先生駕駛技術既厲害!
我地到草津溫泉落車時, 冇人嘔又冇人暈~~ HAHAHA

草津溫泉既地標就係湯畑同湯畑旁一個供遊人手湯(浸手)同足湯(浸腳)既小溫泉.
由於白根山流落黎既泉水實在太熱, 不能立即引到各溫泉酒店俾住客享用, 所以, 當地人就用一個又一個既木箱將D水隔著, 涼凍D水, 再引到各溫泉酒店俾住客享用.

而供遊人手湯(浸手)同足湯(浸腳)既小型溫泉, 我就唔知叫乜名, 但我就俾左個大冬瓜溫泉既名俾佢! 因為, 我就係呢度又跌親! 搞到自己成個大冬瓜咁!

點解會跌親呢? 其實足湯既地方好細, 只有三邊可以坐~ 每邊只可以坐4個大人, 人人一見到有位就坐落去, 兩位阿媽同MyV都坐低左, 岩岩有空位, 咁大家好心急叫我坐低, 我自己當然都好心急啦~ 又除鞋除襪, 顧著同佢地影相, 又驚自己部相機會掂到D泉水, 點知當自己隻腳掂到泉水時, 先發覺原來未摺起條褲腳tim! 咁就立即縮番起腳啦~ 但因為坐既位置好淺, 重心一向後移就出事, 成個人翻左向後面跌左落地~
咁就出見左一個大冬瓜啦! 條腰瘀左一大"撻", 所有浸緊既足湯既香港同日本人都嚇一跳, 不過, 大家見我起番身, 無事都笑起黎~ 我就只好苦笑啦~ heeeeheeeeee
-_______-"

浸完足湯, 我地就到旁邊既名物販賣店, 買呢度既名物 --- 溫泉饅頭! 用溫泉水做既饅頭D皮好煙韌, 仲有好香既豆沙, 好好味啊!


做完大冬瓜, 我地去今日行程既最後一站: 淺間山鬼押出し園! (淺間山也是日本百大名山之一)

1783年火山爆發後既遺址, 當年死傷嚴重, 爆發後既岩石形成不同既形狀, 好似我地桂林既石林一樣, 不過我地到既時候已經較太晏, 又知道呢祿度係遺址, 天色差唔多已經黑晒, 冇左太陽, 氣溫又低, 配上黑到睇唔到既黑色溶岩石, 特別陰森~~ 真係一個名符其實既鬼地方 ...

冇野做唯有影張無聊相: 等我吹走淺間山既火山煙先!
參觀完鬼押出し園, 我地番酒店~ 今次旅程最靚既酒店: 輕井沢既小木屋酒店!

我地今次可以兩個人住一間小木屋, 每間屋可能有千多呎!! 每間屋有兩間房一個大廳! 大廳中有一張四人既飯枱, 而每間房又有兩張床, 果晚都唔知擇右邊張床好, 椗左邊張床好~~ 真係日本好少見既酒店!!


我地為左好好享受呢間酒店, 我們聽朝會去浸個早晨溫泉, 今晚就黎係房度黎個由北海道宅急便既宵夜, 鱈場蟹同牧丹蝦!

我後悔食左牧丹蝦先, 因為佢地實在太 ...太...太...甜甜甜甜甜甜甜啦~~~~~

大劑!! 又食到咁飽去瞓tim! 哎 ... 番香港要地獄式減肥啦!! (已經報左今年既馬拉松啦! :P)

草津白根山及草津溫泉の地図

檢視較大的地圖


Start from 2006 ...

TayThink / Toto / Travel --- 秋季日本郊遊團 | 立山黑部 (Tateyama Kurobe) | 野猿公苑 (Yaenkoen) | Day 3 | Part 1

馬騮溫泉, 野猿公苑 (Yaenkoen)位於長野(Nagago),(古名信州, 日本の令制国の一つ、信濃国の別称。現在の長野県。From Wiki), 途中經過小布施休息站,我地買左信川既名物(特產) --- 蘋果, 不過唔係大果隻而係細既"天子嬌囡", 細細粒, 帶著淡淡既蘋果香, 兩啖就食晒, 是很好o既健康小食. :P~~

入野猿溫泉呢個連National Geographic都有介紹過既世界唯一馬騮專用溫泉, 任何人都要行2km長既山路入, 2km山路出!

