星期一, 7月 28, 2008
星期六, 7月 26, 2008
TayThink / Travel / Toto --- 2008 US + CA Trip Day 9
多倫多
***重點景點: 卡薩羅馬古堡 Casa Loma, Bata Shoe Museum, DownTown Drifting***
[Click "View Album"去睇細相(Thumbnail Mode)同相片註解]
今日係第一日, 我地可以係多倫多自由行, 一早起身就出發, 向住多倫多東部最大o既mall --- Scarborough Town Center出發, 我地唔係要一早就shopping, 只知這裡係我地住o既酒店最近又著名o既地標而且有subway, 可以去不同o既地方! 不過, 我地都迷路, 最後我地問o左好多熱心人, 終於係油站買o左"Toronto Transit Commission"o既 Day Pass~由Scarborough Town Center去我地第一站o既地方: 卡薩羅馬古堡 Casa Loma, 一個由英國人 Sir Henry 興建o既"中世紀"古堡, 1911年動工, 用上3年o既時間, 耗資3,500,000元去建成~
這是Sir Henryo既dream house, 為了俯瞰多倫多, Casa Loma選了多倫多o既一個山頭! 古堡樓高3層, 加埋地下室同一個美麗o既庭園, 當中什麼也有, 圖書館, 酒窖, 泳池, 城樓 ... 非常華麗~~
當然, 不能與法國o既凡爾賽宮或聖米歇爾山Mont Saint-Michel相比, 但也可以說是在多倫多的一個驚喜~
過了一個歐陸風情o既早上後我地就善用我地o既day pass 由Casa Loma去o左Downtowno既名店街 Bloor Street, 逛一逛後, 就在附近找上一間日式館子, 吃了個午餐, 媽媽說是最好的一餐(因為最岩食, 平, 份量大, 新鮮又幾好味)! 仲要間鋪係香港人開o既, 開頭都唔知, 後來佢地自己人傾計用廣東話先知~~ :)食飽後又去o左一個以鞋做主題o既博物館: Bata Shoe Museum, 搜羅全世界所有o鞋o既故事, 都幾有趣~ 不過, 其中有一個本來以18/19世紀做主題o既展區就用o左芭蕾舞做主題, 家姐就大失所望了~~
之後已經係四點, 我地又去o左ROM (Royal Ontario Museum), 因為四點半後可以半價入場, 不過, 我已經有d筋疲力盡o既狀況~<-- 這就是我的"死"狀~~ @___@"
休息過後, 我地去o左行全世界最長o既街 , Yonge Street 中最平o既店, 一蚊店~
跟著去Scarborough Town Center行shop同Wall-mart~ 去foodcourt食完個飯就番酒店大覺訓, 準備聽日探爺爺! :)
More Info.:
1. Yonge Street
2. Bloor Street
3. ROM (Royal Ontario Museum)
4. Casa Loma
5. Bata Shoe Museum
6. Toronto Transit Commission
Start from 2006 ...
TayThink / Travel / Toto --- 2008 US + CA Trip Day 8 Part B
多倫多
***重點景點: 尼亞加拉瀑布 Niagara Falls***
尼亞加拉瀑布其實係佢共有兩個瀑布:
一個係位於加拿大(係多倫多o既南面), 叫做馬蹄形瀑布(Horseshoe Falls), 闊792米, 高53米, 水流係每秒5,720 米³
另一個則係位於美國(水牛城), 叫做新娘面紗瀑布(Bridal Veil Falls), 闊323米, 高21-30米!
瀑布在加拿大同美國o既邊界, 但係係加拿大這邊就可以睇晒兩個瀑布!
美國果邊就只可以睇住d水流落個湖度, 啊! 估都估唔到d美國佬咁精, 見自己個邊睇唔到個瀑布o既靚景, 佢地就起o左條
唔長唔短o既觀光橋 (唔可以太長, 因為會過o左加拿大境), 令到美國自己友可以唔洗過加拿大境都可以免強睇到晒兩個瀑布, -________-"
除o左香港行山時遇過o既流水瀑布, 我真係味見過真正o既瀑布, 心情期待而興奮!旅遊巴由多倫多o既DownTown(南面)一路駛去多倫多o既最南端, 沿途睇到o既路牌一路倒數住仲有幾多公里~ 心裡跟著一起倒數,
26km, 10km, 1km ...
嘩! 終於到啦!!
我地落車o既地方離瀑布入口較遠, 隔o左兩條大馬路同兩條行人路, 每條馬路都係雙線行車!
但係, 明明陽光普照下, 不知為何感到面上不停有雨粉漂上來~ 心想係咪過雲雨呢!?
導遊看到我個疑惑樣(或諗樣), 則指著瀑布那邊說"呢d係瀑布濺起o既水花!"
O______o"
我心諗你當我白痴呀!? 有冇彈到咁遠呀!?
跟著, 我就知今次我真係做o左白痴! 瀑布水o既衝力真係可以咁大!!
-______-"
過o左兩條大馬路同兩條行人路, 就去到入口, D雨粉已經越來越大粒, 聽到o既水聲就越來越大聲! 心情就越來越興奮!!
興奮係因為我地將會搭船, 近距離去感受這裡o既自然威力 --- 水o既衝力!! 有趣o既係問過唔少o既朋友, 有d係多倫多生活過或者讀書, 但竟然冇一個人坐過這個霧之少女號 --- Maid of the Mist!
可能好似我地香港人咁, 好少人會入山頂o既Believe it or Not Museum, 永遠覺得哩D係俾(呃錢)遊客玩o既活動. 不過, 當我地去到另一個地方, 又肯俾錢入去睇喎! 哩D係咪叫"反賤"呢? :p
咁哩兩個瀑布o既威力有幾大!? 每秒5,720米³o既流量, 得D數字又真係唔知佢有幾勁!?坐霧之少女號就可以近距離親身感受瀑布水衝落湖面, 再彈上幾十尺以上o既水o既威力! 聽到撞落湖面的巨響! 水不停飛埋o黎!
