Gadget Stuff /Fun /TayThink --- 喂! 睇住你缸魚啦!!

養開寵物o既朋友, 要外出公幹或旅行一定很頭痛! 點樣照顧自己D寶貝呢? 好彩依家多o左D貓狗寵物酒店, 你去Relax, 你D寶貝又可以去relax (um ... 希望係啦!)~~ 如果你養D寵物係魚仔咁就慘o羅! 因為冇魚酒店!! 如果係熱帶魚, 就重慘~~ 要擔心供氣同食物之餘, 更要擔心D水溫! 你外出前, 要安排人手(通常係你D親朋戚友)去照顧佢地~ 真係一個大project啊! 你玩玩o下又唔知D寶貝o既情況, 你又會打長途番香港問o下, 真係玩都玩得唔開心啦~~ 家陣韓國剛出o左一件新產品配合電腦, 可以幫o下大家! 雖然, 係唔完整o既solution, 但至少也可以一解大家掛著自己寶貝之苦~~

我覺得係一個唔完整o既solution, 係因為佢重未可以幫手餵魚糧俾你D寶貝魚食! 不過, 佢可以一解你擔憂之苦! 佢叫ComFish!!你可以將部電腦透過USB與ComFish連接著, 電腦就用USB供電同Control佢! ComFish有一個build-in Cam, LED燈同HEATER! 你可以透過安裝係電腦o既程式, 用個CAM睇著你D寶貝魚! 更可以控制氧氣供應, 開夜燈(LED燈)俾D魚仔, 更可以控制HEATER唔好俾D魚仔凍親~~ 哈哈~ 超厲害!! :D **重有四隻顏色: 金,銀,紅同藍~~

Start from 2006 ...