禽日上立山只可以話係登山, 因為全程都係撘車, 只在水霸行左一小段! 今日就算係第一次係日本行山啦!
唔 ... 感覺好舒服, 因為氣溫7度左右, 少少陽光, 少少風, 少少雲, 好爽呀!! 心情舒暢, 我地一路行一路影下呢度既山景.



未到野猿公苑入口前，有一個溫泉眼叫地獄谷溫泉, 泉眼不停噴出一條兩三層樓高既泉水, 旁邊有一間民宿既露天混湯, 即係男女一齊浸溫泉既露天風呂!!! :O

D馬騮仔就無理你咁好氣, 係成間酒店度通處走, 你有你浸, 佢有佢搵食! 今次有幸見到四位妙齡少女浸溫泉!! Wow! :P

大家唔洗諗著係我D相搵到呢四位日本妹啦! 我冇影到相, 雖然, 我帶左支長炮, 但學導遊話齋要"尊重別人嘛"! :) + :P

越接近野猿溫泉, 就越黎越多馬騮. 一過左條橋, 就見到一隻剛浸完溫泉, 成身濕晒既馬騮仔坐係欄杆度捉緊蚤同晾緊乾自己, 行埋佢果度差不多只有兩步既距離, 佢都唔會理你, 繼續捉佢既蚤!
再行多幾步, 就係野猿溫泉, 溫泉唔算大, 好似我地香港公共泳池裡既BB池咁大, 已經有10幾廿隻男男女女同一家大細既馬騮浸緊溫泉或坐係泉邊.

遊人不停攞起相機同D馬騮影相, 佢地成班就"眼超超"咁望番我地, 都唔知邊果係"被觀賞"o既一群 ... -_____-"
有D馬騮就唔理咁多, 努力咁幫其他馬騮捉蚤(其實應該係取鹽), 馬騮BB就最百厭, 又爬繩又捉著其他BB玩~

突然, 發現有D馬騮不停牛咁眼望著D泉水, 莫非個溫泉有溫泉魚!? 佢地想捉魚食!? 但係又唔似喎!
呀! 終於醒起係旅遊講座度, 講師話因為11月既天氣(當日係7度)對於呢D雪馬騮黎講係完全唔凍!

管理人員唔想我地呢D遠道而黎既遊人失望, 就會灑D豆落去個溫泉度, 等班雪馬騮,落去執豆, 順便又浸番個溫泉!
開頭仲驚D馬騮唔會出現, 或者唔會落溫泉, 原來馬騮唔會走, 因為掛著執豆! o___O"

睇完呢班咁識嘆既雪馬騮, 我地行番2公里出黎, 係小食店買左五平餅, 其實唔可以話係餅, 而係燒飯團, 岐阜縣一帶的街頭小食, 好好味呀!

我試過一間香港日式燒物店, 試過佢地既燒飯團, 成個飯團外燒得好脆, 裡面可能有鰻魚或其他野, 食起上黎就可能比較乾身.
呢個五平餅就啱啱相反, 佢係一個較濕既長形淨飯團, 包著一支木棍, 塗上日式既燒烤醬黎燒! 食起上黎因為有燒脆左燒烤醬, 同樣香脆!
但因為夠水份, 咬落去後, 熱辣辣米香就由飯團湧出黎, 好濃既米香,真係好好味架! おいしい!!!
食著美味既五平餅, 賞著前方既一撮紅葉, 好好feel啊!

睇完馬騮, 我地繼續前往其他景點, 途經志賀高原既蓮花駅, 1976年冬季奧運既會埸, 望著冇雪既滑雪場, 食sabu sabu, ok喎!

野猿公苑 + 地獄谷の地図

放大地圖


Start from 2006 ...