架船梗係唔可以衝入去個瀑布度啦! 否則, 成架船都會沉! 都唔知可唔可以撈番你上o黎~
其實係1846年, 人們已經用少女號o黎參觀尼亞加拉瀑布, 已經有百幾年歷史, 所以都可以話絕對安全, 唔會跌落水, 唔洗勞煩人地撈番你上o黎!! 但係, 就包你全身盡濕!
所以, 在未登船之前, 每人都會獲派一件靚靚雨褸, 工作人員也會提醒我地要小心好好保管自己o既電子產品~~
我地第一個去感受o既瀑布, 就係新娘面紗瀑布(Bridal Veil Falls), "衝水聲"不太大, 但濺起o既水花已經就好似落緊大雨咁, 大家已進入霧都了~ 嚨... 嚨...嚨...o既水聲加上水不停的打落身上, 心跟著水聲不停的卟卟...卟卟...卟卟...的跳動著, 成船人都好興奮~ 不停拍照, 大家也不顧自己的相機會不會入水, 舉高相機就影~ 很刺激呀!
接著我地架船慢慢駛去馬蹄形瀑布(Horseshoe Falls), "衝水聲"越來越大聲, 好似自己身處高速公路o既旁邊, 有數以百計的大貨櫃車不停咁駛過o黎~~ 瀑布o既衝力令到刮起大風, 打落身上的水比係之前係新娘面紗多好幾倍! 好似係八號風球係岸邊睇浪咁~~ 好 .... 刺激呀!成個人好似置身係條高速公路上沖緊個花灑涼咁!! XD在陽光下, 瀑布澎湃o既水流, 好像一塊會動o既活翡翠咁綠, 加上刮起o既風同身上o既水, 令人感到一絲絲o既涼意~ 望住個瀑布更覺清翠, 真係好靚呀~~
狂野, 自然同幽美集於一身, 這正正係是奇妙造物主o既傑作!
比大峽谷o既感受更深, 實在是太難忘o既經歷了~~
經過一輪的親身感受後, 船泊岸, 我們到瀑布旁的餐廳一面繼續欣賞瀑布, 一面享受午餐, 好舒暢的感覺, 不願離開這個瀑布區~
如果, 下次有機會再來, 我一定會待至晚上欣賞瀑布o既夜景才離開~~~
接著我地去了尼亞加拉瀑布區o既酒莊, 欣賞它們著名o既冰酒 (ice wine, Dessert酒, 女士一定喜歡上它)! 好甜, 好香同好有蜂蜜香o既甜酒~~酒莊一大片o既葡萄園, 加上玫瑰花花園同白色o既帳篷構成一幅很美的圖片~
這可能是酒莊老闆是法國人特別有這樣o既心思同情調了~~~
吃過美味o既中式晚飯後, 我地多倫多跟團o既旅程完畢, 明及後天就係我地自由行o既時間了, 期待探望我心中永遠的"好桔"老人!!
ps: 這間多倫多o既中餐廳, 絕對好過普通o既香港"美生", 拍得住香港o既"麗苑"酒家~~ :O + :P~~ 讚呀!
More Info. of Maid of the Mist
Start from 2006 ...
星期四, 7月 24, 2008
Game / Fun / Photography--- Wii => Mii名刺
你出街影完相返屋企, 唔記得o左羅d相去曬, 而你係日本, 屋企又有部Wiio既話, 你就可以安坐家中, 透過Wii去曬相~ :D可以揀唔同o既template, 有月曆啦, 孖寶兄弟圖案o既相片框啦, 揀自己想曬o既相, 總之揀到自己滿意為至! 唔洗好似係d曬相鋪咁, 揀得耐驚阻住人~
輕輕鬆鬆用Wii Control揀完相, 佢地就會送埋d相到你府上, 曬相這件事情變得多輕鬆同有趣! :)
咁咩叫Mii名刺!? 即係可以曬埋Miio既咭片, 有趣!有趣!
香港幾時先有呀!!!!!!
More Official info
View Official Video 紹介ムービー（約3分／12.3MB）
Start from 2006 ...
星期四, 7月 17, 2008
TayThink / Travel / Toto --- 2008 US + CA Trip Day 8 Part A
多倫多
***重點景點: New / Old City Hall***
我寫o左咁耐, 你又睇o左咁耐, 終於離開o左美國, o黎到加拿大!有朋友話我可唔可以唔好寫到咁長篇大論, 寫短d? (多謝發表意見!) 又有朋友話鍾意睇我寫哩個trip, 叫我繼續寫? (多謝支持!)
唔 ... 我承認我真係寫得都幾長篇大論, 不過, 我真係想盡量寫晒我係這個trip o既趣事同沒趣o既事, 有時又會寫o左d好廢o既廢話, 好似頭先果句咁有趣同沒趣o既事, 哈哈! :D
不過, 哩度可以話係我o既日記簿 (所以, 哩度o既英文名叫做 Tay's Web Diary), 我希望哩度可以俾我老o左o既時候睇番自己有幾傻, 所以可以寫到幾多就幾多啦~~ :p
不過, 我都好順應o下民意, 我會繼續寫得一樣咁長篇大論 (哈哈~) 不過, 試o下分part啦~ :P heheehe~~
好啦! 經過第1日o既搭飛機, 訓醒一覺後, 我地到o左跟團o既最後一日, 行程豐富!
我地先會去多倫多o既Down Town作市內觀光, 跟著我地會去尼亞加拉瀑布(Niagara Falls) 同附近o既酒莊~
多倫多係我這個trip裡最鍾意o既城市, 而尼亞加拉瀑布亦係我最鍾意o既景點! 所以, 都可以話係一個完美ｏ既尾站! :D
我覺得Toronto有好多古英國建築, D人比美國人有善, 好多野都幾似香港, 好似佢地都會有王后公園, 菲臘親王廣場, 仲有好多茶餐廳同燒味店, 聽講話d燒味唔錯, 點解? 因為, 佢地天氣較乾燥, d燒味好耐都唔會腍! 哈哈~~
係多倫多果幾日, 天氣係成個trip最好o既, 所以, 都係我心目中都加o左好多分~ :)
Part A 完! (夠短未? :P + :D)
[Click "View Album"去睇細相(Thumbnail Mode)同相片註解]
Start from 2006 ...
