參觀展覽趣事一則 [Fun , TayThink]

琴日去左參觀一個博物館搞嘅展覽，有學生團、公公婆婆團、仲有自由行！

同其他香港嘅展覽一樣，囤左重兵係每個角落確保我地港人「守規矩」。除左場內廣播，各"實Q"哥哥、姐姐都充當人肉廣播機，不停重複講：「場內禁止拍照！場內禁止攝錄！…」

之前真係見過有人post晒差唔多成個展覽上網，真係曳曳！

雖然，各"實Q"哥哥、姐姐好盡責，不過，呢啲電子 + 人肉廣播真係有啲煩擾！

參觀完第一個展館，去第二個展館前，「人有三急」去完個厠所鬆一鬆。

去完出黎，見一個熱心又盡責嘅"實Q"姐姐追住班自由行妹妹，大叫：「喂！喂！你地係咪留左野呀！？（廣東話）」

我轉頭一望，見到"實Q" 姐姐揸住把摭。姐姐好似突然發現果幾位唔係港人，嘗試用第二種語言，又大聲講：「你地係咪留左UNDER!!（廣東話+英文）um …泥民 Nul 左把散呀！（疑似普通話，"你們留左把傘"）」
O___o" + XD 

雖然，"實Q"姐姐嘅勇氣同敬業精神值得好多後生仔去學習，亦知道佢想講 umbrella，不過，咁大聲，响厠所門口，仲係大庭廣眾同班妹妹講佢地留左 UNDER …

真係，令我哭笑不得，眼都凸埋出黎！！

XD + =.=

再次證明，學好兩文三語對我地港人嘅重要性！

咱們努力！加油！

下次有機會，再講我喺灣仔一間有名茶餐廳遇到另一件趣事！

Start from 2006 ...