天氣：晴 (是日曬到盲 >_<")
標題： 詩意綿綿白川鄉
景點： 白川鄉（しらかわごう, Shirakawa-gou）、
琵琶湖（びわこ）
美食：飛驒名物 ─ 五平餅
 |
| 白川鄉特製沙甸魚 |
食完個薯餅，等多一陣，我地終於上到車啦！ 不過，估唔到日人都咁唔注意交通安全！我地成團人竟然可以逼左一大半人上去一架16座嘅小巴！ 一架白川鄉特製沙甸魚小巴就駛去展望台。
 |
| 《白電單車、白頭盔、白垂櫻旁》 估唔度喺沙甸魚小巴上面都影到張嘅影喎！ 有幾靚、幾型喎！哈哈！ |
因為，2年前一個香港電視台喺呢度拍左一個劇集叫做《最美麗的第七天》，當中最靚嘅雪景就係喺白川鄉呢度取景o架啦！確實白川鄉最靚嘅景都係大雪後寧靜冬天嘅晚上！
而白川鄉（しらかわごう, Shirakawa-gou）之所以咁出名就全因為佢同位於富山県嘅五箇山 (ごかやま) 一樣，都擁有好有歷史價值嘅「合掌屋」(合掌造，がっしょうづくり)！呢啲「合掌屋」全部嘅設計都係為左抵禦呢度嚴寒嘅冬天！而「合掌屋」嘅屋頂都係成中國嘅「人」字形，原因係呢度降雪量驚人，而咁樣嘅屋頂可以令到啲雪迅速瀡落屋嘅兩旁，唔會有因為太重嘅積雪壓塌間屋。而且，落咁大雪又咁凍，佢地喺屋頂上擺上厚厚嘅茅草(可能有成 2、3尺厚)，形成一層隔温層，可以為屋內保暖！
又一次證明古人嘅智慧！
 |
| 啲茅草可能有成 2、3尺厚 |
因為咁有智慧嘅建築同咁有歷史價值令到呢度同五箇山都成為左日本嘅世界文化遺產之一！
 |
| 好有詩意嘅白川鄉 |
真係好想响度寫個生！
既然當時冇得寫生，依家唯有等我都作番篇文黎形容下最靚一刻嘅白川鄉先。
 |
| 白川鄉木製108間 + 人肉製1間嘅合掌造！ XD |
返黎啦！ 返黎啦！ 當然，我地喺初春同正午曬到盲咁劑嘅時候見唔到我想像出黎嘅白川鄉啦！ 但係，我地同樣不自覺啲被呢度吸引住…
欣賞完呢度，扮埋第 109間合掌屋影相後，我地又返落山入村啦！
 |
| 明善寺庫裡 |
我地入到村，第一時間就去一間叫「明善寺」嘅合掌屋，我地上次因為唔夠時間所以冇入去。其實，佢係一間博物館，由於每間嘅合掌屋都有村民居住，村民為左滿足遊人對合掌屋結構嘅好奇心，就將原本係寺廟嘅「明善寺」改裝為博物館。
雖然，入場費要 300円，但係响裡面除左可以睇到合掌屋嘅結構，呢度亦展出左當時村民嘅生活情況，資料豐富之餘亦可以短暫咁親身感受到當地人住响合掌屋已經值得啦！
參觀完博物館我地再喺村度四圍兜下，再嘗埋飛驒名物 ─ 五平餅 (不過，呢個唔夠响野猿公苑 (Yaenkoen) 果個好食 :{ )，又去尋下櫻。
雖然，司機冇報錯料呢度嘅櫻花真係満開，不過呢度啲櫻花樹太高，唔可以好似响兼六園咁細嚐。
-____-"
 |
| 夜幕の琵琶湖（びわこ） |
 |
| 望住琵琶湖嘆番件燒牛肉先~ |
:O
由白川鄉去大津市途經一個好啱我嘅中途休息站！點解！？因為，佢叫做 (養老 Yoro)！
XD
導遊更加話今晚安排左喺呢間酒店頂樓 ╴喺38樓度望住個湖景食自助晚餐，慰勞一下大家「琴晚の苦」喎！
望住琵琶湖嘆番件燒牛肉，大家當然滿足晒同開心晒！
聽日去日本第二大城市 ─ 大阪出發！！
o^_______^o
Day 4 ── 完
Day 4 相簿投影播放
更多資料
1. 白川郷・五箇山の合掌造り集落（しらかわごう・ごかやまのがっしょうづくりしゅうらく）日語
2. 白川鄉官網
3.《最美麗的第七天》
4. 雪の白川郷 (夜景) 日語
5. 其他是次遊記 Tay 2010 日本關西[追加中部] 春の旅 其他遊記
沒有留言:
發佈留言