星期二, 7月 15, 2008
TayThink / Travel / Toto --- 2008 US + CA Trip Day 7
搭飛機!
***重點景點: 冇***
係三藩市早上已去到機場上, 飛去Denver再轉機去多倫多, 已經零晨時分了~ 咁就一日, 講晒!
不過, 其實我地早由Las Vegas飛 domestic flight去San Fran. check-in時, 我地旅程中"搭飛機"都可以好多野講! 因為, 我地俾選中為航空公司o既special guest!!
唔係升你坐business class個種, 係你每程機個boarding pass 會有死亡四個S!!!
呢D"SSSS", 由Las Vegas跟著我地去多倫多(美國人覺得加拿大都係自己o既國土, 真超自大!!)再跟著我地回程, 直至番香港果程!!
呢幾個死亡四個S有外國人話佢係 Secondary Screening Shown Silly, 又真係幾silly!!
我會俾個廣東名佢, "過關四個死(廣東話: Sei [2])":
1. 俾d海關煩死(Sei [2])
2. 慢到死(Sei [2])
3. 低能到死(Sei [2])
4. 總之你會俾佢激死(Sei [2])
首先, 你要去排特別通道, 逐個逐個人過3d掃瞄機. 據說部野由以色列製造, 話好先進喎! 我就覺得好道具, 藍色o既燈圍邊, 閃o下閃o下, 你行入去, 就在你身上八個不同位置都吹d風埋o黎, 吹完就話掃瞄完成啦喎!? 如果個關冇部機仲閉, 專人同你body search!!
跟著, 海關又會把你hand carry內o既野逐件逐件攞出o黎睇, 問你呢個係d乜, 果個係d乜, 每件電子產品又會用Testing paper同你抺o下睇o下佢有冇爆炸反應, 真係慢死兼煩死!!
有個海關更加俾佢吹脹, 扲著我罐See's Candy左睇右睇! 跟著望住我, 笑住話"It's good!" 我冇佢咁好氣, 只報以一笑(最穩陣安全o既回應!)! 但心諗"我已經買你d國產啦! 驚死你唔知係乜, 你個死佬仲猛咁望! 好快手d啦! 班機就開啦!!"
我地四個人除o左阿媽外, 全部都中晒死亡四個S(全團15人, 8個人中o左, 肯定係果個check-in o既地勤大整古)! 過第二次關時阿媽已經話:"你地俾晒d野我扲, 唔洗佢地搞咁耐!" 又係喎! 咁o既security check, 又真係低能到死, 如果你係d匪徒見到自己boarding印有SSSS, 重會藏d野係自己度咩!? 好低能呀!!!
我地機接機有d重要係一個鐘頭內去轉機, 呢D死亡四個S次次都搞你至少半粒鐘, 次次差不多都要衝閘! 有次登機, counter重要開咪叫我地! Last call tim!
>___<" 真係俾佢激死!!!!
Start from 2006 ...
TayThink / Travel / Toto --- 2008 US + CA Trip Day 6
三藩市很香港
***重點景點: 金門大橋與碼頭39***
[Click "View Album"去睇細相(Thumbnail Mode)同相片註解]
三藩市很香港!
1. 金門橋 => 紅色的青馬大橋
2. 四邊環海 => 與港島一樣
3. 樓宇依山而建 => 與香港一樣 (同團auntie話十足十西、上環)
4. 有好多碼頭 => 與香港一樣
5. 上菜o既速度 => 與香港一樣快
6. 飲茶(於唐人街)點心的大細同味道 => 與香港一樣, 除o左鳳爪大香港的兩倍
7. China Town好有中國味=> 與香港一樣
8. 市中心高樓大廈臨立, 很中環啊!
當中的元素就跟香港不同1. 風刮得很猛也很大, 搞到要當街攞褸著保暖!!
2. 碼頭上有海獅曬太陽!? :O
3. 不同碼頭都建有餐廳食市同商店
4. China Town比香港更中國, 好多中式建築, 中式招牌, ...
5. 公園內有可以容立成群海鷗棲息的人工湖
6. 三藩市青馬大橋可以俾人行, 不過, 沒火車地鐵行
7. 三藩市青馬大橋o既車速只係45mph (即72km/h, 咁慢o既!?)
8. 三藩市係軍事重鎮, 有個島叫treasure island, 你唔可以向住軍事基地影相!:O
你見唔見到d海獅係度曬太陽呀!?睇唔到!? 入album度搵o下啦~ :p
有朋友話全美國最鐘意係三藩市!
我去過她o既景點也頗喜歡, 她也是我這個trip中第二喜歡的城市.
如果能停留多一會, 我想我也會愛上你~~
你還可以live睇海獅啊! Click Here
Start from 2006 ...
星期五, 7月 11, 2008
TayThink / Travel / Toto --- 2008 US + CA Trip Day 5
大峽谷! 我感受著你的浩大
***重點景點: Grand Canyon West Skywalk + Las Vegas Night Tour***
準時起床, 準時到達候車處, 一路食住早餐, 一路等旅遊巴同這位"有趣又狂燥導遊" (係! 我會用有趣o黎形容佢, 因為佢好似繹演緊一個唔屬於自己o既位置, 好唔協調, 見到佢俾佢激死但又覺得好過癮!)!!
[Click "View Album"去睇細相(Thumbnail Mode)同相片註解]
無論如何, 我只希望佢今日冇咁燥, 我唔想一大清早隻耳仔就受罪~~
比原定時間遲o左15分鐘, 終於見到架巴士o黎啦!