TayThink --- Today is My Congregation Day

Start from 2006 ...

TayThink / Toto / Travel --- 秋季日本郊遊團 | 立山黑部 (Tateyama Kurobe) | 野猿公苑 (Yaenkoen) | Day 2 | Part 2

參觀過合掌村後，我地就向這個旅程既第一重點立山黑部(Tateyama Kurobe)進發。
(圖片由official website轉載)
立山（Tateyama）跨越兩個不同既縣: 富山同長野縣(古名信州)，要乘坐六種不同既交通工具登山，未上機前看見朋友P既相，早已唔奢望會見到紅葉滿佈既立山，今年因為提早凍左，11月10號已經要封山(我們是離封山日前的第8天!)! 不過, 在公路上遠遠看見積得滿滿雪既山頂，心情就仍然非常興奮但同時又好擔心會好凍！好在今日天氣好好，雖然有D雲但無風同有太陽!!

興奮既原因係我第一次見到真雪，我地係立山駅(下午1：30)吃過中午飯就撘尾二班立山電纜車[交通工具一]上山到美女坪(下午已經無人上山，因為5點半已經黑晒天) 再撘高原環保巴士[交通工具二]去山頂. 我地終於到左我地今個行程最高既景點，2450米既立山室堂,我地走出室堂既觀光台，雪已經落得滿滿同厚厚的了！由於係新雪又有太陽，D雪就好似好滑又好似好白咁。
我地急不及待就衝出去，懶理出面只係零下1.3度！一面衝出去，一面不停叫兩位阿媽小心跌倒，但又好心急咁拿起D雪製造人生第一個雪球！
再向前踏出一步，成隻小腿已經陷入軟綿綿的白雪中了。

回頭一看，兩位阿媽仲行得快過我地, 又話要整雪球又話要去影冰湧泉水，又話要去影立山石牌，又話要行下果邊又話要行下另外一邊, 仲要坐係雪上面影相, MyV隻鞋又跣下跣下，我相信我係全山最嘈既男人，唔係，應該係全山最嘈既人(第一次可以嘈過D女仔啦!),不停叫著: "慢慢行！唔洗急！小心D!"

非常好既係佢地個個都無跌倒! 不過, 最嘈果位 --- 即係我，就跣低左啦!! 躂到個PatPat都幾痛呀!

跟著我地就搭無軌電車[交通工具三]去位於2316米高既大觀峰(Daikanbo), 再搭立山空中索道(吊車)[交通工具四]到達1828米高既黑部平(Kurobe Daira), 和黑部峽谷。這程如果係紅葉處處就係最靚既景點, 佢地著名既名信片(紅葉+黄紅色吊車)就係呢度影架啦！可惜今年提早凍，無計啦！ 之後再乘坐地下索道[交通工具五]到黑部湖(Korobeko), 和黑部水霸(Kurobe Dam), 到達時已經係4:30，天色已經開始黑啦! 全個水霸只剩我地一團香港團同一團日本公公婆婆團，天色已經好黑而且月亮都出埋黎，可知這個水霸是用嚟水力發電，規模不少，但人流這樣稀少，又沒有陽光下，整個水霸也份外心寒!! :S

我地徒步行10分鐘經過黑部水霸, 搭埋最後既無軌電車[交通工具六]後，我地到達立山既另一邊也是長野縣／信州，我地都係最一班離開這裡既旅客，Sayonana, Tateyama！

跟著我地就去信州大町溫泉區，浸溫泉舒緩一下今日既辛勞，準備聽日另一個艱辛既旅途！

浸了個湯, 有室內和露天風呂，不過，唔係混浴，只是男女分開吧~不過我都第一次無遮無掩咁係人面前沖涼，都係一個很好既經驗啊！

立山黑部(Tateyama Kurobe)の地図

檢視較大的地圖


Start from 2006 ...

