TayThink --- 大家好, 我是磁石人!?

近呢幾年不知點解好常撞到不同自己認識o既人!

好似有一次為o左避開人潮, 特登請假係平日入迪士尼, 排排o下隊有人叫著自己o個名! 望一望原來係大學o既同學! (都有好幾年冇聯絡了!)

又好似之前參加山藝班, 同校預科師妹做o左自已o既導師, 行行o下山重撞埋預科o既Miss!! :O

又有次出街, 一入地鐵車廂就撞正朋友吉與占美!

o係會展搞完booth, 撘長電梯走緊o既時侯又撞到以前的大老闆!? 條電梯要撘成半分鐘, 佢上我落, 你眼望我眼! 又唔知佢認唔認得我, 搞到唔知叫佢好定唔叫佢好! 最後, 我同佢打招呼, 不過, 我諗佢都唔記得我架啦!

又有次幫手送機, 晨咁早(六點幾)到機場, 搵早餐食搵到去T2o架啦! 又撞到個同事!

有次由屋企撘巴士過海, 車上遇見位師弟, 過紅隧前埋站又望見下邊舊同事, 跟著行行o下"C.T 濕爬"又撞到阿金同阿搾! :O
連中三口!?

昨日中午後返舊公司附近,
又會咁嗒撞見同事P, 佢咁嗒放下晝!


總之好似每次出街就可以玩一個"今天遇見誰?"o既遊戲! @___@


我想講o既係可能我地平時出街, 係同一時間朋友A, B或C都可能係同一區! 不過, 我地又可能碰不到對方, 要大家撞到就要夾埋一個Perfect o既Timing同Perfect o既環境(人不能太多)~不是想得那樣容易!



諗諗諗! 點解自已近年咁易撞到人?
其中一個原因係我諗我撘車或行街都鍾意望人! (所以, 我唔鍾意撘地鐵, 因為只可以望到車廂內o既人, 人數o既變化上滿足唔到我!)
第二個原因我諗係咪我呢幾年識多o左人呢? 諗o下又唔係呀! 自己個facebook得幾十人又多數係舊朋友~ :|

咁我又諗o下, 可能呢個係上天俾我o既一個sign~ 不過, 佢想透過呢個sign講D乜俾我聽呢? 我諗極都諗唔到!?

究竟點解會咁呢?
我真係磁石人!?
-____-"

Start from 2006 ...