上到架巴士, 見到"狂燥導遊"變o左"黑面狂燥導遊", 心知今日o既小小願望又要泡湯了~~ -_____-"
我想該是昨夜國內o既團友去夜遊再加睇show(如果香港團係咁o既安排, 一定俾人嘈爆!!), 再有些團友去玩兩手, 遲o左起床! 所以, 遲了15分鐘~ 我地港團冇乜唔好o既反應,
1. 大家認為去旅行遲少少可以接受
2. 雖然, 車程遠, 但集合時間真係早o左d~
我們上到車"黑面神"一直冇開咪講野, 不過, 只過了一陣, "黑面神"拿起咪, 我借定聾耳陳隻耳~
"黑面神"開始講: "我說過要準時o架啦! 依家你地遲o左, 我唔知你地入到大峽谷要等幾耐! 你地嘥緊自己時間唔係嘥我o既時間! 我可以話俾你地聽 [大家注意這時"黑面神"o既名句出現!! 他以不正但自覺有趣的普通話說]今天你們永遠在人後面{jīn tiān nǐ men yǒng yuǎn zài rén hòu miàn}!
"黑面神"係架車度不停講呢句名句冇10次都起碼有9次! 真係好煩呀~~~~ -______________-"
"黑面神"眼見3架旅遊巴係我地前面, "黑面神"又說"我預o左呀啦~~ 大峽谷上面今日一定兵荒馬亂, 我都唔知你地上到去會點呀, ...."
全團人都懶得理佢!!! Hey, Man! 我地o黎旅行啫~ 你洗唔洗訓示我地咁耐呀! 重要我地港客冇遲到o架喎!!
之後, 佢繼續用名句訓示我地唔知幾多次後及經過差不多3小時o既車程, 我地終於到達西峽谷(Grand Canyon West)山腳o既入口處, 呢度印第安人管轄o既地方, 我地所有人都要落車, 要轉搭佢地安排o既車輛去第一站 (Hualapai Ranch, 即搭直昇機, 買門票同gift shop o既地方)!大家心情極興奮, 一來可能好多人都係第一次o黎大峽谷, 二來咁唔洗聽"黑面神"o既名句, 甩難luuu~~ 就算大家只係車站也忍不著東走西走咁去影相~~
係這個印第安人管轄o既地方"黑面神"也只可同我地一齊等, 突然, 我聽到兩位國內uncle級o既團友笑笑口同佢傾計, 我以為佢地講緊第一個景點o既野, 咁咪八掛走去聽o下law, 哈!哈哈!!! 原來係兩位uncle頂佢唔順, 要訓示番佢轉頭~~
搞笑o既Uncle笑笑口就話: "... 我地o黎呢度就係o黎嘥時間o架啦! 你好想做第一咩? 咁你聽日兩點鐘morning call 我地, 我地三點鐘就係lobby等你, 你話3點就3點, 2點就2點, 我地咁就實第一個o黎呢到啦! ..."
"黑面神"俾人寸到唔知點回應, 佢只有苦笑,我呢? 我就笑到攣晒腰~~ 佢見到我咁, 佢就仲更加尷尬~~ 我真係唔想笑到咁樣, 不過自己個腦同身體好自然咁反應晒出o黎~ (也可能係咁, 被"黑面神"鎖定我地為報復為目標!)
點解我之前話今次團o既國內同胞素質高, 也是因為這兩位uncle, 唔洗嚕嚕嘈, 笑笑口咁就寸爆o左"黑面神"!! 勁! :p + XD
去到第一個站, 有d團友(3分1)就準備去o左搭直昇機+坐快艇遊科羅拉多河(Colorado River), (簡稱海陸空, US$178), 我地就決定行skywalk(US$32)!
等"黑面神"拿Skywalk門票(手帶來的)給我們就會去下一站Eagle Point行skywalk. 其實"黑面神"可能見咁多人行skywalk, 冇乜人玩海陸空(即係油水少o左), 係車上已經不停咁踏skywalk, 話佢名不副實, 太短, 又唔好玩! 話玩海陸空就唔同啦! 又刺激又好玩! (好鬼死hardsell -_____-")
一來媽媽同二家姐都玩過海陸空(也覺得都好玩同刺激), 二來四個人玩就好鬼貴, 我又真的沒多太興趣了~ 因為佢地只係載你到谷底再快艇, 如果架直昇機可以係峽谷中穿梭我就會覺得值得去玩.
又坐另一架shuttle bus去Eagle Point. (跟著架shuttle會去, 另一個景點Guano Point, 再返去gift shop)
到了Eagle Point, 落車已經好興奮, 第一次係咁高o既懸崖影相, 我自己都唔敢行咁邊, 因為我肯定跌落去應該冇人同你執你d ... law, 但有d鬼妹就好大膽係條邊邊度行來行去. 好了終於可以行Skywalk, 我地要把所有行李同相機放低 , 行之前要穿上鞋套, 嚇你行花佢塊o既玻璃, 跟著我地後面o既意大利伯伯, 就不停鬧美國佬痴線, 景點都唔俾人拿相機影想 ... 伯伯你又冇錯o既, 不過, 你咁嚕嘈都冇用o架~
成條Skywalk建係4000尺的谷底上, 咁4000尺有幾高呢? 台灣o既101係1671尺! Skywalk就係佢o既兩倍半幾! 而澳門旅遊塔高1100尺, Skywalk差唔多係佢o既四倍!!!
兩條U形o既鐵從崖邊伸出來, U形鐵旁邊裝上約一尺o既白色膠(我認為)作為承托強化玻璃之用.
我諗係由於U形o既形狀同避免冷縮熱脹o既關係, 玻璃與玻璃之間隔著半吋的空隙, 有趣的是這個idea唔係當地原居民印第安人諗, 反而係一個名為David Jin o既華人發起, 華人真係厲害!!