TayThink / Toto / Travel --- 秋季日本郊遊團 | 立山黑部 (Tateyama Kurobe) | 野猿公苑 (Yaenkoen) | Day 2 | Part 1

今次既旅程除左立山黑部同野猿公苑這兩大重點, 要數第三重點一定是這裡 --- 白川鄉 (Shirakawa-go Gassho-zukuri Village)


白川鄉又名合掌村處於岐阜県大野郡白川村鳩谷, 種植大米為主既鄉村, 因為擁有108間既古日式建築合掌屋, 列入世界文化遺產, 人們取材於日常生活，用左大量既茅草建成厚厚既合掌型(成60度角)屋頂, 以抗嚴寒既冬天同厚厚既積雪, 每年屋頂上既積雪會有高達三尺以上!! 小屋形成一個小鎮。我們經過一道索橋名為相會橋, 進入這個遊人穿梭不斷既合掌村！雖然，人來人往但竟然感到她的寧靜和脫俗！而且, 再次證明古人的智慧!

白川鄉 (Shirakawa-go Gassho-zukuri Village)の地図

檢視較大的地圖

Start from 2006 ...

TayThink / Toto / Travel --- 秋季日本郊遊團 | 立山黑部 (Tateyama Kurobe) | 野猿公苑 (Yaenkoen)|Day 1

以前去旅行會做好多功課，今次只知少少有關景點既地理資料, 就怱怱忙忙上机了！
從＂面書網＂中看見友人P自由行已經身處大風雪中既立山！ 自己就分外興奮！諗都諗唔到第二次黎日本會選擇去立山 (Tateyama)這個鄉下地方行山！！其實好彩睇到朋友P既相，如果唔係我地就唔識準備厚衫以抗風雪!

臨上机好好利用香港國際機場o既免費資源 --- 無線網路, 再上＂面書網＂check下朋友P果邊既情況, 佢地一家已經到達白川鄉，留埋個comment就上机。

飛機上看見我地既飛行航程會經過韓國既斧山（Busan），一個本來10月會去既地方，（朋友B幫手安排去參加斧山電影節），依家變左黎立山， 第一晚既酒店仲要住係日本既富山(Toyama)，過幾個鐘又可能會同朋友P一家係名古屋碰面，真係幾搞笑! :D

4個鐘多d既機程後我地到達名古屋這個較新既機場「中部空港」，（三年前為愛知世界博覽起既，朋友M三年前就去左， 仲買左個世博「孫仔」匙扣，依家掛左係我公司既芒上）。

黎到名古屋無機會撞到友人P， 因為只係短暫停留，黎個早既晚飯（曰本時間5點鐘）就要趕車入富山縣既酒店了, 車程都差不多四個鐘！是日晚餐是「 手桶定食」！！ 又幾好味喎！

食飽後就撘三個鐘頭車入富山縣，準備聽日去白川鄉同上立山！！

在飛驒高山(Hida Takayama)公路途中寫下

PS:多謝是次司機：高野先生(Takano San)同導遊：Paulo San

富山酒店の地図

檢視較大的地圖

Start from 2006 ...

Fun / TayThink / Toto --- 一見鐘情, 愛不釋「搜」...

一見鐘情, 愛不釋「搜」, 左手「禁」著右手, 唔該忍手!

第一眼同MyV係尖咀L'SEE'X見到呢隻監犯喵, 就即刻攞上手異口同聲話:"不如買o左佢羅!", 之後, 繼續"搜"羅其他喵款! 一共買o左5隻!

我地最終就收留o左監犯喵同粉紅毛羊咩喵, 送o左另一隻監犯喵, 粉紅毛羊咩喵同白毛羊咩喵俾朋友做生日禮物, 個個朋友都好鐘意啊!! Yeah!

阿媽就話呢隻"黑色"o既好曵, 好想打佢, 呢隻"粉紅色"個樣就好乖~

家姐就話見到隻粉紅毛羊咩喵就好想錫佢同攬著佢喎. :)

呢鋪癮其實之前已經有o架啦, 見到雜誌上介紹東京迪士尼25週年o既精品, 已經叫家姐o既同事幫手買, 買o左別注版o既可樂同糖果旅遊巴士, 因為設計實在太精緻啦!!

