Design / Green / Tech / Fun / TayThink --- 已是「中國設計」的時代了嗎！？Is it the time of "Design in China" !?

 大該兩年幾前，有報導已經指好多中國廠商已經唔想停溜喺代工嘅「中國製造」( "Made in China") 模式。


佢地要直指世界，要向全世界推出「中國設計」("Design in China" ) 嘅產品！

「蘋果皮」
img from PConline.cn

最近，呢兩個月最熱嘅，當然係令 iTouch 變 iPhone 嘅「蘋果皮」(Apple Peel)！

對於好多人黎講，幾千蚊部 iPhone 真係太貴！

如果，可以用一部千多啲蚊嘅 iPod Touch 再加 四百蚊人仔可以變身成 iPhone 打電話, 又真係幾吸引！！

所以，世界各地嘅新聞都爭相報導，當然，呢個設計可能有侵犯版權之嫌同係山寨貨！

不過，呢塊皮確實已經震驚中外！

o______O"

當中，同樣受惠嘅有我地中國嘅購物網！

「立體快巴」img from hsfuture.com

而且，近黎有另一個「中國設計」同樣 震驚全球！

呢個係一個交通系統嘅設計，名為「宽体高架立体快巴」 (“Straddling” bus)！

各主導嘅設計國，好似美國同日本咁，都讚嘆呢個將巴士同高架空鐵路結合嘅公共交通工具嘅設計！

呢個設計針對解決城市好常遇到嘅問題

1. 環保
2. 城市擠逼
3. 交通擠塞
4. 市建同人口急速發展

「立體快巴」每卡可以容納到 1,200 - 1,400 個乘客，而車箱架空到 2.1-2.2米高，車體總高度 4.4 - 4.5米，橫跨二條行車道，响車箱下面可以容納 2 架私家車同時並行！

佢亦結合左架空鐵同電車嘅優點！ 由於佢係起喺現有嘅馬路上行走，好似建空鐵咁可以大大加快建造嘅速度同時亦大幅降低投建成本，唔洗好似起地鐵要挖地下管道，間公司話建造費只係起地鐵嘅 1/ 10！！ 但佢更比空鐵建造得快，因為佢好似電車咁，响馬路上起兩條路軌上。

而且，因為佢係用電驅動同响戶外使用，可以裝上太陽能板，佢比巴士仲要節省30%營運成本亦大大減低碳排放！！

佢更加比巴士方便，因為每日巴士停止服務都要返車廠停泊，佢地只要停响路面就得啦！因為，完全唔會影響到路面嘅交通，私家車可以繼續响佢嘅車箱下面通過！

成個設計都好周詳，難怪國外媒體都大肆報導！

雖然，設計中都可能有潛在侵權問題，不過，有趣嘅係兩呢間公司並唔係北京或者上海咁遠嘅地方，佢地都只係喺我地香港一河之隔嘅 深圳！

我地香港本來應該就係最可能推出震撼世界嘅「中國設計」產品，但係事實冇發生喺我地呢度！

我地真係要諗下，我地究竟發生左啲乜野事！ 係整個社會過份偏重金融同地產！？ 係我地政府嘅短視！？ 係政治影響民生同發展！？係我地故步自封！？ 係我地冇設計人才！？ 

我淨係識答最後果條係"一定唔係"之外，我諗呢個問題都幾值得大家去思考！！

Ref. Link:

1. 「蘋果皮」公司： 網址
2. 「宽体高架立体快巴」公司： 網址
3. PCOnline 苹果皮 520评测： 網址
4. 日本報導「蘋果皮 520」： 網址
5. 日本報導「宽体高架立体快巴」： 網址

Start from 2006 ...