踏上第一步也心驚驚~~ 畏高o既媽媽, 更全程拿著欄杆同靠著白色膠邊行, 風正面咁吹埋黎, 又見到玻璃隔o既空隙, 佢話都幾驚!
我企o左一陣就唔驚啦! 因為, 第一, 如果你跌落去一定死硬, 唔洗驚半生不死! 第二, 你正面咁從玻璃橋望到落谷底, 其實你好難知道你依家係幾高, 因為你所望到o既全部都係石頭, 大Do既石頭, 再大Do既石頭, 細Do既石頭, 或再細Do既石頭... 你好難感受到有幾高, 所以, 我覺得澳門旅遊塔俾我o既感覺仲驚d, 因為你係地面搭lift到頂層, 你已感受到它的高度一次, 你再企係玻璃上, 你又會見下面路上o既車來車往, 它們的細小反而令你更感到自己身處o既高度!!我諗成條skywalk長幾十米, 快o既話兩, 三分鐘就行完! 不過, 佢地又唔會俾你咁單調行完就走, 係skywalk上會有3個影相點, "幫"你影相!
<--- 我就影o左呢張相!
^______^
可能有人會問點解唔叫skywalk point, 而叫做Eagle point呢?原因係因為從這裡可以看見一個山崖, 山崖像呈現一隻展開翅膀o既鷹從空中飛下來, 想睇清楚d就可以去我個Album度 ...
之後, 咁我地就去第二站 Guano point, 大家可以爬上去拍影一個個細小o既石山幽, 食店供應西式buffet (Eagle Point 係供應中式套餐), 大家可以在懸崖邊用餐, 又真係幾好feel ...回程到另一個景點Hoover Dam (胡佛水壩), 係成個trip最...熱o既地方!! 一個碗形o既地方, 經過一個烈日當空的中午, 氣溫該有40度以上!!!
@______@"
這樣熱o既天氣, 令伴我作戰多年的"老戰友"(我部DC)就在這裡陣亡了~~ 餘下個trip只能用傻瓜機, ... 好慘呀!!! :'(<--- 這就是"老戰友"幫我留住的最後畫面! (回到酒店certify死亡的照片)
回程時我地去o左LVo既China Town逛一逛, 見到有豆漿賣, 就一人買o左一杯, 返回旅遊巴上~
"黑面神"終於找到機會作出小報復, 開車後, 當時二家姐坐係較前排, 可能佢個樣生得細個, "黑面神"走去佢度同佢講"我唔係第一日就同你地講, 除o左水你地唔好帶任何食物上車o既咩?" (我落o左車先知"黑面神"同二家姐講乜) 大家上車時已估到"黑面神"會搞搞震, 所以, 二家姐也只答佢一句"得啦!"
我可以講"黑面神", 你真係Axx Hole!! 我夠膽就同我講, 睇我會唔會剷你上天棚!!!!!!!
我地係反o左你o既"天規", 岩唔岩我地都係你o既客呀! 大家都係成年人, 杯豆漿係用蓋封好, 要用飲管飲個隻, 車程只係五分鐘, 整污穢你架車o既機會大家心理有數啦! 你男人老狗仲要去"烚"個睇落細個o既女仔黎嘈!! 你唔係Axx Hole!? 係乜!?
其實全團人都忍緊"黑面神"(包括領隊), 我真係未遇過咁o既導遊!!
連同團中最常笑臉迎人o既auntie都話"我跟團咁耐, 都未試過好次今次咁, 咁想鬧個導遊!"
我落車個陣都想陣番"黑面神"一句, 不過, 我最後收番, 我唔想教精佢, 等佢呢種生物自然死亡算, 唔值得嘥我d氣~~
我地定唔會俾你o黎D Axx Hole影響我地o既trip!
回到酒店結束同"黑面神"在LV之旅, 我地稍作休息就去LV夜遊, 新舊城各有特色, 舊城區有長長o既天幕show比旺角朗xx的大只少10倍! 新城o既酒店就以華麗見稱, 如威尼斯人中的威尼斯式裝修, Bellagio就有巨大o既音樂噴水池show, 再有用上2千美元一塊o既玻璃荷花砌成o既天花裝飾同數個月就換上全場"花"妝的四季花園 ...大峽谷的浩大, 美國人的瘋狂, 打造出這個不可能且每一分鐘也用錢打造出來的城市 --- Las Vegas, 拉斯韋加斯!!
Start from 2006 ...
Mobile / Apps --- G記iPhone's Freeware
當全世界人為了3G iPhone排晒大隊之際(今次香港最文明!!)~
G記除推出lively , 重出埋freeware搶生果o既iPhone App Store 生意~
實行你iPhone上網有幾方便, 我就用盡你去賣廣告~~
搶呀!! 搶呀!! 搶呀!! 搶呀!!
作為用戶唔洗錢(不過,要好用!!)當然歡迎啦!
o^____^o
好似日本人咁, 你睇一陣廣告我送你一杯咖啡, 我想你也受落, right?
Start from 2006 ...
G記除推出lively , 重出埋freeware搶生果o既iPhone App Store 生意~
實行你iPhone上網有幾方便, 我就用盡你去賣廣告~~
搶呀!! 搶呀!! 搶呀!! 搶呀!!
作為用戶唔洗錢(不過,要好用!!)當然歡迎啦!
o^____^o
好似日本人咁, 你睇一陣廣告我送你一杯咖啡, 我想你也受落, right?
Start from 2006 ...
星期四, 7月 10, 2008
星期三, 7月 09, 2008
TayThink / Travel / Toto --- 2008 US + CA Trip Day 4
"熱力+魅力"沒法擋的Las Vegas
***重點景點: 旅遊巴上 + Topless Show***
踏入美加之旅的第4日, 要離開位於Orange Country 適合一家大細樂園天地o既Anaheim, 向一個酒色財氣o既不夜城 Las Vegas進發!美國人好多時會星期五晚去LV渡週末, 星期日返回市區準備明日o既工作!