唔知係咪同朋友A志趣相投, 佢送o左我之前一見鐘情o既芝士老鼠水杯蓋! 香港人設計o架! 相知多D, 睇o下我之前o既post啦!

跟著買埋呢樣一見鐘情o既玩兒後就決定, 要左手「禁」著右手, 唔該忍手! 重新訓練EQ! :P

呢個就係童年最喜愛o既卡通人物之一 --- 小吉!

前前後後用o左幾個月先"搜"羅晒第一, 二代! 今次就算唔忍手都係時候抖抖啦! @.@"



Start from 2006 ...

TayThink / News --- 多了個title

用o左3年o既時間, 係自己個CV度, 終於可以加多一個MSc 既字眼了!

熱烈歡迎各方好友, 蒞臨我與同學仔o既畢業展覽!
我個攤位冇野睇, 不過我幾位同學仔的作品就好有水準啦!
仲可以搵我影相 (不過, call下我先, 等我裝o下身先, 唔洗咁樣衰! :p), 我係樓上番工呀! :)


School of Design
MSc in Multimedia & Entertainment Technology

Exhibition
Date: 22 to 31 October 2008 (Monday to Saturday)
Time: 10:00am to 7:00pm
Venue: Room PQ002, G/F, Core P, The Hong Kong Polytechnic University

Free Admission
More info: http://www.mic.polyu.edu.hk/msc/gradshow2008/

我o既project 係乜!? 網頁中title最長果個, 咁你就知點解冇野睇, hehehee~~~


Start from 2006 ...

TayThink / Toto --- 忙...忙...忙...的中秋節假期

遲o左成個月有多o既post! (原本發出日期為: 2008年9月18日) Sigh!!! >__< #%XYZ$#$!#$BCDE

星期六 (9月13日)
下午: 四出搜羅及送贈中秋生果,終於可以品嚐到超美味的日本黃金桃 (不過今年加o左價要$95一個!! o___O"), 同場加映有紅皮o既黃金桃~ 其實上年都試過一個"就黎"爛, 生果姐姐果時40蚊買o左俾我, hehehe, 真係好好食呀!

今次, 仲好味! 冇o左d"就黎"爛o既苦澀味, 紅皮o既好有桃味, 正宗黃金桃阿媽話好有蜜味! (又令我想起加拿大冰酒啦! :p)

晚餐時間: 去o左食pizza"造節"同屋企人分享o左個PatPat月餅! 被表弟激死! @_____@"

跟著去o左朋友S度賞月, 試o左"半島"o既月餅! 正!! :D! 再同朋友A同M去樓上cafe飲野吹水! 睇o下錶! 頂 ... 2點!! 大鑊!! 聽日約o左阿媽上深圳反, 死梗! x_____x

星期日 (9月14日) 深圳一日遊, 泰式按摩(以後都唔會再去國內做泰式按摩! 只係收貴你o既中式按摩!!), 特登去搵公園行!?(名叫園博園, 可以一去, 不去也沒損失), 逛書城, 買o左一盒18套o既宮崎駿動畫 ... 10點幾先番落黎, 散散地~
[未upload 相]

星期一 (9月15日) 一大清早, 山頂步行籌款, 食埋lunch, 搞o下搞o下又到黃昏先番屋企 ... 嘩! 忙過返工 (當時我真係咁諗, 不過, ...)


Start from 2006 ...

TayThink / Info / News / HK Event --- 全力"十扑"香港設計界國際會議

6th-9th Oct, 2008
6th Design and Emotion - Dare to Desire. (有日與夜version, 每日會根據日出日落o既時間轉換)
香港旅發局也全力支持, 機場會擺放大型banner!

9th & 10th Dec, 2008
DesignEd Asia Conference 2008
香港傳統設計界o既國際會議, 上年在西隧口有大型廣告, 佔了整條收費站上的廣告!

今年兩個會議也與荷蘭各設計團體合作舉辦!


全力"十扑", 但有點吃不消~
我名副其實係 "HOLLAND FAN"!!

=______="


Start from 2006 ...