TayThink / Sports --- 2007 Marathon

上年馬拉松, 真是飢寒交迫!! 途中的補給站, 能吃的食物都早給跑在前面的跑手拿去了, 剩下的只是全綠色的香蕉~~ -____-|| 最終, 只能完成32km!! 過了美孚就登上巴士了, 像偷渡客一般被逮解出境(金紫荊廣場)~~

今年, 由於一個的承諾, 本想努力練習, 能完成整個馬拉松, 但最終練習的時間卻比上年少, 也比上年懶惰! 天氣又比之前練習時濕熱~ 心想不妙~~ 唯一能做的事就是吃一個豐富早餐和帶著我的幸運物!

05:30 起身, 穿上戰衣就到附近的茶居同公公婆婆爭食, 來一客熱騰騰的蒸排骨飯!!(可能我是中國人, 飯始終是最頂肚啊! :P)
07:30 已與各同伴在彌敦道起跑點, 等候出發. 大家的心情都不太緊張, 只是想向著自己的目標跑!
疏於練習的我, 只能把目標降至"跑入西隧"!!
07:40 終於開跑, 哨子一響, 各同伴已各有各跑了, 以自己上年o既經驗同對比賽道o既分析, 知道過了汀九橋後, 就會比較好跑, 不要跟著別人, 按著自己的呼吸跑~ 跑呀! 跑呀!
09:16 過了第一個check point --- 青馬大橋, 時間係一個半鐘多D~ Pretty good~ 回程時看到同伴, 大家也為大家打氣 ... 接著跑上汀九橋, 時間也不錯 ...
在汀九橋拆返時不久, 右腳一蓄, 幣! 開始抽筋tim! 心諗咁快! 重差過上年!! 今次可能要係長青隧渡口就上巴士!!?? 但又繼續抽吓行吓跑吓~ 心一直諗著"慢慢跑, 唔洗快, 唔好抽!" ...
咁又到o左西隧, 心想目標達成了, 但又未過鐘, 又未有巴士, 咁又繼續跑, 心一直諗著"慢慢跑, 唔洗快, 唔好抽!" ... 抽吓行吓跑吓~
咁又到o左上環, 橋上打氣Auntie話"繼續慢慢跑, 唔好行, 可以攞到cert(不超過五個鐘三十分)呀啦"!
我先醒一醒, 係wor, 有cert攞wor~
咁又抽吓行吓跑吓, 又抽吓行吓跑吓, 在五個鐘廿八分xx秒前完成o左~~ 也達成了一個承諾!
實在是太神奇了~~

跑完後, 雙腳沒抽筋, 但是, 卻肌肉卻很痛~ 回家後, 是沖了個熱水, (目訓), 食飯, (目訓) ... 醒來就到o左今日, 雙腳重ok痛啦! -______-"

跑馬拉松, 不是要嬴人, 而是要嬴自己, 自己的目標, 自己o既意志~~ 今次出奇的達成了~~ ^____^

Start from 2006 ...