碰巧今日係星期日, 對邊線大排車籠!! 我諗條籠有成10幾20公里! 大開眼界! 單看這條籠已經感受到拉斯維加斯o既吸引力了!!!
我地個團因為人少, 所以要夾埋當地團. 而團中大部分都是國內同胞, 他們都好有素質!
我們也沒多打交道! 大家在每個景點準時上車就是了~
當地導遊J是一個30/40歲的香港老華僑吧!
作為導遊o既技巧就真係強差人意了! 在香港應該係要重新教育o既一群(唔係我一個人o既感覺, 其他團友都有同樣o既感覺, 你也可從以下敍述o既事件來評一評)!!!
導遊J一開咪就好high, 不停想搞氣氛! "懶"有趣的說著自己的普通話差, 逗得坐前方的國內團友頗開心, 但坐後面的港客就沒多大興趣了, 我則只報回一個禮貌的微笑.
導遊J"懶"有趣的說話技巧未到路程的三分一大家都便得沒趣了, 各有各傾, 各有各訓覺, ...
佢還未察覺自己說話有多趣, 但卻發現大家o既"集中力開始鬆散", 咁佢就開始問大家問題:
"知唔知邊四種人最多黎Las Vegas啊?" 等了半分鐘 ...
坐第一行o既國內團友按耐不著答他: "遊客!"
導遊J自滿的說"o岩la!, 咁第二種呢?"
等了成分鐘, 今次連第一行o既國內團友也不回答他了~
導遊J眼見dead air o左咁耐就自己答: "第二種係做生意o既人!"
導遊J再問第三種係乜野人o既時候, 今次真的一個人都冇埋佢, 佢就發爛渣!!
"唔講啦!!" dump咪, 坐埋一邊. 一半人呆望著佢(包括我), 一半人繼續各有各傾, 訓覺!
放低了咪5秒, 佢又跳起身, 攞番起支咪!
"你地咁o既反應, 今晚夜遊一定攞唔到d紀念品! 人地做完show就回拋d鏈作為紀念品! 你地咁o既反應, 我包你地冇一個人攞到!!"
眼見自己o既"表演"只能吸引一半發呆o既"觀眾", 佢又放低支咪, 跑去拿起自己個袋, 係袋內搵出佢說的那條珍貴o既紀念品, 跟著仲要帶係自己條頸上, 再拿起這條珍貴o既鏈, 神氣地說:"每晚做完show, 只有100條這些鏈從演員中拋向觀眾, 你地咁o既反應, 一定冇一個人攞到!!" (再一次emphasis "你地咁o既反應" 同 "冇一個人攞到!!") 跟著坐番自己個位~~
天啊! 想也想不到會係在美國碰到"旅遊巴士阿叔", 重要係要對著佢兩日! 唔係單程車!! 真大鑊!! o_____O"
唯一慶幸係我地呢班港客, 今晚唔洗對著佢, 我地會自己去睇topless show~
國內客就慘d啦~ 今晚要跟著佢睇topless show, 再o黎個夜遊~~
跟著不停"提"我地明日去大峽谷要好早起身, 唔好遲到... 國內客5點morning call, 我地就6點因為我地住得近d~ (國內客住舊城區, 我地住新城區, Monte Carlo, 又幾ok喎!)
...
4-5個鐘o既"車程"終到達LV, 心諗LV位於沙漠地帶, 一定比Anaheim熱啦!
一落車, 又唔係喎! 天氣上同Anaheimo既差不多, 最大分別是D風吹埋係熱Do既, 陽光的"曬"度同"刺熱"度就差不多!
[Click "View Album"去睇細相(Thumbnail Mode)同相片註解]
同國內客(為他們祈禱~~)+"旅遊巴士阿叔"道別後, 我地稍作休息就去了逛M&M World 同coca-cola專門店, 跟著行去睇show o既酒店 --- Ballys (真係賣鞋o既集團開o架!), 睇Topless Show --- Jubilee~~
好期待呀!! 一來據說是10大show之一, 二來是Topless ma~~ 呵!呵!呵!呵!:P
邊行邊欣賞沿途酒店建築, 巴黎鑯塔, 凱旋門, ...入場了, 點知 ... 係, 係就係topless, 不過, 唔多吸引law, 冇故事, 冇連繫, 為topless以topless~
冇端端一幕跳舞, 一幕就玩雜耍 (唔夠我地中國d小朋友o黎law), 一幕唱歌 ... 我睇到甩晒 ...
團友話訓o左幾覺, 我話我只醒了數次... 哎...咁就晒o左6舊水! Sigh!!
睇完show唔理3721, 即飈去對面o既全LV最豪(暫時)o既酒店Bellagio! Bellagio, 原本是位於意大利米蘭市郊的湖區 --- Lake Como, 是世界十大渡假勝地, 有幸去過意大利o既Bellagio, 人家賣幽雅, 恬靜, LV的則賣豪華~~. 我地去食佢地o既buffet, 去到9點9仍然大排長籠, 10點話閂門, 不過, 個recep.話10點9重會出最後一輪野食, ... 好! 信佢啦!
未到10點就坐低o左, 大喝大吃! 成座山咁高o既長腳蟹, 我先鯨吞o左8隻, 不同繁多o既冷熱盤, 乜rib, 乜扒, 乜炒飯同乜salad統統skip o左先, 掃一輪大蝦先, 跟著甜品, 朱古力o既甜品好好味, 再加我自已製作o既軟雪榚, 飽到上心口!! 各人只2百幾蚊港紙!! 真係超...超...超...抵!! 其實, 好多其他酒店o既buffet係百幾蚊港紙!! 呢間高級o既已經收貴o左o架啦!帶著好飽o既肚皮, 行番酒店. 路經逛超市, 又係"打水"o既時候, 今次買o左6L.水, 準備聽日入大峽谷!
望一望錶...e...已經成1點啦~ 街上仍是人來人往~~ 果然係不夜城!!
