TayThink/Fun/Sports --- 中國四大發明:指南針, 讓我可以通山跑

<-- Taken by D, 多謝提供!!

昨日, 山藝班最後一堂o既outing, 終於可以五個同學仔一切玩啦! 天氣雖較熱, 但非常清朗~ :>
又像上一次outing咁未到八點, 已經到o左西貢海旁o既茶餐廳食早餐, 超浪漫!?
-____-" 超眼瞓至真!!

當天學習了八種o既繩結, 各有不同o既用途, 當中用雙魚翁結把繩製作出頸鏈, 確是有趣, 也解開我多年不解之迷~~
吃過午餐後, 要到我們的重頭戲 --- 野外定向! 三人一小隊在兩個鍾內上三個小山丘搵10個checkpoints. 我與女S.同Fat D., 拿著指南針, 地圖, 使用之前所學的西維氏式定位法(1928年, 瑞典人發明的方法), 就出發搵checkpoints, 一邊跑著, 一邊不停使用西維氏式與指南針來肯自己的方向是否正確, 心感中國的發明(東漢時代)是多偉大, 配合歐洲的改良及使用方法, fusion後的產品是多好, 多厲害啊! 讓我可以通山跑!! :D

由於我隊緊密合作, 接近一個鍾既時候, 我地已搵出8個checkpoints, 我們繼續前往在第二個山頭的checkpoint 9去了. 不久到達山頂上, 我們看到270度o既超美海景, 既可遠眺塔門更可看到蚺蛇尖(圖中最高的山頂)~ 我與隊友們也不得不"嘩"了出來~ :O 很美! 難怪我聽聞有些日本人專程到香港行西貢, 我也見過鹽田灣有印了日文的名信片!! 海跟天一樣藍, 海上魚排, 船隻, 碼頭及山上不同的建築物, 山咀, 山坳也清楚可見, 太感動了!! :O
我們一望(嘆)就半小時了, 美得確實不想走~

我隊最終應該是第二隊完成~ :)

PS:
1. 當日又重演"世界真細小", 行行o下又撞到我預科o既miss~~ @_@"
2. 當日也是名副其實的愚人節, 行o左8個鍾頭山, 又要趕著出尖咀飲~ 點知大塞車, 一塞就塞o左一個鍾零40分, 返屋企沖涼換衫, 搞到要扑出去飲, 00:00 先返屋企~~ 暈lu~~ @_@"

Start from 2006 ...