不過, 諗起哪個"狂燥導遊"臨下車時, 不停jern著叫我地唔好遲到就煩! 唔好理返上酒店訓o左先算啦~ charge足電, 聽日, 先面對佢~~
Start from 2006 ...
星期二, 7月 08, 2008
TayThink / Travel / Toto --- 2008 US + CA Trip Day 3
繼續喪玩樂園
***重點景點: Universal Studio + Beverly Hills Dinning***
第3日都係喪玩樂園 - 今日要喪玩環球片場8粒鐘! 可知50年來加州最熱的6月真的不野小, 一落車己晒得難以睜開眼睛! 可能手臂在昨天已被曬傷, 陽光曬下來也感到刺痛的! :(
從昨天迪士尼o既經驗, 我們也作好準備, 一共帶了3L.水, 不過, 原來加州陽光的蒸發能力是那麼可怕的, 3L.水都係唔夠!!
[Click "View Album"去睇細相(Thumbnail Mode)同相片註解]
所以, 第1個遊戲就走入室內冷氣地方 - Terminator 2: 3D. 真的很不錯呀! 真人演出, 室內開槍, 片車加爆炸場面再加3D電影同機械人演出! 現場感十足!! 只是故事開端帶點矛盾, 同結尾老土點!! (點老土法!? 完場時兩母子背對背擺post跟著熄謝幕 ... 嘩!! 真係好耐都未見過! o____O") 如果改了這兩點就完美了! 聽領隊講"8年前"有團友睇完呢個Show話: "淨係睇呢個Show, 今次o黎美國洗幾多錢都值番晒! " (我想8年前一D都唔誇張!!)
史力加o既4D電影又搞笑又好睇又好玩!
跟著睇水世界(Water World), 真係超正! 你坐頭6行包你全身盡濕(D櫈油o左綠色o架! 想get wet就坐啦)! 我當然不能濕身啦! 因要保護我的"老戰友"(我部DC)! 表演者先讓觀眾興奮地盡濕!! o下o下成桶成桶水咁fing埋o黎, 全身盡濕! 接著開show, 打鬥、高處隋海、開機關槍、 開火箭炮、大爆炸、各款快艇以高速在狹窄的表演場地內追逐! 最後成架1比1, 著晒火o既飛機從空中墬毀, 落在水池中! 表演者演得出色! 我地睇o既就睇得投入! 真係拍案叫絕, 人人拍爛手! :D
跟著去o左Studio Tour, 即係坐shuttle遊華納片場! 大家都知道沿途會看到不少的道具及效果裝置, 導賞員也會深入介紹如何制作, 坐上車之後也十分期待! 當到達先前發生火燭o既KingKong Site (據說有些母片也被燒了), 看見一片頹垣敗瓦, 不少大型機械車同工作人員還在努力清理現場, 突然傳來一陣"羅"味! 心想華納片場真有你一套, 在這裡也能做effect, 被你吹脹!! 點知 ...
突然看見導賞員皺一皺眉, 說了句"Oops!"跟著跳o左落車! 心知今次不妙了~ 原來係架車水滾, 咁都被我地遇到!! o____0" 搞到華納片場大塞車! 原本9個字o既活動, 最後變o左個幾鐘!不過, 這個studio tour真的一定要去, 你平時睇戲睇到o既effect可以透過電腦加工再在銀幕上演繹出來, 呢度係係你面前做出來, 要你現場感受到! 水濺在你身, 火o既熱力令你感到燒到埋身, 機械機關裝置, 令你感到地震o既搖動, 地動山搖... 感受到他們制作電影特技的技巧和專業!
玩完這幾項遊戲已經是中午飯時間了, 決定又一次出走樂園到樂園外的地方搵食~ 跟迪士尼一樣, 樂園外的有一個購物同飲食區, 這裡叫做 CityWalk.
鋪頭外的招牌都是悉心打扮, 有d好cute, 有d又好形!
咁多食店, 我地最後揀o左Hard Rock Cafe, 一來對我們港人來說是比較熟悉的品牌, 二來是知道佢地ice tea可以免費添飲!! o岩晒我地呢d五行欠水之人~ :p
雖然, 去到都要等位, 不過waitress小姐俾o左一部機我地, 還叫我地可到樓上和shop度參觀, 當有位時部機就會震同閃! 好方便啊!!
坐低後, 有點不願走, 更食到好好味o既朱古力心太軟重要跟埋兩個雪榚球!! 好滿足啊! 這餐飯吃了兩, 三個鐘~
跟著入番樂園, 同夢露和史力加老婆Fiona影相~之後, 在集合前到restroom換番件polo shirt同條長褲, 因為要到比華利山o既著名扒房鋸扒!
有幾著名!? 有人自己去食要預早三個月訂位, 我也想不是誇張了點吧!?
去到原來一點也不假!! 餐廳泊滿名車, 各客人也盛裝出席! 坐我地隔離位的老夫妻, 婆婆穿著晚禮服而伯伯穿著"踢死兔", 我們即穿polo shirt同條長褲, 有些團友更不夠時間換衫, 只穿T-恤, 短褲! 你知這是何等尷尬! -________-"
燒牛扒果真比平常食的juicy, 還有他們的旋風沙律好睇好食!(香港一年前也引進了這店, more info)
返到酒店房, 還可以看到迪士尼那邊的煙花!
正呀!
Start from 2006 ...
星期一, 7月 07, 2008
TayThink / Travel / Toto --- 2008 US + CA Trip Day 2
Full Day Disneyland
***重點景點: 加州迪士尼 + 加州探索 + 迪士尼DownTown***
炎熱天氣+之前多晚不夠訓+熱氣的美國食物, 一醒來就發現生了脷瘡, 好痛!
不過, 不能因此阻礙今天的體力大作戰! 游完個早水(5點幾起身個隻), 吃了個豐富早餐!
9:00出發去加州迪士尼!!
[Click "View Album" to switch Thumbnail Mode & Read pic description]
加州迪士尼與日本的相同分為兩個樂園!想玩晒兩個就要買Hopper飛, 乜係Hopper? 我諗像Grasshopper o既意思, 你任何時間都係這兩個樂園度跳出跳入!!
不過, 一 日內應該真係冇可能玩晒兩個樂園! 同你千祺唔好諗係兩個樂園度跳來跳去, 曬晒D時間!
兩個樂園分別為已有50年歷史的加州迪士尼(CD, 全世界o既迪士尼都照Dump佢)同另一個叫加州探索(CA)!
加州迪士尼(CD)由9:00開到00:00, 勁抵!
加州探索(CA)則由9:00開到晚上9:00!
早上由導遊介紹玩o左Indiana Jones, 好好玩! 好正!
跟著由加州迪士尼一路睇4D/3D電影睇到加州探索!
只有Bug's Life 好睇過香港o既4D/3D電影, 其他的晒時間! 當中"豬小姐"(Muppet Vision 3D)那個所有團友都話訓o左全套, 我也差不多! -______-" 真係好介紹!
跟著大家各自玩, 玩o左鬼屋(Haunted Mansion)同加州飛行("Soarin' Over California", 幾OK bor)! 坐o左Pirates of the Caribbean海盜船仔(麻麻地), 睇埋CA o既Pixar's parade(我至愛) + CD o既 parade, 再去搵埋阿boo, 已經5點幾啦!大家都筋疲力盡了! 決定到DownTown吃晚飯同逛街! 諗著去位於DownTown o既迪士尼酒店吃, 點知Full晒冇得Walk-in, 有D餐廳閂o左門, 有D餐廳又要等成個鐘!
咁為有求其食, 則係乜!? 又係漢堡包+薯條law! 悶到爆!
食完去行DownTown, 再番返CD睇激光Show! 睇完激光Show, 迪士尼就立即放煙花. 我地就邊行邊睇, 點解!? 因為趕去排Finding Nemo Submarine Voyage, 則係坐潛水船搵Nemo! 平時要排兩個鐘(冇FastPass), 襯人少去排, 不過都要排8個字! 都幾得意呀!
跟著行埋DShop已經11點幾, 走人!
終於知道香港o既迪士尼有咩好!
1: 香港DShop o既貨品野多元化同靚好多! (呢度又冇Stitch! 又冇Maria野!)
2: 夠集中, 唔洗行到腳軟! (因為夠細, :P)
早9晚12咁玩, 真係太盡, 冇晒力啦! 散晒!!! ^______^"
Start from 2006 ...
星期六, 7月 05, 2008
TayThink / Travel / Toto --- 2008 US + CA Trip Day 1
Hello, California, Orange Country!!
***重點景點: 好萊塢大道(Hollywood Boulevard) + Santa Monica Beach***
自己一直對美國不大感興趣, 再加上多年前申請過兩次簽證也被拒, 曾經誓言不到美國旅行!
但由於想探望身處多倫多且日漸老邁的爺爺, 也帶著完成他心願的想法. 最終也與媽媽同家姐s踏上這次12日的美加之旅!
不知不覺已經兩年沒有去過外地旅行, 且剛完成晚間的課程, 心想鬆一鬆吧!
那麼帶著頗自在, 不太期待的心情踏上旅程!
乘車到機場, 遇上一位說"自己不健談"卻與我們談上全段車程o既司機!
O_____0" 都幾趣呀!
自911後, 出境過香港關也比以前煩複但也仍可說方便快捷! 讚呀!
不過, 乘搭UA就不大輕鬆了...
第一程機由香港去LA, 所有客上晒機, 佢地隊Crew先report要整冷氣! 以為好快搞掂啦! 頂! 一整整o左4粒鐘! 又熱又侷! 又肚餞, 仲要過晒食中午飯時間! @_____@"
好了, 整好起飛~ 飛o左10幾粒鐘, 到達了美加之旅o既第一站羅省了!
[Click "View Album" switch to Thumbnail Mode & Read pic description]
原定o既午餐係會到當地o既中餐廳享用, 但因Delay, 到達o既時候已經4點了!! 全部團友也要在車上挨飯盒! 真係第一次跟旅行隊要挨飯盒!!
第一個景點, 文氏戲院(Grauman's Chinese Theater)加好萊塢大道(Hollywood Boulevard)! 一落車就完全感受到乜野係加州50年來最熱o既6月! 溫度高,太陽猛!! 連睜開眼睛也不容易啊!
心想在大道上搵李小龍粒星, 咁o岩因為大廈重建被移走o左! 唔緊要啦~搵到吳宇森係文氏戲院o既手腳印補數!先說說打手印同好萊塢星光大道o既星星的分別, 手腳印係電影首映時先會整, 文氏戲院自創的! 同星光大道o既星星大大不同, 有貢獻的演藝人先可以放粒星係好萊塢大道上!
再去埋奧斯卡的永久o既頒獎場地柯達演館(Kodak Theater)!
旁晚到了LA著名的海灘(Santa Monica), 一個16公里長的海灘, 碼頭上有餐廳同機動遊樂場, 過一條馬路就是Santa Monica o既名店街, 3rd Street! 也是今次旅程荷苞第一次出血的地方!
購完物就去o左在香港山頂摸了兩次門釘的阿甘蝦餐廳(Babbu Gump Shrimp Co.) 吃晚飯!
餐廳建在海邊碼頭的一間木屋, 襯上日落的陽光, 很浪漫呀! (這刻不能與MyV一起, 真有點可惜啊! :p)
食物中的Crispy Shrimp, Rib同個檸檬芝士蛋榚都好好食! :P
(不過, 那晚就生了粒脷瘡, 痛足整個旅程!)
同場加映女侍應一隻手羅4杯ice tea, 勁呀! (差d們o左落我度!!)吃過飯後, 在沙灘漫步及拍照一番後就回酒店休息, 準傋明天的體力大作戰! Full Day Disneyland!
Start from 2006 ...
訂閱：
文章 (Atom)